EVE I MALKU POOPSIRNO........    

Патиштата (пре)крупен залак и за големите странски компании?

Што се случува со тендерот за концесија?

Што се случува со тендерот за концесии за изградба, реконструкција и наплата на патарина на дел од патната мрежа во земјава по должина на транспортниот Коридор 8, односно Исток-Запад? Неодамнешното најново одложување на рокот до кога заинтересираните компании треба да ги достават своите понуди ги покрена гласините дека не му оди и на овој мега проект, чија вкупна вредност е околу милијарда евра. Поточно, последното трето пролонгирање на крајниот рок за доставување на понудите за 30 дена, односно за 4 мај, на овој меѓународен тендер, со кој практично треба да се воведе концесионерството во изградбата на патната мрежа во Македонија ги подгреа сомневањата и претпоставките во крајниот позитивен исход на овој зафат.

Притоа, некои првични експертски мислења се дека тендерот нема да успее зашто станува збор за неатрактивни патни делници, а за други вкупната цена на проектот од една милијарда евра е прекрупен залак и за странските, а не само за домашните компании. Сето тоа, нормално, се врзува нетрактивноста на земјава за поголеми инвестициски вложувања, како последица на се уште нерешените стратешки политички прашања околу нејзините европските интеграции, потоа традиционалната болка – малиот пазар, односно недоволната сообраќајна фреквенција во текот на годината по патните делници кои се нудат за концесија, како и неможноста за пораст на транспортните движења , како резултат на се уште присутните транспортни, гранични и царински ограничувања во регионот.

И се така во недоглед, велат, е дел од причините за статус кво состојбата со овој тендер, кој се уште чека на официјалниот старт.
Деновиве песимизмот во врска со овој зафат го искажаа и од  Стопанската комора на северозападна Македонија, од каде што во повеќе наврати го истакнаа значењето и потребата од развој на сообраќајната инфраструктура во населените места, кои лежат на трасата на транспортниот коридор Исток - Запад.

Имено, според Шефки Алити, иако има заинтересирани за овој тендер, и тоа од големите европски фирми, тој нема да успее зашто патните правци што се даваат на концесија имаат мал проток на возила. Ваквото мислење е составен дел и на проценките и на стручната и на обичната јавност во земјава и според многумина тоа е и најголемата недоумица, која ги колеба инвеститорите да влезат во еден ваков проект.

Наспроти овие песимистички гледања и црни прогнози, во Министерството за транспорт и врски ја смируваат топката и велат дека засега се е в ред. Односно, дека, како што при последното прологирање на крајниот рок за добивање на понудите беше соопштено од овој ресор, а тоа потоа го потврди и ресорниот министер за транспорт и врски Миле Јанакиески – одлагањето го побарале повторно заинтересираните компании.

А, Министерството го прифатило нивното барање  со цел да им се излезе во пресрет на заинтересираните понудувачи навреме и квалитетно да ја комплетираат потребната документација за добивање на патна концесија во државава. Поради тоа се промени документацијата за доставување барања за учество во првата фаза од постапката (претквалификација). Министерот Јанакиески истакна дека е убеден дека проектот за воведување на концесионерството во изградабата и модернизацијата на патната мрежа во земјава  ќе биде успешен. Зашто, како што посочува, постои голем интерес од реномирани големи компании кои можат да се јават на тендерот за избор на концесионер за изградба на патиштата во Македонија и веќе имаат локални претставници и работат на потребната документација.

Од Министерството, исто така, укажуваат дека за интересот на компаниите зборува и податокот дека на преклани распишаниот јавен повик со цел да се види првичниот интерес на заинтересираност, се јавија дури 48 компании, финансиски институции и конзорциуми. И тоа од Европа, односно од Германија, Франција, Шпанија, Португалија, Турција и Грција, но и од Северна Америка, Кина и Индија. А, меѓу заинтересираните беа и австриски “Шрабаг” и “Рајфаизен инвестментс”, хрватска “Ингрa”, американската “Бехтел”, грчката “Tерна” ... Со оглед на респектабилните имиња на овие компании и така големата првична заинтересираност, од Агенцијата за патишта  веќе посочија дека очекуваат на претстојниот тендер да се јават четири-пет сериозни компании, кои во конзорциум ќе можат да ги исполнат строгите тендерски услови за ваков тип проекти.

Сепак, иако со најновото одлагање,  наместо 143 дена, колку што имаа досега, заинтересираните компании сега добиваат вкупно 173 дена да се вклучат во овој  проект. Во исто време, тоа ќе повлече и продолжување на рокот за доставување понуди во втората квалификациона фаза. А, тоа ќе значи и временско прологирање и на целокупната постапка за воведување на концесионерството во изградбата, реконструкцијата и наплатата на патарина на дел од патната мрежа во земјава, што првобитно се проценуваше на најмалку една година. 

Инаку, како што е познато, Министерството за транспорт и врски во средината на ноември минатата година го објави јавниот повик за прибирање понуди од заинтересирани компании, или конзорциуми, за давање под концесија на два пакета веќе изградени, но и нови патни правци, по трасата на Коридор 8, во вкупна вредност од околу една милијарда евра .  И тоа, Источен, во должина од 177,5 километри и Западен, со вкупно 196 километри. Притоа, за источната концесија беа понудени патните правци: Крива Паланка-Романовце, Кочани-Штип, Миладиновци-Штип, Миладиновци-Скопје и обиколницата на Скопје, во вкупна вредност од 434  милиони евра, додека за западната концесија: Стенковец-Блаце, Гостивар-Ќафасан, Требениште-Охрид, Струга-Подмолје и Гостивар-Тетово-Скопје, во вредност од 558 милиони евра.

Концесионерите ќе имаат обврска да ги (до)изградат и реконструираат овие патни правци за најмногу осум години, а потоа со нив да стопанисуваат 35 години. Но,  истовремено и да ги одржуваат и да наплатуваат патарина. Меѓу условите за квалификација на фирмата или водечкиот партнер во конзорциумот на овој тендер се да има вкупен годишен промет од најмалку 500 милиони евра, искуство во проектирање и изградба на автопат од најмалку 100 километри, во последните пет години и искуство во реализација на договор за концесија, која вклучува изградба, одржување и користење на автопат од најмалку 100 километри во последните 10 години. Покрај ова, за првиот пакет патишта се бара и банкарска гаранција од 14 милиони евра, а за вториот - 17 милиони евра.                                                                                                                                                                                                                                                                                                                                                                      http://www.biznis24.com.mk/node/7064

Edited by Cloverstack - 06-Apr-2010 at 15:03

Има интерес за концесија на патиштата

Скопје, 5 мај - За првиот пакет патишта кои треба да се дадат под концесија, а за што е објавен тендер, има интерес и се очекува изградбата на предвидените делници да почне во средината на наредната година.

Ова го најави премиерот Никола Груевски денеска одговарајќи на новинарски прашања - Тендерот што е објавен е во самиот финиш и до крајот на овој месец треба да приврши. Целта е да се привлече концесионер кој ќе изгради поголем број автопатски решенија односно делот Скопје - Блаце, Коридорот 8 од Крива Паланка до Романовце и од Гостивар - Струга до албанска граница и Скопје - Миладиновци, и делот Свети Николе - Штип - Кочани, изјави премиерот Груевски.
Станува збор за инвестиција од 1,2 милијарди евра која ќе се реализира откако ќе биде избран концесионер.

- Засега има добар интерес и се надевам дека тој интерес ќе биде изразен и на денот кога ќе се доставуваат понудите. Потоа ќе следува евалуација, па преговори за потпишување на договори, па изнаоѓање финансиска конструкција. Тоа е еден макотрпен процес, бидејќи се работи за крупна инвестиција и доколку успееме на средината на следната година да почне физичка градба на дел од овие автопатишта ќе бидеме презадоволни, истакна премиерот. (МИА)лни, истакна премиерот. (

http://www.porta3.com.mk/index.php?option=com_content&task=view&id=2026&Itemid=106

Целата идеја за давање на патните правци под концесија мене ми се допага. Доро е што владата признава дека како држава немаме сила да изградиме автопат, не ја пика главата во песок. А кога веке дозволуваме други да градат, тогаш треба и да им се оствви профитот, а не да се жалиме отпосле колку само малку пари ке сотанале во државната каса. И така тој профит нема да биде голем. Немаме доволно проток на возила за изградбата да биде профитабилна, така да инвеститорот ке мора да се задоволи со мали профит маргини. Затоа и мислам дека нема да има голем одзив, и дека државата сепак ке мора да помогне со инвестиции барем за некои правци. А тоа ке се отегне.... 

Овде би кажал и неколку збора за коридорите. МОјата теза е дека тие се пренагласени, посебно коридорот 8. Без сомнение тој е многу важен за Македонија, но не е важен за Бугарија. Затоа тоа е политичка одлука дали и со која динамика ке се гради. А ке се гради уште неколку децении, тука мислам на автопатско и железничко решение  по целата должина. Без Бугарија коридорот 8 е само празно слово на хартија. а немам впечаток дека тие го ставиле како приоритет, тоа им е правецот Истанбул Софија НИш Белград Западна европа. Турција освен преку Бугарија преку Виа Егнација е поврзана со Италија и Европа.   Така да не гледам логика за толку врева околу коридорот 8. 

Да нема недоразбирање, тој е важен за наше внатрешно поврзување, но исто така а можеби и поважно е да се поврзат Струмица и Скопје, преку Радовиш и Штип. Тој правец е битен за да се овозможи населениоето кое гравитира на пр околу Св НИколе да патува на работа во Скопје. 

Со еден збор треба да повторно да се разгледаат нашите приоритети и ако трба да се изменат, но без мешање на политиката.

Мислам дека заборавате дека најважен можеби коридорот 8 е за Италија. Преку коридорот јужна Италија директно бисе поврзала со Албанија, Македонија и Бугарија а со тоа вероватно би се зголемило нејзиното влијание на Балканот и би ја доближило до Турција и Азија. Од друга страна, Бугарија е голема држава со битни коридори и не верувам дека тек така ќе се откаже и од овој, иако приоритетите можеби не се најважни. Значи интерес ако не веднаш, за 5-10 години ќе има поголем, а за нашата држава овој коридор е од стратешко значење бидејќи би ни овозможил брз и полесен пристап до пристаништата во Албанија и Бугарија па нема да зависиме само од Солун.

Доставени 8 барања за учество во постапката за концесија на патишта - 20.5.2010

 

 

Почитувани,

 

Ве информираме дека денес во Министерството за транспорт и врски беа отворени барањата пристигнати по јавниот повик за доставување барања за учество во постапката за доделување концесија за вршење на работите на изградба, одржување, наплата на патарина и користење на дел од државните патишта во Република Македонија, кој беше објавен во домашните, меѓународните медиуми и на интернет. Барања за учество во постапката доставија вкупно 8 компании.

 

Во следниот период следува постапката за претквалификација во која Комисијата ќе утврдува дали заинтересираните страни имаат соодветна економско–финансиска и техничка способност за спроведување на концесија од овој вид и обем. Заинтересиранитестранизакоиќесеутврдидекајаимаатбараната способност ќе се поканат да подигнат тендерска документација и достават понуди, односно да учествуваатво втората фаза на постапката. По доставувањето на понудите истите ќе се евалуираат, при што ќе се избере најповолниот понудувач.

 

Предметот на концесија опфаќа вршење на работите за изградба, реконструкција, одржување, наплата на патарина и користење на патните правциво два пакети. Во првиот пакет предмет на концесија се патните правци Крива Паланка – Романовце, Кочани – Штип и Миладиновци – Штип, преку Свети Николе, како и вршење на работите на одржување, реконструкција, наплата на патарина и користење на патните правци Миладиновци – Скопје и обиколницата на Скопје. Во вториот пакет, се патните правци Стенковец – Блаце и Гостивар – Ќафасан и правецот Гостивар - Тетово -Скопје.

 

Владата на Република Македонија ги создаде сите потребни предуслови за реализација на овој проект, а за дефинирање на условите и вршење на студијата за оправданост на издавањето под концесија, како и формирање на пакетите патишта кои се дел од проектот, претходно по пат на меѓународна јавна постапка беше ангажирана реномираната консултантска куќа „Louis Berger“ која ги изработи соодветните економско-технички анализи и студии.

 

 

 

Со почит,

Министерство за транспорт и врски




http://mtc.gov.mk/new_site/mk/storija.asp?id=2538

od edna strana se raduvam sto ima interes za gradenje na avtopatite,no potanjo se nadevav da ne uspee pred se zaradi planot na skopskata obikolnica da se postavat patarini.
Seuste nisto ne e gotovo no 8 firmi ne se malku.

Се пролонгира рокот за концесијата на патиштата

Првичниот рок беше јули. Од Министерството за транспорт објаснуваат, станува збор за техничка процедура. Комисијата која врши евалуација на понудите кои беа доставени во процесот на претквалификација побарала дополнителни документи од заинтересираните. Во официјалниот документ објавен на веб страницата на Министерството стои дека комисијата може да побара дополнителни документи, а компанијата треба писмено да одговори во рок од 5 дена од примот на барањето.

Во мај 8 компании пројавија интерес за македонските патишта, колку од нив ќе ги исполнат условите и ќе можат да достават понуда ќе се знае во октомври. Државата под концесија нуди два пакети.

Во првиот источен пакет во должина од 177,5 километри се патните правци Крива Паланка – Романовце, Кочани – Штип и Миладиновци – Штип, преку Свети Николе, Миладиновци – Скопје и обиколницата на Скопје.

Во вториот западен пакет, се патните правци Стенковец – Блаце и Гостивар – Ќафасан и правецот Гостивар - Тетово - Скопје со вкупно 196 километри.

Концесијата опфаќа изградба на неизградените делници, реконструкција на старите, одржување на патиштата и наплата на патарините. Рокот во кој идниот концесионер треба да ги изгради патиштата е 8 години, а со нив ќе стопанисува 35 години. Вкупната инвестиција се проценува на 1,2 милијарди евра.

http://sitel.com.mk/dnevnik/biznis/se-prolongira-rokot-za-koncesijata-na-patishtata

НА ТЕНДЕРОТ ЗА ИЗБОР НА КОНЦЕСИОНЕР НА ПАТИШТАТА ОД КОРИДОРОТ 8 Четири конзорциуми ќе се тркаат за автопатиштата Во трката за изградба и модернизација на автопатиштата по патниот Коридор 8", а кои ќе бидат дадени под концесија, ќе се тркаат четири конзорциуми составени од странски компании. Иако од Министерството за транспорт и врски се уште не обелоденуваат за кого станува збор, неофицијално се дознава тоа се конзорциуми предводени од италијанска, француска, грчка и чешка компанија, а многу блиску до нив биле и австриски и турски градежни компании. Според информации од ресорното Министерство првата фаза на тендерот треба да заврши следната недела. Неодамна министерот за транспорт и врски, Миле Јанакиески, посочи дека моментно се прават финални евалуации на добиените понуди за овој зафат, а 16 октомври е рокот до кога до Владата треба да се достави финалниот список на компании кои ги исполнуваат сите критериуми што беа зададени во тендерската документација за квалификување во трката за добивање на овој проект тежок околу милијарда евра. Заинтересираните страни што доставиле барања, по 16 октомври ќе бидат известени за резултатите од претквалификацијата, а оние кои влегуваат во втората фаза ќе можат да достават свои финансиски понуди. - Со имплементацијата на овој проект очекувам Република Македонија да добие уште подобра патна инфраструктура, сосема нови автопати, што директно ќе доведат до подобра економска слика и развој на земјава - вели Јанакиески. Инаку, под концесија се нудат два пакета веќе изградени, но и нови патни правци по трасата на Коридорот 8. За Источната концесија беа понудени патни правци во должина од 177,5 километри, и тоа: Крива Паланка - Романовце, Кочани - Штип, Миладиновци - Штип, Миладиновци - Скопје и обиколницата на Скопје, во вкупна вредност од 434 милиони евра. За Западната концесија, патни правци од вкупно 196 километри: Стенковец - Блаце, Гостивар - Ќафасан, Требениште - Охрид, Струга - Подмолје и Гостивар - Тетово - Скопје, а во вредност од 558 милиони евра. Според јавниот повик идните концесионери ќе имаат обврска во период од најмногу 8 години да ги (до)изградат и реконструираат предвидените патни правци, а потоа со нив да стопанисуваат 35 години, но, истовремено и да ги одржуваат и да наплатуваат патарина. Концесионерот ќе добива од држвата околу 200 милиони евра како субвенција. http://vecer.com.mk/?ItemID=0E11FCE152E660468515CEB19123482B

И нашите градежници сакаат дел од патиштата На тендерот за давање под концесија има најмалку две македонски градежни фирми Билјана Ангеловска Има домашни фирми што учествуваат на тендерот за давање под концесија на патиштата во Македонија. Неофицијално се зборува дека најмалку две градежни компании се дел од конзорциумите што се пријавиле на јавниот повик за учество во постапката за доделување концесија. Конзорциумите, нормално, ги водат познати имиња на реномирани странски компании, како што се „Алпине“ и „Штрабак“, а кои имаат доволно голема финансиска и техничка моќ да спроведат концесија од ваков обем. Каква ќе биде улогата на домашните фирми, дали тие рамноправно ќе учествуваат во поделбата на колачот од стопанисувањето со патиштата или само ќе бидат искористени во фазата на изградбата, е работа на меѓусебниот договор со „посилниот“. Но, очигледно е дека секој си нашол сопствена математика во дилот со државата вреден над една милијарда евра. Особено што во пакетот обврски што ќе ги има концесионерот, спаѓа и наплатата на патарините, од каде што, колку и да е мал интензитетот на сообраќај на македонските патишта, сепак, може да се инкасираат релативно солидни средства. Колку и кои фирми ќе се борат да ја земат работата околу изградбата, реконструкцијата, одржувањето, наплатата на патарините и користењето на дел од државните патишта, останува да се види по еден месец, доколку повторно не дојде до ново пролонгирање на зацртаниот рок. Но, речиси е сигурно дека изградбата на автопатиштата нема да стартува до лето, како што најави премиерот Груевски пред неколку месеци. Прогнозата нема да се оствари, бидејќи се' уште е далеку крајот на тендерската постапка, која заедно со фазата на претквалификација на фирмите се продолжува веќе шести пат. Кои се причините поради кои државата никако не го завршува тендерот? Дали Министерството за транспорт и врски се соочува со проблеми во подготовка на тендерската документација, или нешто друго е во прашање? „Рокот за избор на способни кандидати за квалификација во втората фаза се пролонгира за да може комисијата да заврши со потребната анализа на податоците на понудувачите“, велат во Министерството за транспорт, отфрлајќи секакви шпекулации за евентуални местенки на тендерот. Јавниот повик за доставување барања за учество во постапката беше распишан на 12 декември 2009 година. Иако првично се потенцираше дека на повикот, кој патем, беше три пати продолжуван, има огромен број заинтересирани (се зборуваше за бројка од 48 компании), се испостави дека само осум компании сериозно размислуваат да се зафатат со изградба на автопатишта. Барањата за учество во постапката за доделување концесија беа отворени на 20 мај. Потоа, наместо изборот на фирмите кои се квалификувале за втората фаза од постапката да се направи во јули, тоа беше пролонгирано за октомври, за деновиве, пак, да се случи уште едно одложување. Последниот рок сега е 15 ноември оваа година. Неофицијално се зборува дека од осумте компании, само четири ги исполнуваат строгите критериуми. Како што е познато, државата објави повик за издавање под концесија на дел од своите патишта поделени во два пакета. Првиот пакет, или Источната концесија во должина од 177,5 километри и со вредност од 434 милиони евра, ги опфаќа патните правци Крива Паланка - Романовце, Кочани - Штип, Миладиновци - Штип, обиколницата на Скопје и постоечката делница Миладиновци - Скопје. Во вториот пакет, односно, Западна концесија, со вкупна должина од 196 километри, се правците Стенковец - Блаце, Гостивар - Ќафасан, Требеништа - Охрид и Подмоље - Струга. Вредноста на овој пакет е проценета на 558 милиони евра. Концесијата се доделува во времетраење од 35 години, а концесионерот ќе треба за 8 години да ги изгради патните правци. Државата останува сопственик на патиштата и во текот на траењето на концесијата, а концесионерот изградбата и реконструкцијата на објектите ќе ги врши во име и за сметка на државата. Експертската анализа на проектот што го правеше француската консултантска куќа „Луј Берже“ покажала дека Владата ќе треба да им плати околу 200 милиони евра субвенции во првите години на идните концесионери, а според пресметките, идните концесионери за 35 години ќе остварат нето-заработка од 2,3 милијарди евра.

http://www.utrinski.com.mk/?ItemID=EE8F6EDDC166C140BD649ED33DDC1C13

Мора да се води и малку сметка за државните интереси на државите од каде доаѓаат овие фирми и колку се вулнерабилни фирмите зашто очигледно се покажуваат како многу послушни кон домашните политики сите фирми секаде во светот. на пример еве не шпекулирам дека грчкиот треба да се избаци од конкуренција (не поради заднински политички мотиви) туку поради озбилната конкуренција на виа игнација и можноста да се заташкува развивањето на коридорот 8. Сепак и ова треба да се има во предвид, не е се така розово како што изгледа површно на тендер.


Edited by lslcrew - 16-Nov-2010 at 19:42