Патна мрежа (општо)

Се подготвува проект за осумкилометарски пат кој од Прилеп ќе го нап­ра­ви достапен манастирскиот комплекс, до кој сега се стигнува пеш или со џип

мое мислење е дека треба да се остави вака како што е сега! само евентуално да се истампонира - макадам. а доколку го асфалтираат  патот мислам дека ќе се изгуби онаа досега автентична слика и за околината и за самиот Манастир!

Агенцијата за државни патишта вчера ја почна реконструкцијата на регионалниот пат Прилеп-Македонски Брод во должина од 32,3 километри. Оваа градежна активност е дел од владината програма за обнова на регионалните и патишта во земјава.

Оваа обнова на патот ќе го подобри регионалниот развој на општините Прилеп, Долнени и Македонски Брод, меѓусебната комуникација на жителите од овој дел на Пелагонија и ќе го направи побезбеден патниот сообраќај.

Според министерот за транспорт Миле Јанакиески, овој проект е мала коцка во пакетот мерки за инфраструктурна изградба на земјата, вреден 8 милијарди евра. В понеделник, како што додаде тој, ќе се почне со реконструкција на регионалниот пат Прилеп- Крушево, а паралелно се подготвува проектот за да заврши третата лента на патот Градско-Прилеп, што се очекува да започне 2010 година.

Во наредните два месеца ќе почне постапката за концесија за патиштата во Македонија каде приоритет е Коридорот 8, патниот правец Прилеп-Велес се до албанската граница, патниот правец Миладиновци - Штип и други правци кои се дел од владината програма.

Се реконструира патот од Прилеп кон Брод

Почна реконструкцијата на патот Прилеп - Македонски Брод, долг 32 километра, која треба да заврши за осум месеци. Со реконструкцијата на патот, кој поминува низ неколку општини, ќе се подобрат условите и безбедноста во сообраќајот.

- За реконструкцијата на патот ќе се вложат 283 милиони денари. Со овој потег ќе се овозможат подобри услови за одвивање на сообраќајот во овој регион, како и економски развој - рече Наташа Валканоска, директор на Агенцијата за патишта на Македонија.

Проектот за реконструкција на патот Прилеп - Македонски Брод е дел од пакетот за реконструкција на регионалните и локалните патишта во земјата. Од понеделник ќе почне и реконструкцијата на регионалниот пат Прилеп - Крушево.

- Проектот за обнова на регионалните и локалните патишта во земјата е поддржан од Светската банка. До 2011 година за реконструкција на патиштата ќе бидат инвестирани 140 милиони евра - рече министерот за транспорт и врски Миле Јанакиески. За два месеца треба да почне постапката за издавање на патиштата под концесија. Приоритет ќе биде Коридорот 8.

http://www.dnevnik.com.mk/?ItemID=D6B37EEF4C57A94DBD9B48FD44445DA5

Реконструкцијата на патот Макази - Маркова нога

	Коментари (0)

Владата на РМ од денеска ја започна реконструкцијата на регионалниот пат од крстосницата „Макази“ на влезот во Преспанскиот регион, па се до граничниот премин со соседна Грција „Маркова нога“ во должина од 37,5 км.

Реконструкцијата е со заем од Светска банка, а Владата е како инвеститор преку Агенцијата за држави патишта.

Оваа инвестиција ќе чини пет милиони евра, а реконструкцијата која е планирано да заврши за девет месеци, ќе ги опфати и локалните патишта до манастирите во Курбиново и с. Сливница, како и до туристичката населба во Крани

„Овој многу важен пат кој поврзува 15 села од источната страна на Преспанското Езеро ќе биде многу значаен сегмент за развој на овој дел од регионот, пред се во туризмот кој за Преспа отсекогаш бил важна стопанска гранка“, изјави Никола Груевски.