Author |
Topic Search Topic Options
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#61 Posted: 02-Feb-2010 at 15:58 |
Дупките голтаат пешаци
Неколку
скопјани завршија со скршеници по пропаѓањето во дупка поминувајќи го
Вардар кај Комплексот банки и кај Холидеј ин, а од Градот упорно тврдат
дека "Улици и патишта" редовно ги санира оштетувањата на мостовите
Мостовите
во Скопје се изрешетани со дупки. Отворени и длабоки дури по еден
метар, зјаат на тротоарите, а не ретко на нив може да се налета и на
коловозот. Очевидци велат дека се случува пешаци да пропаднат во
нив, а многу често заглавуваат и возила. Во обид да ги избегнат за
да не пропаднат сосе автомобил во дупка, возачите се принудени да
преминуваат од една на друга страна на коловозната лента, се пикаат
меѓу коли, а понекогаш се качуваат и на тротоарите. Веќе со месеци
партал е мостот Гоце Делчев, а ништо подобра не е ниту состојбата со
мостовите кај хотелот "Холидеј ин" и кај Комплексот банки во центарот
на Градот. Скопјани се жалат дека кога пешачат по нив, се
чувствуваат како да тренираат скок во далечина. Рипаат преку огромни
дупки за да најдат здраво делче на асфалтот. А кога ќе ги прескокнат
дупките, едвај продолжуваат да одат на тротоарите оти под нозете им се
тркалаат камења од искршениот асфалт. "Стравуваме дека еден ден
мостот ќе падне. Многу пати во дупките заглавуваат пешаци,
велосипедисти, а знам и за неколкумина што скршија рака кога пропаднаа
во мостот", се пожали скопјанка што ја затековме на мостот кај хотелот
"Холидеј ин" како се обидува да прерипне дупка. Место да ги затворат
дупкитем од Градот најавуваат дека се планира мостовите да се оградат
со ковано железо и со мотиви од македонскиот фолклор и традиција.
Дупките, пак, велат од таму, редовно ги пополнувале. "Претпријатието
'Улици и патишта' редовно ги санира ударните дупки со ладен асфалт.
Минатата недела интервениравме на ударна дупка на мостот кај 'Холидеј
ин'. Ќе ја провериме состојбата и на мостот Гоце Делчев и кај
Комплексот банки и доколку има потреба, ќе ги санираме оштетувањата",
велат од Градот.
http://vest.com.mk/?ItemID=B92FD6DDE460D94B99E319DF2ACD8F83 |
|
|
La Linea
Senior Member
Joined: 07-Nov-2007
Location: Skopje
Online Status: Offline
Posts: 2067
|
Quote Reply
#62 Posted: 08-Mar-2010 at 01:19 |
Солта што го топеше снегот, го стопи и асфалтот
Дупките што зјаат на коловозите како кратери претставуваат опасност за учесниците во сообраќајот
Снежана Калабакова
Солта што се
фрлаше зимава за да го стопи снегот по улиците, го стопи и стариот
асфалт од коловозите на градските сообраќајници. Дупките што зјаат како
кратери претставуваат опасност за учесниците во сообраќајот. Од ЈП
„Улици и патишта“ потврдуваат дека има оштетувања на коловозите на
улиците речиси во сите делови на градот. Признаваат дека многу
сообраќајници не се градени како што треба, а бидејќи со години само се
крпат, без да им се направи комплетна реконструкција, многу брзо
повторно се јавуваат пукнатини и се отвораат нови дупки на коловозите.
Оштетувања
има на булеварот „Партизански одреди“, на улицата „8 Септември“, на
„Јужен булевар“, „Кочо Рацин“, на булеварите „Александар Македонски“ и
„Србија“. Евидентирани се големи оштетувања на асфалтот и „Вера Јоциќ“,
на „Митрополит Теодосиј Гологанов“, на „11 Октомври“,
„Македонско-косовска бригада“, додека улицата „Првомајска“ комплетно е
за реконструкција. И во населбата Маџари полна со дупки е улицата
„Благоја Стефковски“, исто како и „Самоилова“ на Кале, улицата „Васил
Ѓоргов“ во населбата Капиштец.
Од „Улици и патишта“ сметаат
дека за реконструкција на коловозите ќе бидат потребни од 80 до 90
милиони денари, а околу 50-ина милиони денари за поправка на
тротоарите. Градот Скопје со програмата за крпење и реконструкција на
градските улици предвиде 229 милиони денари за уредување на коловозите
на 118 градски улици. Средствата ќе бидат сукцесивно употребувани,
согласно со динамиката на изведените работи.
До 15 март „Улици
и патишта“ ќе ги затвора дупките на коловозите со ладна асфалтна маса,
а потоа, штом ќе се отворат асфалтните бази ќе се продолжи со топол
асфалт.
„Приоритет за работа, пред се', ни се централните
градски улици. За затворање на дупките на коловозите до крај на
зимскава сезона имаме на располагање 200 тони ладна асфалтна маса. Од
15 март до средината на ноември дупките ќе ги крпиме со топол асфалт.
Сметам дека од вкупната површина што ја одржуваме во градов од околу
2,7 милиони квадратни метри, оштетени се само 4 отсто. За санација на
коловозите ќе потрошиме околу 7,5 до 8 тони топол асфалт“, вели Иван
Ставрев, заменик-директор во ЈП „Улици и патишта“.
Од
претпријатието информираат дека е изгребан асфалтот на автобуските
постојки на „Партизански одреди“ кај Порта Влае и пред комплекс банки и
во следната фаза екипите ќе асфалтираат.
|
http://www.utrinski.com.mk/?ItemID=4F58A138475E584785412643750EAA21 [/quote]
Edited by La Linea - 08-Mar-2010 at 01:20
|
Помогнете во Македонската Википедија - Слободна енциклопедија!
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#63 Posted: 09-Mar-2010 at 13:00 |
ГРАЃАНИТЕ ЧАРЕ ЗА КРАТЕРИТЕ НА УЛИЦИТЕ БАРААТ НА СУД
20 тужби до Градот за штети од дупки
На рочишта ниту еден
од тужителите не успеал да му докаже на Судот дека штетата е
предизвикана токму од дупките кои со години зјаат низ улиците, па од
градската каса не е одвоен ниту денар по таа основа
Дваесетмина
граѓани го тужеле Град Скопје оти си ги оштетиле автомобилите од
дупките по улиците. Иако бројот на граѓани чии возила секојдневно
настрадуваат од кратерите со кои се изрешетани улиците и булеварите е
многу поголем, досега само вкупно 20-мина решиле да бараат
обесштетување од Градот за настанатата штета. Сепак, на рочишта ниту
еден од тужителите не успеал да му докаже на Судот дека штетата е
предизвикана токму од дупките кои со години зјаат низ улиците. Во
недостиг од докази, целата судска постапка завршила во корист на
Градот, по што граѓаните не успеале да ја добијат отштетата која ја
барале. "Точно е дека досега до Градот стигнале дваесетина барања
за обесштетување за кои биле поведени и судски постапки. Град Скопје
досега нема изгубено ниту еден спор по ова основа, па нема ни исплатено
ниту денар за штета од дупките на улиците", велат од Град Скопје. Во
Скопје речиси и нема улица без дупки. Колку внимателно и да возите,
сепак, не можете возењето да го завршите без да погодите неколку дупки.
Иста е сликата и на булеварите каде што асфалтот, стар повеќе од 30
години, е испукан, па на секој чекор на коловозот има вдлабнатини и
крпеници. Досега ниту еден градоначалник не го има решено овој
проблем. Градоначалникот Коце Трајановски есеноска најави дека недела
ќе биде ден за крпење на дупки, но таа акција се спроведе само еднаш. Од
Градот велат дека пролетва ќе имаат голема акција за санирање на
ударните дупки. ЈП "Улици и патишта" и двете приватни фирми, ангажирани
за крпење, ќе интервенираат на 118 сообраќајници кои се под надлежноста
на Градот, за што во буџетот се предвидени 229 милиони денари.
http://vest.com.mk/?ItemID=3326B39E73682044B77ACDF581542C3E |
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#64 Posted: 09-Mar-2010 at 13:35 |
Како по обичај после ископ се затрупува фушерајски и пропаѓа земјиштетот што е нормално, но уште понормално е да се дополни одозгоре...
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#65 Posted: 27-Apr-2010 at 21:26 |
Улиците во Кисела Вода
крш Скоро
секоја втора улица од Драчево до Црниче е изрешетана со огромни дупки и
е со искршен тротоар
Улиците во Општина Кисела Вода се партал. Скоро секоја втора е
изрешетана со огромни дупки и е со искршен тротоар. Парчиња од уличен
асфалт и камења се тркалаат во сите населби, од Драчево до Црниче. Во
најкатастрофална состојба се улиците Иван Козарев, Сава Ковачевиќ, Вера
Јоциќ, Наум Охридски, Георги Димитров, Франк Харкорт - Манинг, Огњан
Прица, Киро Крстевски, Драчевска. Сите поминуваат во различен реон и
сите се која од која покрш. На пример, за да ја изодат Иван Козарев
од едниот до другиот крај, граѓаните на секој чекор треба да скокаат
преку отворени кратери. Во продолжение, пак, пропаѓаат во вдлабнатините
на Вера Јоциќ и така натаму. По најфреквентната улица во Црниче
Наум Охридски автомобилите возат како да играат ламбада. Час се во
некоја дупка, час се надвор. Чиста среќа е да помине ден, а некој да не
се пожали на упропастени делови на автомобил или, пак, на искинати
чевли. Овој проблем ги мачи граѓаните со години. И покрај нивните
поплаки во Општината, речиси за ниту една од улиците не се најде трајно
решение. "Ќе излезат да ги пополнуваат дупките и ако работата запне
некаде, престануваат. Или, пак, ќе ги пополнат чисто колку да се каже
дека работат, и за неколку недели пак се искршени. Срамота е да живееме
во крш, и тоа на неколку километри од центарот на градот", коментираат
жителите. Информацијата за санација на улиците Кисела Вода посочи да
ја бараме на општинската веб страница. Иако на неа се врти најава за
пролетна акција за крпење на дупките во Припор, Пржино и во Црниче,
никаде не пишува кога и дали ќе се поправат набројаните проблематични
улици. (М.Ѓ.) |
http://vest.com.mk/?ItemID=5BEDDB20E6777242AB3AF23267CE9B8B
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#66 Posted: 28-Apr-2010 at 03:04 |
Фаворит за најкрш би доделил на Сава Ковачевиќ на потегот од Народни Херои до Првомајска. После тоа доаѓа Иван Козаров во продолжение Вера Јоциќ. Тука не помага никаква санација со крпење или пресвлекување. Тука од прекопи е осакатен и тампонот, тука буквално за темелна санација треба да се гради de facto нови улици, особено Вера Јоциќ после прекопувањето за канализација.
|
|
fichot
Senior Member
Joined: 02-Feb-2010
Location: Skopje
Online Status: Offline
Posts: 2602
|
Quote Reply
#67 Posted: 28-Apr-2010 at 09:57 |
Асална улица нема во градов, освен можда Словенечка кај Визбегово. Ама од тоа што сум видел мислам дека мостот во Сарај е најголема катастрофа. Кратери во кои се остава тркало има речиси секогаш, иако доста често се пополнуваат за брзо време пак се таму.
|
|
SkyBoy
Senior Member
Suspended
Joined: 24-Feb-2010
Online Status: Offline
Posts: 738
|
Quote Reply
#68 Posted: 10-Jun-2010 at 23:53 |
Асфалтот избега од улиците
Возачите реагираат дека улиците се полни со дупки како никогаш досега, а особено е загрижувачко тоа што кратери има и на главните сообраќајници и булевари како Партизански одреди, Јане Сандански, Свети Климент Охридски и други
Улиците во Скопје се полни со дупки како никогаш досега, револтирани се граѓаните. Тие реагираат дека градските власти се однесуваат немарно кон овој голем проблем и се прашуваат како е можно веќе да е јуни, а уште да не се закрпени кратерите што се отворија зимава. Дотолку повеќе што градоначалникот Коце Трајановски сред зима организира еднодневна акција за полнење на дупките со ладен асфалт, а сега со месеци ништо не работи на тој план.
Големи отвори на асфалтот има на речиси сите главни улици и булевари, што не се случило досега. Зјаат и ги демнат возачите на „Партизански одреди“, „Јане Сандански“, „Теодосиј Гологанов“, „Свети Климент Охридски“ и на многу други. Дополнителен проблем е и необележаната хоризонталната сигнализација, односно тоа што не се гледаат ниту границите на коловозните ленти ниту пешачките премини, па возењето е авантура.
- Штом булеварите се како швајцарско сирење, тогаш што останува за споредните улички. На пример, уличките во Дебар Маало, но и во периферните населби, се катастрофа. Ем тесни ем раскопани, велосипед не може да се вози, а камоли автомобил. Ми се случувало да наидам на сред улица на пластична гајба што е ставена во дупка од шахта. И тоа во строгиот центар на градот. За време на дождовите тие се полнат со вода. Бандажите на автомобилот ми се оштетени, но тоа не ме загрижува многу, туку кога бегам од дупките стравувам дека ќе се удрам некаде. Оваа негрижа само зборува колку градските власти летаат во облаци и не се грижат за суштинските проблеми на граѓаните - вели скопјанецот Никола Наумовски.
Уште поголем проблем имаат жителите од периферните населби, кои се жалат дека на некои улици водата од пролетните дождови го однела целиот асфалт и оставила големи дупки.
- Лани, пред локалните избори градоначалникот Сокол Митровски турбо ги раскопа улиците во Волково и во околните села за да ја постави канализацијата. Доби втор мандат и го остави прекопот неасфалтиран, како награда за нас што гласавме за него. Тој прекоп потоа се рашири, од него се отворија и големи дупки и веќе цела година немаме асолна улица, туку импровизирано тесно сокаче долго 2 километра, по кое е опасно да се вози и да се разминуваат возила. Се прашувам дали пред следните локални избори градоначалникот ќе ја асфалтира барем главната улица во Волково - вели Марјан К.
Од Јавното претпријатие „Улици и патишта“, кое е надлежно да ги пополнува дупките и да ја бележи хоризонталната сигнализација на улиците, велат дека тие се запознаени со состојбата на сообраќајниците и дека деновиве, со одобрение на Градот, веќе се во акција за крпење на дупките. Директорот Синиша Ивановски вели дека во изминатиот период имале некои недоразбирања во фирмата, предизвикани од набавките на материјалите за работа и засилените ангажмани што им ги наметнуваат градските власти.
- Откако се' се среди, почнавме со градежна офанзива. Во организација на Град Скопје и општините се изведува акцијата „Заедно за чисто и зелено Скопје“, во која и ЈП „Улици и патишта“ активно учествува. Во Ѓорче Петров се санираа дупките на булеварот Партизански одреди, кај Порта Влае, на улицата Ѓорче Петров и на патот кон рекреативниот центар „Сарај“. Исто така поставивме и хоризонтална сигнализација на површина од 100 квадратни метри. Во Кисела Вода беше санирана улицата Иван Козаров со 8 тони асфалтна маса, а се работи и на улиците Вера Јоциќ и Христо Татарчев. Во Чаир се изврши машинско гребење на асфалтот на „Македонско-косовска бригада“ на површина од 120 квадратни метри, а работите се уште се во тек. Се работи и на улиците Нов живот и Шутка - вели Ивановски.
Тој додаде дека се работи и на поставување нови семафори низ градот, но не прецизира кога како претпријатие ќе имаат самостојна акција исклучиво за крпење на дупките, за конечно да добиеме мазни и безбедни улици.
|
|
Supervisor
Senior Member
Joined: 28-Jan-2008
Location: skopje
Online Status: Offline
Posts: 1220
|
Quote Reply
#69 Posted: 11-Jun-2010 at 11:16 |
Решенијата од кои со години се бега се преслекување на целиот асфалт. Крпење дупки е поголема беља и тоа сите добро го знаеме. Конкретно за Партизанска бидејќи пишува во текстот, од делот кај Рузвелтова до раскрсницата со Климент Охридски е потребно целосно преслекување. Нека заборават на крпење дупки!
|
NewYork-London-Paris-Moscow-Tokyo-Skopje
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#70 Posted: 16-Jun-2010 at 16:13 |
@ EVN
Јакимовски бара
европски манири од ЕВН
Карпош не е
село без кучиња и нема повеќе да дозволиме кој како стаса да ги
раскопува улиците, без потоа да ги обнови квалитетно, и' порача
вчера на компанијата ЕВН градоначалникот Стевчо Јакимовски. Тој покажа
десетина фотографии од улици во Карпош и рече дека оние што се
асфалтирани се неквалитетно изведени, што им создава дополнителна работа
и трошоци.
Тој нагласи дека решение за тој проблем е во
потпишување договор за банкарска гаранција, која се активира ако фирмата
не исполни членови од договорот. Надлежните од ЕСМ-ЕВН, според
градоначалникот, одбиваат да потпишат таков договор, па затоа тој најави
екстремни мерки.
- Додека не потпишат договор за враќање на
прекопите во првобитна состојба, Општина Карпош нема да им издава
градежни дозволи и локациски услови. Ни продаваат балкански манири, а
европските ги чуваат за Австрија. Прашувам дали вака смеат да се
однесуваат во Виена, Грац, Салцбург - рече Јакимовски.
Незадоволен
од односот на компанијата, тој им порача на надлежните од ЕВН целосно
да ги санираат улиците. Доколку не бидат кооперативни и не се
приспособат кон стандардите на општинарите, отворено им најави блокада
на 50 локациски услови што моментално чекаат потпис.
Портпаролот
на ЕВН, Ленче Карпузовска, изјави дека Јакимовски не смее да се одлучи
на таков чекор, со кој ќе го попречува јавниот интерес. Таа кажа дека и
понатаму ќе разговараат, но ако не најдат заеднички јазик, а Карпош не
им издава дозволи, ќе мора да тужат.
Јакимовски вчера понуди и
друго решение за ЕВН, но поскапо.
- Не мора да ги прифатат
стандардите што ги нуди Карпош. Во иднина нека употребуваат машини за
длабинско поставување кабли, кои воопшто не ја оштетуваат улицата - рече
тој.
Карпузовска изјави дека Јакимовски ги принудува на нешто
што е спротивно на законите на градење и јавни патишта. Таа беше децидна
дека градоначалникот не бара потпишување договори за враќање во
првобитна состојба на прекопите, туку на целата улица.
- Ние
секогаш си ја исполнуваме законската обврска и она што ќе го сработиме
го враќаме во состојба каква што сме затекнале. Не можеме да правиме
цели улици, и да исполнуваме нечии предизборни ветувања - рече таа.
Според
Јакимовски, договор за банкарска гаранција е потпишан со телекомот, а
се очекува да потпишат и со јавните претпријатија. Карпузовска вели дека
не и' се познати условите што им биле понудени на останатите фирми, но
оние во нивниот договор, во секој случај, не им одговараат.
Јованка Ивановска |
http://dnevnik.com.mk/?ItemID=3B106E7D0F3E46469B4583800FEEE89E
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#71 Posted: 16-Jun-2010 at 16:39 |
Аман веќе од овие проблеми. Добро зашто конечно општиниве не воведат просечен надоместок по метар прекоп и да не ги даваат дозволите за туку така бадијала, туку да се плаќа и надоместок, па после да си ги санираат сами прекопите и да не се дига џева по весници за секој гајтан во некое ќоше.
Edited by lslcrew - 16-Jun-2010 at 16:41
|
|
<Fresno>
Senior Member
Joined: 13-Jun-2010
Online Status: Offline
Posts: 1137
|
Quote Reply
#72 Posted: 16-Jun-2010 at 18:01 |
Добра идеја лсл, така и квалитетот на санацијата ќе биде запазен, а и ќе ја нема потребата од надгледување на секој од инвеститорите со кои што општината склучила договор. Се надевам нема потреба од менување на закони за да се воведе вакво нешто.
Edited by <Fresno> - 16-Jun-2010 at 18:02
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#73 Posted: 25-Jun-2010 at 16:37 |
Козле е швајцарско
сирење
Улицата со години
е нерамна и изрешетана со огромни дупки, а досега на надлежните не им
текнало да ја реконструираат, се жалат жителите на Козле
Огромни дупки зјаат отворени на улицата Козле. Дупки, прокопи
и крпеници има на секој чекор. За да се мине улицата, граѓаните мораат
да возат цик-цак да не пропаднат во некоја од нив и да не ги искршат
возилата. "Улицава ни е како швајцарско сирење. Со години на
надлежните не им текнува да ја реконструираат. Еднаш годишно ќе дојдат,
ќе подзакрпат некоја дупка, ама џабе. За само еден месец се отвараат
нови. Од крпениците улицата пак е нерамна. Асфалтов е стар со години, не
е доволно да закрпат по некоја дупка туку треба комплетно реновирање,
односно да го изгребат стариот асфалт и да постават нов", велат
револтирано жителите на населбата Козле. Градоначалникот на Општина
Карпош Стевче Јакимовски вели дека е запознат со овој проблем, но
надлежен за оваа улица е Град Скопје. "Постојано жителите на Козле ми
се жалат дека мака мачат со оваа улица, но ние не можеме да
интервенираме оти таа е градска улица", вели Јакимовски. Во Град
Скопје годинава немаат намера да ја реконструираат оваа улица, оти не
била предвидена со програмата и буџетот за 2010 година. Од таму
објаснуваат дека наредната година комплетно ќе ја реновираат, а проектот
веќе го правеле.
http://vest.com.mk/?ItemID=8D7C438295694C48BFB39519DFC93208 |
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#74 Posted: 03-Sep-2010 at 14:30 |
Денеска видов на улицава (41°59'44.74"N 21°25'40.73"E) се санираа денивелирани шахти. Мислев дека шахтата на рекорд е уникатен зафат, ама изгледа има некоја акција за санирање на овие шахти. Поздрав секако за акцијава, само незнам колку шахти планираат да опфатат, пред да се распишам со пофалби.
п.с. Да немавме нишка за релјеф на патишта, ќе постирав во грандиозни зафати, ја подзаборавивме нишката.
|
|
pbanks
Admin Group
Joined: 01-Sep-2007
Location: Skopje
Online Status: Offline
Posts: 9141
|
Quote Reply
#75 Posted: 03-Sep-2010 at 14:55 |
Originally posted by lslcrew
Денеска видов на улицава (41°59'44.74"N 21°25'40.73"E) се санираа денивелирани шахти. Мислев дека шахтата на рекорд е уникатен зафат, ама изгледа има некоја акција за санирање на овие шахти. Поздрав секако за акцијава, само незнам колку шахти планираат да опфатат, пред да се распишам со пофалби.
п.с. Да немавме нишка за релјеф на патишта, ќе постирав во грандиозни зафати, ја подзаборавивме нишката.
|
Незнам за која шахта збориш (не ги ѕирнав координатите), ама дефинитивно не е шахтата на рекорд ад хок, туку се работи за некаква акција. Минатиот викенд ги правеа шахтите кај подвозникот под јужен булевар.
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#76 Posted: 07-Sep-2010 at 13:52 |
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#77 Posted: 15-Sep-2010 at 02:20 |
Originally posted by pbanks
дефинитивно не е шахтата на рекорд ад хок, туку се работи за некаква акција. |
Конечно Додуша long overdue, ама битно овој прилично голем проблем веќе не се игнорира. Доста ги кршевме и ги амортизиравме возилата, а богами ваквите шахти ја загрозуваат и безбедноста... Сега само уште да почнеме и новите сообраќајници во старт да ги правиме со добро нивелирани шахти
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#78 Posted: 15-Sep-2010 at 03:33 |
Јас мислам дека оваа акција си има длабоки мотиви што ги натерале градските власти. Ретко се случува, но битно се случува по некој текст во весниците со податоци дека Град Скопје е соочен со стотици тужби од граѓани и осигурителни компании за наплата на штета при оштетување на возила од вакви дупки, шахти, ќошиња, испакнатини и глупости, судски спорови чисти што релативно лесно по некој автоматизам веќе ги губи на суд и ги покрива со се судски трошоци. Сега очигледно решиле да го затнат тој излив на буџетот. А колку па има штети што не отишле преку административните лавиринти, десетина пати повеќе може. Во секој случај добра акција која заслужува поздрав и подобро да ги поправаат улиците, одколку колите на граѓаните. Некој ситни зафати ако се масовно спроведени знаат да дадат многу голема комоција во сообраќај.
Би сакал следна акција да им биде за поставување накосени рабници на сите раскрници. И за велосипеди, за инвалиди, за колички за бебиња, за колички од пазар, за повеќе намени. Ама огигледно додека некои здруженија не ги бомбардираат со закани за тужби за дискриминација по основ на сите овие горе групи граѓани што ги набројав, до тогаш тешко дека ќе видиме по некоја раскрсница. На пример некоја здружена закана за тужба со јавно преку медиум даден рок од, на пример, три месеца да почнат и година дена да завршат таква акција во замена за неподнесување тужба. (Евентуално, нормално за отштета за средства кои би отишле во поставување рампи на објекти, пак во иста цел) Во секој случај сум многу либерален и сум против тоа проблемите да се комплицираат дополнително пред барем неколку обида да се најде решение, меѓутоа ете со градскиот "рељеф" се покажало како успешен рецепт.
Edited by lslcrew - 15-Sep-2010 at 03:48
|
|
truckerinsoul
Newbiе
Joined: 17-Sep-2010
Location: 0
Online Status: Offline
Posts: 0
|
Quote Reply
#79 Posted: 17-Sep-2010 at 07:28 |
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#80 Posted: 17-Sep-2010 at 08:58 |
Originally posted by truckerinsoul
wooww im impressed, се чудам што ли тежина има врвено та толку пропаднале |
Преполни градски автобуси.
|
|