Бензински пумпи

Ова е доказ дека нашето претпријатие е отворено за соработка, изјави генералниот директор на „ЛУКОИЛ“ - Македонија, Андреј Куку при посетата на бензинската на нејзиниот прв работен ден.

Новата бензинска станица претставува заедничка инвестиција со приватната нафтена фирма „АС ОИЛ М1“, во сопственост на бизнисменот Азби Нуредини од Скопје.

Покрај „ЛУКОИЛ“, во рамки овој повеќенаменски комплекс кој се простира на површина од 17.670 м2, се наоѓаат кафе-ресторанот на австрискиот бренд „Кофи шоп“ и овластениот продажен сервис на „Мерцедес“.

Оваа бензинска станица има три диспензери со по 6 места за точење и еден сателит-диспензер за точење на гориво во тешките товарни возила, што претставува прва технологија од ваков вид во земјава.

Комплексот содржи голем паркинг простор за камиони, а во текот на наредниот месец ќе биде поставен комплетен санитарен јазол за одмор на возачите.

Се предвидува изградба на уште еден диспензер за точење гориво, наменет за тешки товарни возила кои сообраќаат на локалниот патот село Глумово - Сарај.

„ЛУКОИЛ“ - Македонија е дел од големото семејство на рускиот нафтен концерн ЛУКОИЛ, кој е втора по големина приватна компанија од ваков вид во светот, чија дејност се простира во околу 40 држави.

Во развојот на малопродажната и на големопродажната мрежа во Република Македонија Групацијата ЛУКОИЛ досега инвестираше 32 милиони американски долари. Само во изминатата година, по основ на разни давачки, во Буџетот на Република Македонија беа уплатени 34 милиони американски долари.