Табли со имиња на улици Центар

Конечно скопјани ќе знаат на која улица се движат во општината Центар. Со години жителите се жалат дека ниту кога одат пеш, ниту пак со возило, а уште помалку со такси не можат да се снајдат низ улиците во градот

Од општината Центар најавија дека наскоро ќе почнат со обележувањето и нумерирањето на улиците на територијата на нивната општина. За таа цел тие набавиле пет илјади таблички на кои се испишани имињата на улиците во општината и деновиве ќе почнат со нивно поставување.

- Свесни сме дека жителите од нашата општина не можат да се снајдат кога се движат по улиците, а камоли пак оние што одат некаде во посета и затоа решивме да поставиме табли со имињата и со броевите на улиците и куќите. Веќе почнавме да ги поставуваме таблите, па се надеваме дека ако продолжиме со оваа динамика, таблите ќе бидат поставени за два месеца - објаснија од општината Центар.

Жителите на општината велат дека се пресреќни што конечно ќе можат да се движат по улиците во нивните општини. Навистина е срамота да не знаеме по која улица се движиме, а живееме во оваа населба повеќе од 20 години. Убаво е што конечно на некого му текнало дека треба да се постават табли со имињата и со броевите на улиците - кажа Спаска Стојковска.

И не само тоа, као ќе ставаме табли, ама кутриот странец и откако ќе ги ставиме тие фамозни долго-очекувани табли пак нема да може да се снајде, пошто ќе бидат на кирилица. Демек латиницата не е наша, а кирилицата која е, треба да ја чуваме, да не исчезне, оти ако ние не, тогаш кој... итн итн... ама битно конструктивниот момент во целава работа ќе трпи. Не гледам ништо лошо да биде само на латиница (тоа се ознаки, а не литература), али што да не и латиница и кирилица заради некаков компромис меѓу романтичарското и практичното (ако веќе мора да драмиме). 

ПЕШАЧКИТЕ ПРЕМИНИ НЕБЕЗБЕДНИ ЗА ГРАЃАНИТЕ

Семафорите за пешаци без бројачи

Граѓаните не знаат уште колку секунди имаат за да го минат пешачкиот премин, па стравувајќи дека во секој миг ќе се запали црвено светло, со трчање ги минуваат улиците

Се поставаат нови семафори во градот

 На крстосниците на улиците „Гоце Делчев„ и „11 Октомври„  работи фирмата „Електро-софт„ на поставување на столбовите што ќе ја носат светлосната сигнализација. Проектот чини 2,6 милиони  денари- вели Лидија Ланг Спасовска раководител на Секторот за урбанизам и комунални дејности.

На втората раскрсницата на булеварот „Октомвриска револуција„ и улицата „Ѓорче Петров„, кај новиот пазар се вршат последните поготовки.

Причина за поставување на светлосната сигнализација е густината и фрекфентност на сообраќајот во тие делови на градот и голем дел на сообраќајки што се случуваат на овие раскрсници- вели Ланг-Спасовска.

Од Општината апелираат до граѓаните да ги почитуваат сообраќајните прописи во однос на паркирањето за да има ефекти од новите семафори.