Булевар Србија

Елена Мачевска

Проширувањето на булеварот Србија, кое почна уште минатото лето, се одвива бавно и иако надлежните негираат дека работата не се одвива според првичните процени, досега се изведени само земјените ископи, трасирана е сообраќајницата и извршено е тампонирањето на коловозот. Овие активности финализираа некаде до средината на ноември кога почна и асфалтирањето на дел од сообраќајницата која се протега од крстосницата со булеварот Видое Смилевски-Бато кон крстосницата со Трета македонска бригада. Од тогаш, проектот за проширување на булеварот Србија е во изведбена фаза и досега е завршена делницата во должина од 700 метри. Како што информираат од Град Скопје, во моментов се работи во непосредна близина на крстосницата со булеварот Трета македонска бригада. Сепак, граѓаните што секојдневно поминуваат низ стариот дел на булеварот Србија, кој се смета за еден од најфреквентните во овој дел од градот, сметаат дека за толку мала должина на проширување треба да се работи поинтензивно, а не 1.000 метри да се прават со месеци. Сличен став за динамиката на работа имаат и жителите што живеат во околните згради и куќи. &“8211; Во Реонскиот центар с* е раскопано затоа што постојано се гради и мака мачиме со калта. Порано барем кога ќе излезевме од населбата излегувавме на асфалтирана улица, а сега газиме по кал &“8211; вели жителка на Реонскиот центар. Од Град Скопје објаснуваат дека непланирани застои и намалување на интензитетот на работите за проширување на булеварот Србија во општина Аеродром нема и, како што велат, с* се одвива според динамиката предвидена во проектот. - Мали предвидени намалувања на интензитетот имаше само за време на празниците и поради студеното време кое е карактеристично за последниот период. Инаку, во моментов се работи на подготвителните работи за уредување на крстосницата и асфалтирање на почетниот дел од другата страна на булеварот &“8211; велат од Одделението за односи со јавност на Град Скопје. Оттаму најавуваат дека во текот на наредната градежна сезона ќе продолжи проширувањето кон Првомајска и, како што велат, според најавите од изведувачот, работите треба да завршат во рок од 200 работни дена. Вкупната должина на проширувањето на целата делници изнесува 1.800 метри, а Град Скопје за таа намена од градскиот буџет издвои околу 120 милиони денари.