Веро Центар

На 1 септември, среда,  ќе се случи официјалното отворање на новиот трговски центар „Веро“ кој се градеше последните 2 години на просторот спроти Народна банка.

Објектот е со површина од 40.000 квадратни метри, со што се вбројува меѓу најголемите трговски центри во нашата земја. Инвеститор на овој проект е грчката фирма „Веропулос“, која вложи околу 40 милиони евра за изградба на објектот.

Центарот освен што е голема архитектонска атракција, ќе понуди и содржини кои ќе ги анимираат македонските граѓани во сите четири годишни времиња. Ќе има вкупно 42 продавници, 19 лифта, елеватори и подвижни ленти, кои ќе им ги олеснат пазарувањето и обиколката на потрошувачите, како и 96 безбедносни камери.

По повод претстојното отворање главниот менаџер на Веро за Макеоднија, Г-динот Костас Теодосијадис изјави: „Новиот трговски центар ќе им понуди на граѓаните многу нови содржини и можност да се купат производи од познати светски марки, кои досега вообичаено ги набавуваа од Грција, како што е на пример продавницата за деца „ Jumbo“. Покрај странските брендови („New Yorker“, „Betty Barclay“, „Office shoes“, „Oxette“) трговскиот центар ќе располага и со брендови од македонски производители.

Објектот е комплетно застаклен и има сончев покрив, со многу дневна светлина, па престојот во него ќе биде пријатен и волшебен. Веро Центарот е простран модерен, луксузен и елегантен, а во него се употребени материјали според стандардите на ЕУ. Обезбеден е затворен паркинг на две нивоа со капацитет за околу 500 возила, кој ќе им помогне на посетителите поедноставно да се паркираат.
Родителите за време на пазарењето нема да имаат потреба да се грижат за нивните најмали бидејќи обезбедивме 300 м2 бесплатна детска игротека која ќе ги анимира“.

Теодосијадис вели дека во процесот на изградбата за нив од големо значење било секој посетител да се чувствува безбедно и сигурно во новиот трговски центар, па затоа тој е денес опремен со врвна безбедносна и противпожарна технологија.

Теодосијадис најави дека во рамките на новото Веро ќе бидат попoлнети околу 500 нови работни места и тоа најголемиот дел од нив ќе се реализираат во  супер маркетот Веро и детската продавница „Џамбо“ со 270 нови вработeни, додека останатите 200-250 ќе го покријат останатиот дел од трговскиот центар.

На првиот кат ќе биде сместен супермаркетот „Веро“ со површина од 4.700 квадратни метри, 20 каси и понуда од над 15.000 производи. За гурманите Веро Центарот ќе понуди готвена храна и свежа риба во секое време, како и можност да гледаат како се меси и се пече леб во домашна пекарница. Ова ќе биде најголемиот маркет во Македонија изграден до сега.

Наспроти маркетот ќе биде сместена познатата продавница „Jumbo“ за детски играчки, додатоци и прибор за домаќинства, подароци и голем избор на училишна опрема, која ќе се протега и на вториот кат, исто како и продавницата на долгоочекуваниот бренд на нашите простори „New Yorker“-гермаски ланец на продавници за облека наменетa за модерни луѓе.

Посетителите ќе уживаат и во десетина големи дуќани за облека, чевли, додатоци и часовници. Во Веро Центарот ќе можете да ги завршите и сите ваши други обврски, доколку имате потреба од хемиско чистење, фризерај, банка, менувачници, продавници на мобилните оператори, оптика, бижутерија, бутик за долна облека, пицерии и неколку кафулиња, како и ресторан во кој ќе се подготвува грчко гиро.

На третиот кат ќе бидат сместени канцелариите на дирекцијата на „Веро“, која се пресели од досегашната локација во Тафталиџе.

Тимот на новиот трговски центар Веро е подготвен на 1 септември да им посака добредојде на своите први посетители. Тие највуваат голема забава и изненадувања со кои ќе го прослават и одбележат официјaлното отворање.