Катна гаража Илинден - кај Бисер

- "Илинден" не може да добие одобрение за градење и локациски услови, бидејќи површината за градба во проектот не одговара на површината за градење според ДУП. Таа е 266 квадрати поголема, а има забелешки и на висината на објектот. Сообраќајниот проект што го приложи "Илинден", даден е во Град Скопје и се чека нивна согласност, објаснуваат од Општина Аеродром.

Од Секторот за сообраќај на Град Скопје, пак, вчера ни потврдија дека од страна на МВР не е дадена согласност и за сообраќајниот проект, кој исто така, треба да претрпи измени.

- Ние ќе го вратиме овој проект до проектантот кој по извршените измени ќе треба повторно да ги достави, таква е процедурата, вели Јани Христовски, раководител на овој сектор.

Инаку, на јавно надавање кое се одржа во февруари од страна на Министерството за транспорт и врски, локацијата со површина од 2240 квадрати под долготраен закуп ја доби АДГ "Илинден". Цената на земјиштето од 50 денари достигна 1950 денари за квадрат, сметано како годишен закуп. Тогаш во клаузулата за закуп стоеше дека корисникот на земјиштето се обврзува да започне со градба на објектот во рок од 6 месеци од добивањето на градежна дозвола, која пак треба да ја обезбеди во рок од една година од склучувањето на договорот за закуп. Од друга страна, намената на градежното земјиште ќе може да се менува само со согласност на Министерството.

Од "Илинден" пак, вчера и по сите наши настојувања не сакаа да дадат изјава за причините поради кои се уште не почнала изградбата на катната гаража, ниту дали се направени измените на проектот согласно површината за градење. Даниела ТРАЈКОВСКА

Почнува со изградба катната гаража во Аеродром

Ова е трета катна гаража во Скопје, по оние во Капиштец и до „Рамстор“

Неделава ќе почне да се гради катната гаража во Општина Аеродром, на празниот простор меѓу трговскиот центар „Бисер“ и „Мекдоналдс“. Оперативата на градежната фирма „Илинден“, која пред речиси една и пол година лицитација стана сопственик на земјиштето, од вчера се организира за оградување на теренот и почетокот на изградбата, која најверојатно ќе биде официјализирана на свечен начин. Според проектот, катната гаража ќе биде на приземје и четири ката, со можност за подземно паркирање на две и на три нивоа. Гаражата ќе има капацитет за вкупно 208 возила. Инвеститори на објектот се АДГ „Илинден“ и АГД „АБ“, кои во него ќе вложат околу 1,5 милион евра.

„Паркирањето ќе се изведува исклучиво со рампи, што во практиката е утврдено како најсоодветен начин за функционирање на катна гаража. Според ДУП и проектот според кој ќе се гради, објектот ќе биде исклучиво за паркирање, но планираме да поднесеме барање за измена и дополнување на урбанистичкиот план, со предлог еден мал дел од објектот да се пренамени за ресторан“, вели Петруш Дејановски, директор на оперативата во АДГ „Илинден“.

Според договорот, кој градежната фирма го има потпишано со Министерството за транспорт и врски за отуѓување на земјиштето, катната гаража треба да се изгради најдоцна за две години од почетокот на градежните активности.

АДГ „Илинден“ го доби земјиштето на 40-годишен закуп дури на второто јавно наддавање откако Министерството го поништи договорот со првоизбраната фирма „Бетон“ од Штип, која навремено не ги уплати парите за плацот. „Илинден“ за парцелата од 2.240 квадратни метри понуди 1.970 денари за квадрат. Оваа катна гаража ќе биде трета во Скопје која почна да се гради во рок од нецели шест месеци, имајќи ги предвид започнатите изградби на катните гаражи на „Тинекс“ во Капиштец и онаа до „Рамстор“. (Дс.т.)

Не ли ви изгледа многу несериозно еден поглавар на МПЦ и еден премиер да удараат темели на катна гаража? Дали ми се чини сам она мене или навистина критериумите за грандиозни зафати ни се паднати прениско. Мислам таму министерот најавува автопатишта низ цела македонија, градоначалничиња од ИЗ Шутка се удираат во гради со 100 катници а премиерот наш гоелм удира темел на катна гаража. ПАТЕТИЧНО....

ПС. Ако звучи политички постот тргајте го, несакам на никого да му ги подигам позициите, ама стварно фрустрирачки е веќе ова