Се крстат жичницата побрзо да биде готова Жичницата до Нова година ќе биде готова и ќе не' качува до Милениумскиот крст, но крстот и по осум години е само ветување за туристичка атракција. Иако е пуштен во употреба во 2002 година, крстот се' уште нема технички прием, а неговите придружни објекти, ресторанот и 11 дуќани, иако се подготвени и застаклени, се' уште не се издадени под концесија. Судскиот спор со „Емо“ од Охрид поради долг од 8 милиони денари за изведба на металната конструкција и осветлувањето е пречка за заживувањето на 67-метарскиот крст, вели претседателот на Фондацијата за изградба на Милениумскиот крст Благоја Дојчиновски. КРСТОТ БЕЗ КОНЦЕСИОНЕРИ - Јас тврдам дека немаме таков долг и таков нема да прифатам. Ние направивме порамнување уште во 2002 година на долговите кон изведувачите „Бетон“ Штип и од „Емо“од Охрид. Од каде сега излезе овој долг, не ми е јасно, вели Дојчиновски. Тој додаде дека нема рокови до кога треба да се изврши технички прием на објектот, но изведувачот е должен тоа да го направи по неговата изградба. Досега за крстот се потрошени 140 милиони денари, велат од Фондацијата. Дојчиновски најави дека веднаш по завршувањето на жичницата од Средно Водно до Милениумскиот крст ќе биде распишан јавен повик за издавање на ресторанот и на дуќаните под концесија. Воедно информираше дека Градот бил обврзан просторот околу Милениумскиот крст, со површина од 1.500 квадратни метри да го поплочи со камен и да постави клупи. Лифтот до краците на Милениумскиот крст, кој беше пуштен во употреба во септември 2008 година, работи само во викендите, а цената за возење е 100 денари. И тоа не предизвика поголема посетеност на овој објект. Според Дојчиновски, кога ќе се пушти во употреба жичницата, лифтот во крстот ќе работи секој ден. ..... http://www.dnevnik.com.mk/default.asp?ItemID=A692251EB515C04184844857C4C6D388

Edited by lslcrew - 02-Nov-2010 at 07:45

Мислам дека многу ретко, дали само недела незнам.... порано така беше, сега незнам....

Во секој случај мислам дека нема да те пуштат. Ако си за качување пешки... таму си за саат и пол најмногу во нормални услови.... а иде зима, па не ти советувам да одиш нагоре освен ако не си добро зимски опремен...

А уште малку и жичарницата ќе биде готова, па мислам дека нема да има потреба од коли.... на раат за неколку минути си горе... 

Порано рампата беше дигната навечер, ама веќе подолго време ни тоа не е случај. Слабо сте иделе на Водно навечер 


Observer, јас не би гаел никакви надежи дека би ти ја дигнале рампата.. не биди мрзлив, самото искачување е убаво доживување

Originally posted by KinDeR ...Jас баш вчера бев до крстот со кола. Негде околу 23ч. Рампата беше крената. Офтопик (Носев странска туристка на вечерно панорамско разгледување на Скопје)

И!? И се хареса ли на момичката „панорам'та”!?

ОКА брат како да не и се свиќа панорамата. Кога ќе “качиш“ туристка на повисоко, одма и се отвараат нови видици. ;-)

Дај Боже да го средат што побрзо и според мое мислење, ако се паметни, кога веќе се инвестира, да го средат целиот простор, заедно со планинарскиот дом, за целосно доловување на ефектот... И најбитно од се да има топ тоалети, зошто тоа ни е како чир у секој проект

Originally posted by StreetStruck Дај Боже да го средат што побрзо и според мое мислење, ако се паметни, кога веќе се инвестира, да го средат целиот простор, заедно со планинарскиот дом, за целосно доловување на ефектот... И најбитно од се да има топ тоалети, зошто тоа ни е како чир у секој проект

Најбитно е да има вода.Не знам колку често одиш на Водно,ама горе имаме проблем со вода.Планинарите кои се необавестени,горе буквално молат за  чаша вода.

Originally posted by micko_v

Најдобра фотка од милениумски која сум ја видел

Ресторанот на крстот уште без газда Откако најавите на премиерот Никола Груевски дека жичницата ќе биде готова до Нова година се изјаловија, се повлекле заинтересираните инвеститори кои сакале да стопанисуваат со ресторанот Ресторанот на Милениумскиот крст ќе добие газда откако ќе проработи жичницата. Откако најавите на премиерот Никола Груевски дека жичницата ќе биде готова до Нова година се изјаловија, се повлекле заинтересираните инвеститори кои сакале да стопанисуваат со ресторанот. "Три елитни ресторани од градот се заинтересирани за стопанисување со ресторанот, но не се сигурни дали и кога ќе проработи жичарницата. За да имаме подобри понуди, решивме јавниот оглас да биде распишан кога градежните работи ќе бидат прикрај за да можат инвеститорите да бидат сигурни дека овој проект ќе успее", велат од Фондацијата "Милениумски крст". Според најавите на Министерството за транспорт и врски, Милениумскиот крст на Водно требаше да заживее до Нова година, за кога беше најавено дека ќе биде пуштена жичарницата од Средно Водно до крстот, долга 3.4 километри. Истовремено, од Фондацијата "Милениумски крст" ветуваа дека и ресторанот ќе почне со работа, а концесионерот кој ќе го добие хортикултурно ќе го уреди и целиот простор околу него. Но ниту скопјани се возеа во портокаловите гондоли за новогодишните празници, ниту пиеја кафе во ресторанот на крстот. Изградбата на жичницата почна во мај годинава и чини 6.7 милиони евра. Ја гради австриската фирма "Допелмаер", чија понуда беше избрана како најповолна на тендерот. http://www.vest.com.mk/?ItemID=363778D643092145B15843EAA2FC2BB3

ЌЕ СЕ УРЕДУВА ПРОСТОРОТ ОКОЛУ СИМБОЛОТ НА СКОПЈЕ

Природен камен за платото околу Крстот

Градот кон крајот на наредниот месец ќе почне со градежни работи, со кои просторот ќе се поплочи со природен камен и со гранитни плочи, ќе се постават клупи и кошници за отпадоци и ќе се засадат дрвца

Со природен камен и со гранитни плочи ќе се уредува просторот околу Милениумскиот крст на Водно. Градот, кон крајот на наредниот месец ќе почне со градежни работи кои, покрај поплочување на просторот, предвидуваат и поставување клупи и кошници за отпадоци, и садење дрвца.
"Деновиве треба да заврши тендерот за избор на фирма која ќе ги изведува градежните работи. До пролет, за кога се најавува пуштањето на жичарницата до Крстот, просторот ќе добие комплетно нов лик. За овој проект ќе бидат потрошени околу 70.000 евра", велат од Град Скопје.
Просторот околу Милениумскиот крст со години е запуштен. Обраснат е со треви и на сите страни се расфрлани ќесиња од чипсови, пластични шишиња, лименки, а се шири и смрдеа од животински измет. Граѓаните и туристите што го посетуваат Милениумскиот крст се бројат на прсти.
Надлежните очекуваат дека симболот на Скопје ќе стане туристичка атракција, откако ќе се пушти лифтот од Средно Водно до Крстот кој, според најновите ветувања од Министерството за транспорт и врски, треба да биде готов пролетва. (А.А.)

http://vest.com.mk/?ItemID=8958CC9D15E77C4F9EF7A7C437E4E03C