Хидроелектраната “Козјак“ забележала најголемо производство на електрична енергија од нејзиното вклучување во електроенергетскиот систем во 2004 година.

Од почетокот на годинава до средината на август, регистрирана е испорака на електрична енергија од над 190 милиони киловат часови, со што е надминат досега најдобриот резултат на хидроелектраната од 179,52 милиони киловат часови остварен за цела 2006 година, соопштуваат од Електрани на Македонија. 

Годишното производство на “Козјак“ во однос на енергетскиот биланс е остварено  на 27 мај, или за помалку од пет месеци. Моментно, акумулацијата има водни резерви доволно за производство уште на дополнителни 48 милиони киловат часови електрична енергија во понатамошниот период.

Од ЕЛЕМ очекуваат и хидроелектраната “Тиквеш“ за кратко време да го достигне и надмине производствениот рекорд од 265 милиони киловатчасови поставен во 1981 година. Според проекциите, овој капацитет тековната година најверојатно ќе ја заврши со произведени над 300 милиони киловатчасови, што ќе се заведе како досега убедливо најголемо производство на електрична енергија во 42 годишното постоење на оваа хидроелектрана. 

Пропаѓа тендерот за изградба на големи хидроцентрали

Наташа Стојановска	Коментари (0)

Зоран Мартиновски

Тендерот за хидроцентралите „Чебрен“ и „Галиште“ повторно пропаѓа. Рокот истекува за неколку дена, но нема понуди - дознава А1.

Власта сега одлучува, ќе го поништи ли тендерот или ќе ги продолжи роковите? Која од опциите ќе се избере, ќе се знае на некоја од наредните владини седници.

Сепак овој пат не помогнаа ниту консултантските услуги на Меѓународната финансиска корпорација ИФЦ, која доби 100 илјади евра за да ја советува владата како да привлекува странски инвестиции, но и како да не пропаѓаат тендерите за „Чебрен“ и „Галиште“.

„Сме обврзани на доверливост во однос на нашиот ангажман како трансакциони советници. Можам само да кажам дека проектот е во завршна фаза и би се воздржал од било какви коментари со оглед на тоа дека проектот влегува во една критична фаза“, изјави Зоран Мартиновски, Директор на ИФЦ.

Сепак информацијата на А1 официјално никој не ја потврдува - од министерството за економија велат, рокот истекува за неколку дена, до тогаш ќе се чекаат и понудите.

Во трка за „Чебрен“ и „Галиште“ влегоа италијанската „ЕНЕЛ“, германската „РВЕ“ и австриски „Вербунд“, но ниту една не доставила понуда.

Неофицијално се дознава дека италијанците од „ЕНЕЛ“ не покажале голем интерес, слично како и Австријците од „Вербунд“, а Германците од „РВЕ“ запреле дел од проектите во југоисточна Европа.

Проектот „Чебрен“ и „Галиште“ вреден 700 милиони евра се најавува со децении но, и натаму останува само на хартија заглавен во тендерски постапки.

Во меѓувреме на терен речиси и да нема некоја друга посериозна инвестиција во енергетиката.

Мини-хидроцентрала на водоводот во Кичево

На цевководот од градскиот водовод во Кичево, во населбата Иванидол, ќе се гради мини-хидроцентрала со капацитет за производство на 2,5 гигават-часа електрична енергија

Шести тендер за „Чебрен“ и „Галиште“

ОСОГОВСКИ ПЛАНИНИ

Студија за изградба на мали акумулации на Арамиска чешма

ХЕЦ „Света Петка“ никако да мрдне од првата фаза

Централата требаше да биде завршена во март 2009 година, а за пет години се завршени само основните работи

Маја Томиќ


Изградбата на хидроцентралата „Света Петка“, или „Матка 2“, тапка во место. Таа требаше да се пушти во употреба во март 2009 година, според договорот, а се' уште не е завршена ниту браната. Непознато е што се чека за да се продолжи со изградбата на централата. Двете договорни страни, државната ЕЛЕМ и словенечката „Рико“, главен изведувач на браната, упорно молчат и на јавноста не и' ги кажуваат причините зошто работите со ХЕЦ „Света Петка“ стојат статус кво со години.

Постои ли некаков криминал околу изградбата на овој проект, како што пред неколку месеци обвини опозицискиот СДСМ ? Професорот Атанаско Туневски пред извесно време обвини дека комисија на ЕЛЕМ во 2005 година го избрала „Рико“ да биде главен изведувач на ХЕЦ „Света Петка“. Но, согласно со договорот, ЕЛЕМ не му наплаќа на „Рико“ пенали поради огромното доцнење на изградбата од повеќе од четири години. СДСМ летово ја обвини ЕЛЕМ за криминал во врска со овој проект, односно дека одредени имиња од компанијата имаат лична корист од тоа што работите со хидроцентралата стојат во место, а дека зад тоа стоела и Владата.

Инаку, уште во 2004 година, тогашно ЕСМ ја изврши изградбата на тунелот и на преливната шахта за ХЕЦ „Света Петка“, откако претходно се изгради пристапниот пат до локацијата на објектот. Во почетокот на јуни 2006 година, пак, словенечки „Рико“ стартуваше со изградбата. Вкупната инвестиција беше проценета на околу 65 милиони евра, од кои 42 милиона евра „Рико“ требаше да ги обезбеди со кредит од Депфа банка, со државна гаранција, а 23 милиони евра да бидат сопствени средства на ЕЛЕМ. Периодот на отплатата беше утврден на 15 години, при грејс-период од три години и шест месеци и годишна каматна стапка од 2,75 проценти. Средствата требаа да станат оперативни веќе од јули 2006 година и да се започне со градежните работи во следните шест месеци. Браната требаше да биде готова за 34 месеци и изградена по принципот клуч на рака.

Според документацијата, инсталираниот капацитет на ХЕЦ „Света Петка“ е 36,4 мегавати. Таа е последната во низот од трите каскадни централи на реката Треска, задно со „Матка“ и „Козјак“, и треба на македонското електростопанство треба да му испорачува дополнителни 116 мегавати струја годишно, што ќе биде веднаш зад капацитетот на мавровските хидроцентрали, „Вруток“, „Врбен“ и „Равен“. ХЕЦ „Света Петка“ треба да остварува годишно производство на струја од 90 милиони квч.