Гаражни објекти (општо)

Според Дневник, во Аеродром било малку поинтересно отколку што пренесе Макфакс

Одложена изградбата на монтажниот паркинг Во општината Аеродром пристигнале неколку петиции од граѓани, кои инсистираат да се воведе зонско паркирање со дополнителни паркинг-места за тој дел од општината Со викање, пцости и кошкање, граѓаните од т.н. зелени згради во општина Аеродром вчера го спречија градоначалникот Ивица Коневски да го постави долгонајавуваниот камен-темелник за првиот монтажен паркинг во земјава. Општината Аеродром планираше да изгради двокатен паркинг со метална конструкција, со намера да го реши сообраќајниот метеж во тој дел од општината. Но, граѓаните што живеат во зградите спроти здравствената институција „Мајчин дом“ и спортското игралиште „Сансет“ жестоко протестираа и не дозволија да почне изградбата на како што ја нарекоа „металната грдотија“. - Не ни треба монтажен паркинг. Имаме доволно место за паркирање. Сообраќаен метеж се создаде откако од другата страна на булеварот Јане Сандански, кај трговскиот „Бисер“ и „Мекдоналдс“ се воведе зонско паркирање и сите што не сакаат да плаќаат, паркираат тука. Бараме и кај нас да се воведе зонско паркирање, а не со изградба на монтажен паркинг да се уништуваат зеленилото, мирот и безбедноста. Не сакаме масла од возилата да ни капат по глава. Имаме мали деца и таков објект би претставувал опасност за нив. Постојат други форми како да се реши метежот, а не за локалните кафеанџии да обезбедуваме паркинг-место - велат револтираните граѓани. Станарите од „зелените згради“ го пречекаа градоначалникот Коневски со викање, негодувајќи за почетокот на изградбата. - Со изградбата на монтажниот паркинг ќе се реши проблемот со паркирањето. Во овој дел од општината има недоволен број паркинг-места, а монтажниот паркинг ќе беше идеално решение за тоа. Но, со сила ништо не правиме. Со претставниците на куќните совети ќе се договориме што е најдобро за нив. Граѓаните инсистираа да се воведе зонско паркирање и на нивниот паркинг. За триесет дена ќе биде воведено зонско паркирање, како што бараат граѓаните. Но, според процените што ги направило Јавното претпријатие „Градски паркинг“, и да се воведе зонско паркирање, наскоро ќе бидат неопходни уште паркинг места. Со изградбата на монтажниот паркинг ќе го зачувавме зеленилото, оти ќе се гради врз паркинг што веќе е тука. Го одложуваме поставувањето на камен-темелникот се' додека не се договориме со граѓаните - изјави Коневски. Тој додаде дека во општината веќе пристигнале неколку петиции од граѓани, кои инсистираат да се воведе зонско паркирање со дополнителни паркинг-места за тој дел од општината. Според општинарите, граѓаните бурно реагирале и кога се воведувало зонското паркирање кај трговскиот центар „Бисер“, но, како што велат, жителите сега се увериле во предностите што ги нуди овој тип паркирање. Монтажниот паркинг, кој требаше да почне со изградба вчера, според проектот требаше да обезбеди околу 40 нови паркинг места. Општината за тој градежен зафат планирала околу 17 милиони денари, а требаше да биде готов напролет. Целта на изградбата е да се заштитат зелените површини и да се обезбедат повеќе места за паркирање. Општината планира изградба на монтажни паркинзи и зад трговскиот центар „Бисер“ и во населбата Ново Лисиче. Марија Тасев

http://dnevnik.com.mk/?ItemID=785163EC8DA724418EBECFA1DE508CDF


Edited by Cloverstack - 21-Sep-2010 at 19:32

Одлична информација и во делот кај Лотарија на Македонија одлично ќе се вклопи во просторот со што и таа недоградената зграда ќе и се овозможи да добие друга модерна содржина.

ИЗВЕШТАЈОТ ПРЕД СОВЕТНИЦИТЕ
За катни гаражи 19 милиони евра

Првите највисоки катни гаражи планирани во центарот, на локациите спроти полициската станица „Беко“ и кај Цветниот пазар, наскоро ќе почнат да се градат, а тоа го покажува и целосниот извештај за нив, кој денеска ќе се најде на разгледување пред советниците од Град Скопје. И двата објекта ќе имаат по седум ката и две нивоа под земја, и вкупно 1.200 паркинг-места. Според анализата која ја подготвиле градските власти, предвидно е тие да чинат 19 милиони евра, од кои 10.500.000 ќе бидат обезбедени од градскиот буџет и од продажба на деловниот простор, а за остатокот од 8.500.000 евра Градот ќе се задолжи со кредит во банка. Рокот за отплата на заемот ќе биде минимум десет години, со вклучен грејс период од минимум две години.
Според процените на Градот, од продажбата на деловниот простор, со површина од 6.620 квадратни метри, се очекува да се собере приход од околу 11.400.000 евра, односно еден квадрат ќе чини 1.716 евра. Од работењето на гаражите, властите годишно очекуваат околу 1.900.000 евра, под претпоставка да се пополнети 60 отсто од паркинг-местата. Трошоците за енергија, одржување, вработени и тековни работи би изнесувале околу 300.000 евра годишно. Во анализата се вели дека инвестицијата во катната гаража на улицата Даме Груев ќе се врати за период од шест години, додека за гаражата кај Цветен Пазар за пет години и два месеца. Предвидено е конструкцијата на објектите да биде армирано-бетонска, а однадвор гаражите ќе бидат застаклени. Во нив ќе се инсталира софистицирана опрема за видеонадзор, за безбедност од пожар, систем на вентилација и систем за електронско управување со гаражата, односно за влегување, излегување и за наплата. Позитивните економски ефекти кои Градот ги очекува од катните гаражи се јакнење на неговото претпријатие „Градски паркинг“ нови работни места и вработувања, зголемени приходи од реклами, зголемување на вредноста на вкупниот станбен и деловен простор.

http://www.vreme.com.mk/DesktopDefault.aspx?tabindex=0&tabid=1&EditionID=2143&ArticleID=150000

За две катни гаражи заем од 8,5 милиони евра   Двете гаражи ќе имаат капацитет од околу 1.200 паркинг-места, со што треба да бидат задоволени потребите во зоната на Малиот и Големиот ринг, велат од градот       Изградба на две катни гаражи е еден од главните проекти на градот што треба да се реализираат во текот на наредниве три години, а нивната реализација ќе почне до крајот на годинава или во почетокот на идната. Едната ќе се гради кај ТЦЦ „Плаза“, а другата спроти дирекцијата на „Макпетрол“, на улицата Мито Хаџивасилев-Јасмин, во близината на Старата железничка станица. За нивна изградба, заедно со деловниот простор, на градот му требаат 19 милиони евра, од кои 8,5 милиони ќе бидат кредит, а 10, 5 милиони ќе се обезбедат од буџетот. Кредитот ќе се отплаќа минимум до 10 години, со вклучен грејс-период од најмалку две години. Опозицијата го обвини градоначалникот Коце Трајановски дека кредитот ќе го отплаќа и неговиот наследник, на што тој реплицираше дека има големи шанси долгот да му остане повторно нему. - Процесот на задолжување е општоприфатен во светот. Сепак, внимателно влеговме во овој проект и тој е финансиски одржлив. Кредитот ќе биде позајмен од банките од земјава - рече Трајановски. Со проектот треба да се обезбеди повеќекратно зголемување на бројот на паркинг-места во централното градско подрачје, каде што има најголемо сообраќајно оптоварување. Гаражите треба да ги задоволуваат потребите на корисниците во зоната на Малиот и Големиот ринг, со капацитетот од околу 1.200 паркинг-места, стои во образложението од градот. Катната гаража кај ТЦЦ „Плаза“ ќе има капацитет од околу 602 паркинг-места, а ќе располага со површина од 33.215 квадратни метри. Просторот ќе биде распореден на седум нивоа над земја, приземје и две нивоа под земја, од кои 4.890 квадратни метри ќе бидат наменети за деловен простор. Приземјето и првиот кат ќе бидат за деловна намена, а на другите нивоа треба да се распредели јавен паркинг-простор. Катната гаража спроти „Макпетрол“ ќе се распостила на површина од 25.500 квадратни метри, со распоредени седум нивоа над земја, приземје и две нивоа под земја. Приземјето ќе биде за деловна намена, а другите нивоа ќе се паркиралиште со капацитет за околу 505 возила. Деловниот простор, во состав на катните гаражи ќе се продава, што е и една од главните стратегии на градот за покривање на кредитот. Според градските процени, инвестициите во двете гаражи ќе се вратат за неколку години, и тоа за пет години за онаа на улицата Мито Хаџивасилев-Јасмин, додека за онаа кај ТЦЦ „Плаза“ парите ќе се вратат за шест години. Под услов искористеноста да им е максимална.       Автор: Б.Ст.

http://www.novamakedonija.com.mk/NewsDetal.asp?vest=101910102559&id=14&setIzdanie=22111


Edited by Cloverstack - 19-Oct-2010 at 19:13

Гаражата кај Собрание на Мите Макоил е пред изградба вторник, 19 октомври 2010, 17:04 Подземна катната гаража кај Собранието ќе се гради – општина Центар е на чекор да му даде одобрение за градба на инвеститорот Мите Јовановски газдата на Макоил и покрај предупредувањата на експертите и на пратениците од опозицијата дека до Собранието не треба да се гради јавна гаража оти се зголемуваат безбедносните ризици за законодавниот дом и дека местото ќе го заобиколуваат и дека поради тоа странските делегации. Иако дел од пратениците бараа проектот да се стопира, претседателот на Собранието никогаш јавно не побара да не се гради подземната гаража до законодавниот дом – претходниците на Велјановски Петковски и Андов тврдат дека маркичка за подземна гаража постоела но планот бил да ја гради собранието за сопствени потреби. Инвеститорот Јовановски го доби просторот пред Собранието под концесија на дваесет години за половина милион евра и според проценките ќе заработи за дваесет до триесет пати повеќе од вложените пари. Мите Макоил за симболична цена од 165 илјади евра доби 2300 метри квадратни спроти новото веро на наддавање на кое се натпреваруваше за цената со син му – од транспорт се бранеа дека тоа му го дозволувал законот. http://vesti.alfa.mk/default.aspx?mId=36&eventId=29078

Edited by lslcrew - 20-Oct-2010 at 21:03

Катна гаража до Нова Македонија, поточно од другата страна, помеѓу ИК Банка и клуб на пратеници.

http://opstinacentar.gov.mk/resources/internal/file_views/986/1_%D0%94%D0%A3%D0%9F%20%D0%93%D0%90%D0%A0%D0%90%D0%96%D0%90%20%D0%9F%D0%9B%D0%90%D0%9D%D0%A1%D0%9A%D0%90%202010%20V07-%D0%A1%D0%98%D0%9D%D0%A2%D0%95%D0%97%D0%95%D0%9D%20.jpg

http://opstinacentar.gov.mk/systems/file_download.aspx?pg=986&ver=4

Edited by lslcrew - 30-Oct-2010 at 03:26

Таму уште пред 2-3 години ги срушија бараките и покренаа постапка за продажба ако не се лажам. Мислам дека го имаме евидентирано расчистувањето.

Сакав да одговорам во врска со дискусијата што ја отворивте за катната гаража до НЛБ Тутунска (http://www.build.com.mk/forum/forum_posts.asp?TID=64&PID=79693#79693), па ми излезе поопширен пост за поопширниот проблем. Еве ќе ја продолжам дискусијата тука.


Па очигледно ќе го почекаме оној момент кога паркинг место ќе стане пазарно атрактивен производ. Па ќе се отворат "супермаркети" со "сталажа" повеќе паркинг прстор, а "стажала" помалку деловен. Ќе продаваат слободно паркинг место. Е сега во нормално (по дефиниција и пракса утврдено социјал-капиталистичко) постои една финта и се вика субвенција. Тоа се користи во случаеви кога владата ќе утврди дека некој сектор е пазарно неатрактивен, а пожелно е да биде приватно-стопанисуван. Па тогаш се користи субвенција.

Сите правила и прописи донесени кои драстично се косат со природните текови, паѓаат во пракса. ДУП-овите се такви правилници од кои секој стопанственик ќе се обиде да отстапи од градење "супермаркет" во кои ќе продава ефтина стока. Ние можеме на глава да застанеме тука, ама тоа нема да се смени. Го кажав тоа вчера, еве сега пак. Во политика кога викаш во нервоза вака неможе, изброи до десет ќе видиш дека можело. Можеме ние на секое пренаменето паркинг место во деловен простор да кинеме живци, ама тоа нема да се смени. Секогаш корупцијата и природната нормална желба за конкуренција ќе го направат тоа некаде. Ако не центар на друго место. Ако не во Центар сега, покасно.

Плановите за центарот на Скопје се пример дека не се има направено никаква студија на пазар, дека не се испитани процентуални потреби за застапеност, соодноси деловен простор, комерцијален, стамбен, паркинг и секаков простор и дека се е тоа така одредено ѓутуре која зграда што ќе биде. Секој план од кој што произлегол барем еден пренаменет објект, сноси дел од "вината" и урбанистот, а не само властите. За жал во Македонија голем дел од урбанистите не разбраа дека работата им е да воведат ефикасност и прави градежни линии, а не да се обидуваат да внесат сопствени идеи во туѓите животни текови и покрај тоа што мислат дека дипломата од факултет треба тоа да им значи. Тоа е тоталитарно да се размислува во правец своите идеи да се наметнат на туѓите животни текови.

Еден пример-аналогија да биде појасно за што зборува. Да речеме се гради еден трговски центар и инвеститорот решил да ги распродаде дуќаните. Е сега за еден дуќан му паднало фикс идеја дека тоа мора да биде јајчара. Ама од јајчара не се живее ако покрај себе има атрактивни бутици на познати брендови. Секој што ќе го купи дуќанот ќе си бара начин да стане ист како и соседните. Е сега ако тој трговски нема паркинг место, целиот во комплет ќе му опадне популарноста до степен да кога некој од сопствениците ќе се реши подрумскиот дел што бил непрофитабилен супермаркет да го направи профитабилен паркинг.

Уште три поенти. Првата е дека можеме слободно да претпоставиме дека маркица за катна гаража е начин да се продаде атрактивно градежно земјиште за поефтина цена, затоа што градежно земјиште за катна гаража не достигнува многу високи цени, а потоа се пренаменува. Односно имаме класични случаеви на злоупотреба, што е и злоупотреба за службена позиција и ланец во кои влегол секој еден вработен од општините макар и со негово незнаење, врзан е во таква шема.

Втората е дека голем дел од населението, не по негова воља и вина, сеуште не ги разбира овие текови, сеуште не е доволно пазарно тренирано и размислува со една нога некаде пред дваесетина години, за што слободно можам да се посомневам дека намерно е неедуцирано од политичките кругови кои ловат маркици за "катна гаража" во матно време.

И третата поента со две подпоенти е дека владата со изградба на осум државни катни гаражи прави повеќе потег во социјална политика одколку во урбанизам што нас како граѓани ќе ни се одрази со поголема комоција во паркирање. Овој потег по својата природа е најискрени и најдобронамерен и одстапува за стоосумдесет степени од се што предходно сме знаеле за катни гаража во Македонија. А втората подпоента е дека за неколку години ќе го одложи доаѓањето на онаа пазарна граница кога паркинг просторот ќе стане атрактивна стока за продавање, што на некој начин објективно гледано не е здраво за капиталистичкиот живот чии што природни текови и придобивки упорно ги перцепираме како грешки и им влетуваме со клизачи. Од друга страна субјективно гледано како паркирач ќе ми биде супер со поголема комоција.


Edited by lslcrew - 03-Nov-2010 at 22:09

Go pozdravuvam odlukata od 3 vo 9 kati!Zosto ne, mislam deka treba da ja nudime visocinata, pa i normalno deka kje ima povekje parking prostor!Sto e vazno, da ne bide grda, znaci da ima nekakov stil, mozebi da se vklopuva so nova makedonija ili ik banka, no togas bi izgledal kako tc zebra??!

Минусирај столбови, пристапни рампи, коридори за движење на катовите и потоа подели со 5х3=15 метри квадратни. Минус влез/излез од гаражата, лифтови, технички простории. Нензма точно колку излага, само го пишав ова да не си испуштил нешто.