Когенеративни електрани (Термоелектрани-Топлани)

_______________________________

 

Парите од ТЕЦ Неготино ќе се инвестираат во новата гасна централа во Скопје
Дел од парите од продажбата на ТЕЦ Неготино што се случи на почетокот на месецов ќе се инвеститраат во изградбата на гасната централа во Скопје. Вицепремиерот Зоран Ставрески вели дека се разгелдува опцијата дел од парите од продажбата на ТЕЦ Неготино(68 милиони евра) да се инвестираат во изградбата на гасната централа во Скопје како удел на државата.
„Сеуште оваа идеја не е дефинитивна бидејќи моделот по кој ќе се гради гасната централа во Скопје сеуште не е дефинират. За тоа ќе се разговата на една од следните владини седници. Најдобро би било државата да има свој удел, но сепак за тоа ќе се одлучува на седница„, вели Ставрески.
Ставрески вели дека тендерот за гасната централа ќе се распише во септември. Досега овој тендер беше најавуван неколкупати. Причината за тоа била ставот на Владата да се завршат прво другите тендери од енергетскиот сектор, па потоа да се распише и овој тендер.
И другите пари од продажбата на ТЕЦ Неготино ќе се насочат во капитални инвестиции.
Проектот е веќе изготвен од Електрани на Македонија (ЕЛЕМ). Новата комбинирана когенеративна постројка се планира да биде инсталирана во источниот дел на Скопје, во индустриската зона, на локацијата каде се наоѓа подружницата на ЕЛЕМ Енергетика. Ова е со цел да може да се искористи постоечката опрема и инфраструктура на Енергетика. Според проценките цената на изградбата на новата гасна централа ќе биде 137 милиони евра. За изградбата на овој капацитет ќе бидат потребни 2,5 години. Новата гасна термоелектрана која како гориво ќе користи природен гас, годишно ќе произведува 1.520 гигават часа електрична енергија, технолошка пареа и топлинска енергија од 500 гигават часа. Инсталирана моќност на капацитетот ќе биде 195 мегавати, при што годишно ќе работи околу 8.000 часа. Во комбинираната топлана-електрана ќе се постави гаснотурбинска постројка, парен котел за регенерација на топлина и парна турбина со електрогенератор.
Доколку се изгради оваа гасна централа, ќе биде втора во земјава која ќе произведува струја и топлинска енергија на гас.
Веќе почна изградбата на гасната централа ТЕ-ТО инвестиција на скопска Топлификација и руската компанија Синтез. Инвестицијата е над 120 милиони евра, а гасната централа ќе има инсталирана моќност од 200 мегават часови струја и 160 мегават часови топлинска енергија.
(Тотал)