Teretni voz iskliznuo iz šina

Редукција на возовите

Укинати по еден пар возови на сите релации

МЖ Транспорт АД Скопје од денеска до 30 август годинава укинува по еден пар возови на сите шест релации во внатрешниот сообраќај.

Според соопштението од МЖ Транспорт, на релацијата Скопје - Битола се укинува возот кој тргнува од скопската станица во 18:15 часот, додека од Битола - Скопје е редуцирано тргнувањето од битолската станица во 12:42 часот, пренесува МИА.

Од Скопје до Гевгелија нема да сообраќа возот што тргнува од скопската станица во 06:09, а од обратната насока нема сообраќање од Гевгелија во 15:52 часот. Изостанува еден воз и на релацијата Скопје-Кочани, односно предвидениот за тргнување во 02:22 часот и во обратниот правец, возот кој тргнуваше во 18:27 часот.

Од Скопје до Табановце нема да сообраќа возот што досега тргнуваше во 06:10 часот, како и тој што тргнува од Табановце во 07:23. На релацијата Скопје - Велес се редуцира возот што тргнува од скопската станица во 13:20, како и возот што поаѓа од Велес во 14:26 часот.

Со редукцијата на возовите, од Скопје до Кичево нема да сообраќа возот што тргнуваше од скопската станица во 02:50 часот, и возот што тргнуваше од Кичево во 18:54 часот.

Велешани ги бараат укинатите возови

Патниците се лути на ваквата одлука на раководството на Железницата, кое без најава среде месец скрати осум линии

Железничките станици низ земјава запустеа со укинувањето на десетината патнички линии, кои се намалени поради спроведувањето на новиот летен режим, кој се применува од 15 јуни и ќе трае до 31 август.
Патниците се незадоволни од укинувањето на линиите и испратија барања да „МЖ транспорт“ да ги вратат, според нив, најфреквентните линии. - Оваа е голем проблем за нас затоа што освен железничка врска, немаме друга со Скопје. Илјада луѓе што работат во главниот град ќе останат без работа и без парче леб затоа што нема со што да патуваат до работното место - вели жител на битолски Азот. Од „МЖ транспорт“ објаснуваат дека намалувањето на внатрешниот патнички сообраќај е поради намалениот број патници.
- По завршувањето на учебната година се намалува бројот на ученици и на студенти од сите правци што патуваат кон Скопје. Поради тоа и економскиот момент да се покријат тие линии, решивме да се намали железничкиот патнички сообраќај до крајот на летото. Од први септември, возовите повторно ќе сообраќаат на истите дестинации - велат од „МЖ транспорт“.
Покрај битолчаните и велешаните се незадоволни од укинувањето на патничките линии, па објаснуваат дека веќе испратиле писмена реакција до Министерството за транспорт и врски и со „МЖ транспорт“. Во писмото граѓаните објасниле дека најмалку триста луѓе ќе останат без работа затоа што нема да можат навреме да стигнат во Скопје.
За нив е несфатливо и тоа што се укинуваат патничките возови, чиишто вагони најчесто се преполни. Објаснуваат дека во ударите термини патниците едвај стојат на нозе од преголемиот метеж. Според нив, место да се укинуваат возовите, треба да се зголемат патничките вагони затоа што патниците се се позаинтересирани да патуваат со воз поради поевтиниот билет. Од „МЖ транспорт“ потврдуваат дека ги добиле барањата од патниците, кои во моментот биле во процедура и разгледување, па за неколку дена ќе донеле одлука. Според летниот возен ред се укинати десетина патнички линии. На релацијата Скопје - Битола е укинат возот што тргнува од скопската станица во 18,15 часот, додека од Битола - Скопје е намалено тргнувањето од битолската станица во 12,42 часот. Од Скопје до Гевгелија нема да сообраќа возот што тргнува од скопската станица во 6,09, а од обратната насока нема сообраќање од Гевгелија во 15,52 часот. Изостанува еден воз и на релацијата Скопје - Кочани, односно предвидениот за тргнување во 2,22 часот и во обратниот правец, возот што тргнуваше во 18,27 часот. Од Скопје до Табановце нема да сообраќа возот што досега тргнуваше во 6,10 часот, како и тој што тргнува од Табановце во 7,23. На релацијата Скопје - Велес се редуцира возот што тргнува од скопската станица во 13,20, како и возот што поаѓа од Велес во 14,26 часот. Според летниот возен ред, од Скопје до Кичево нема да сообраќа и возот што тргнуваше од скопската станица во 2,50 часот, како и возот што тргнуваше од Кичево во 18,54 часот.