Друго нешто што приметив е дека тротоарите ќе бидат со широк профил и велосипедски патеки. Колку што се сеќавам не беше таков случајот со Словенечка кога се изградија само 2-3 метри тротоар а другото се остави за подобри времиња. Е сега би требало и од другата страна да биде три ленти

Асфалтиран првиот дел од проширувањето на булеварот Србија

Екипите на Градот Скопје комплетно ги асфалтираа првите 700 метри од проширувањето на булеварот Србија, од крстосницата со булеварот Видое Смилевски Бато во насока на булеварот Трета Македонска бригада.

Асфалтираниот коловоз е означен со хоризонтална сигнализација, а поставено е и ново осветлување. По должината на првите 700 метри од проширувањето на булеварот Србија деновиве ќе се поставуваат рабници, а на тротоарите и велосипедската патека ќе се редат бекатон-плочки.

Во близина на бензинската пумпа на „Макпетрол“ важи привремен режим на сообраќајот. Сообраќајот во тој дел е пренасочен за да може да се докомплетира средишниот зелен појас кај крстосницата со булеварот Видое Смилевски Бато.

На крстосницата, пак, меѓу булеварите Србија, Трета Македонска бригада и 12.Македонска бригада почна асфалтирањето на кракот 2 од вкрстувањето. На кракот 3 се поставуваат рабници и до крајот на  месецов ќе почне асфалтирањето и на тој дел.

Истовремено ќе се асфалтираат уште 300 метри од проширувањето на булеварот Србија, во насока кон улицата Првомајска. На овој дел претходно беше направена заштита на подземната инсталација, а дел од инсталацијата беше дислоцирана.

Вкупната должина на проширувањето на булеварот Србија изнесува 1.700 метри. За градежните работи на булеварот Градот Скопје ќе потроши околу два милиона евра. /крај/со/ст