Булевар Илинден

Улицата Илинденска од 19 април до први јуни годинава ќе биде целосно затворена за сообраќај на потегот од крстосницата со улица Ленинова до потегот Рузвелтова (Зоолошка градина) и сите други крстосници на овој потег, крстосницата со Наум Наумовски Борче кај фонтаната, информираат градските власти.
 
Сообраќајот ќе биде пренасочен по преостанатата улична мрежа, по улицата Орце Николов и булеварот Партизански одреди.

Станарското право врз бараката на семејството Милкиќ му донесе еден двособен и еден еднособен стан во Бутел, а од ЈП за стопанисување со станбен и деловен простор и еднособен социјален стан за којшто ќе плаќаат минимална кирија

Старата трошна барака на семејството Милкиќ, што се наоѓа точно на трасата каде што треба да поминува сообраќајницата на новиот булевар "Илинден" вчера замина во историјата. Механизацијата на "Гранит", којашто беше сместена наспроти последната барака на административната зграда на Град Скопје, точно во 11 часот пред камерите и фотоапаратите почна со уривање на ѕидовите од куќата во која три семејства живееЈа повеќе од четири децении. Од урнатините први избегаа неколку стаорци.

Семејството Милкиќ имало станарско право на куќата и во неа живеело од пред 1968 година кога ја добиле куќата како вработени во Зоолошката градина. За возврат за урнатата барака добија еден двособен и еден еднособен стан во новите згради до Општина Бутел, а од ЈП за стопанисување со станбен и деловен простор и еднособен социјален стан за којшто ќе плаќаат минимална кирија. На уривањето присуствуваше само една од наследниците која со многу емоции следеше како домот во којшто одраснала, а токму тука го формирала и своето семејство, се срамнува со земјата. Сепак, најде сила во името на своите родители да му се заблагодари на градоначалникот Коце Трајановски, што по долги преговори постигнале договор на задоволство на двете страни.

Градоначалникот Трајановски рече дека градските служби особено внимавале на тоа семејството да не биде оштетено и затоа им доделиле станови со многу поголема вредност од куќата што се руши.
- Со ова семејство разговаравме околу шест месеци. Во разговорите беше вклучени и Подрачната единица за имотно правни работи при Министерството за финансии, така што на заемно задоволство го решивме проблемот и со оваа акција проширувањето на "Илиндеска" ќе продолжи понатаму без проблем, рече Трајановски. Тој додаде дека за да се заврши комплетно проширувањето на Илинденска", ќе треба да се обештети уште едно семејство што живее на улицата "8 Септември". "Се надевам дека и со нив ќе постигнеме ваков договор", рече Трајановски.

Градежните работи на проширувањето на "Илинденска" со поинтензивна динамика почнаа да се реализираат од минатата недела откога делОТ од булеварот од Фонтаната до "Рузвелтова" е затворен за сообраќај. Проширувањето на овој дел ќе треба да заврши до јуни годинава.