Надградба на ГТЦ

Originally posted by lslcrew Абе ова трговскиот ќе го напраат оранжерија, и ќе го уќањаат како све друго. Трговскиот е од отворен тип и нема што сега да глумиме рамстор. Ова  урбано дивјаштво исто како заградените тераси што ги има милион низ градов. Може да се реновира само и притоа да се придрржува кон оригиналниот проект. Треба продавниците да бидат некои што би привлекле луќе, а не шаховски клуб и канцеларии. И уште една работа. Ме ќуди што треба да биде таа големата недопраена тераса што гледа накај лумикс.

во тоа е и проблемот lsl, добар пост . Како и повеќето на форумов сакам објекти со стакло ама вакви крпеници не сакам. Наместо да решат што да прават со оние 5 грдотии што штрчат од ГТЦ тие ќе го зезнат и него.

@La Linea ЈПСДП има некоја рекламна кампања каде меѓу другите го има и новиот градски стадион. Неможам да гарантирам дека проектов е финален ама многу ми е веројатна таа варијанта. Зошто инаку би правеле ваква реклама

ИЗБРАНО ИДЕЈНОТО РЕШЕНИЕ ЗА ДОГРАДБА НА ГРАДСКИОТ БИЗНИС ЦЕНТАР

ГТЦ ќе добие трет кат DE LUX

Ќе се искористи и кровната платформа, каде ќе се формираат острови со содржини наменети за отворен простор - остров за сончање, за летно кино, игротека, вештачка карпа за искачување

Кафулиња и ресторани, писта за модни ревии, салони за убавина, спортски и рекреативни центри, градинка, киносала, хотелски апартмани и бизнис центар... Тоа се дел од содржините со кои ќе се дополни Градскиот трговски центар, а се предложени со идејниот проект кој го освои првото место на меѓународниот конкурс за надградба на третиот кат на ГТЦ. На третиот кат нема дел предвиден за трговија и продавници.

- Експертската комисија имаше тешка задача да го избере најдоброто од предложените 10 архитектонски решенија, бидејќи секое од нив имаше своја интересна специфика. По детално и поединечно разгледување, одлучивме да го избереме трудот под шифрата 1234+5 поради автентичноста на проектот којшто одлично се вклопува во амбиентот и претставува природно заокружување на постоечкиот објект. Негови автори се петмина македонски архитекти припадници на помладата генерација - информираше директорот на ГТЦ Аго Абазовски. Тој истакна дека наскоро ќе биде објавен конкурс за избор на главниот проект, кој ќе се базира врз избраниот идеен труд и најави дека изградбата треба да почне до почетокот на идната година. Економската анализа од главниот проект ќе покаже прецизни податоци за вредноста на инвестицијата, по што ќе се бара инвеститор.

- Првичните најави беа дека ќе градиме со Владата која е доминантен соопственик на Акционерското друштво, но може да се разгледуваат и други опции, како јавно-приватно партнерство, на пример, појасни Абазовски.

Интересен дел од проектот е бизнис-центарот во вид на коцка, мрежест и прозирен кој ќе биде во близина на ЕВН и кој ќе зафаќа површина од 1550 метри квадратни. Угостителските објекти ќе ја заземат положбата со поглед кон Водно, а хотелските апартмани ќе бидат со ексклузивен стандард. Ќе се искористи и кровната платформа каде ќе се формираат острови со содржини наменети за отворен простор - остров за сончање, за летно кино, игротека, вештачка карпа за искачување.

За лесен и брз пристап до третот кат ќе бидат монтирани специјални елеватори од Плоштадот, а се запазени сите стандарди за полесен пристап за лицата со посебни потреби.

Објектот на ГТЦ е изграден во 1972 година според идејното решение на проф. Живко Поповски, којшто исто така предвидел трет кат. Оттогаш, ГТЦ е средиште на интересите и случувањата, место каде дневно циркулираат и до 50 илјади посетители.

http://vecer.com.mk/?ItemID=8441BE8E91F38E4B8538F1B2758D032C

Edited by pbanks - 10-Apr-2008 at 23:03

hahaha ,, ja go postirav vo trgovki sentri ,,,,,ama dobro mojot e od vecer so druga slika

aaaa taka li ,,,epa ok 

Немам ништо против повеќе бутици ама подобро ќе биде како што се планира да има други услуги покрај канцелариите - масажи, салони за убавина ова она... да се најдат повеќе такви работи на едно место.

Znam vekje e postirano, no ova e od Dnevnik

ТРГОВСКИОТ СО НОВ ИЗГЛЕД

Сончање и летно кино на третиот кат на ГТЦ

Изградбата на третиот кат се очекува да почне напролет в година, а ако не се појават неочекувани проблеми, катот би требало да биде завршен до есента

Рекреативно сончање, летно кино, ресторани, кафулиња на познати светски брендови, апартмани, простори за забава и луксузни апартмани се дел од содржините што ќе бидат сместени на новиот трети кат на Градскиот трговски центар(ГТЦ). Се планира тој да биде готов наесен в година и да биде на површина од околу 1.500 квадратни метри.Ваквиот изглед на третиот кат е предвиден според првонаграденото идејното решение на меѓународниот конкурс што го распиша ГТЦ. Автори на првонаграденото идејно решение се архитектите Јован Ивановски, Владимир Десков, Дејан Ивановски, Елена Пазарџиева и Ана Ивановска. На овој меѓународен конкурс се избрани уште два труда, кои се второнаграден и третонаграден, а откупени се уште два.Првонаградениот труд е избран на Меѓународниот јавен конкурс. Изборот го изврши жири-комисија составена од неколку реномирани професори, а претседател бев јас, како директор на ГТЦ - вели Аго Абазовски.

ИДЕЈНОТО РЕШЕНИЕ НЕ ГО НАРУШУВА ИЗГЛЕДОТ НА ГТЦ

- Самото решение ги запазува архитектонските елементи на постојниот објект, поточно остануваат ходниците и празен простор за движење на посетителите, вели Абазовски.Тој потенцира дека целта е 35 до 50.000 посетители дневно на ГТЦ да се насочат кон погорните катови. За таа цел, првонаграденото идејно решени остава можност за поставување на четири лифта по вертикала, кои ќе одат од подрумот до третиот кат, додека од насока на плоштадот кон ГТЦ веќе има ескалатори.Според него, самото решение се вклопува во околината и не го нарушува постојниот изглед на ГТЦ. По изборот на идејното решение, ќе распишеме тендер за изработка на главниот изведбен проект, а до крајот на годината би требало да се заокружи со потребната техничка документација. Финансиската конструкција би требало да се заокружи по завршување на летото, што ќе зависи од главниот идеен проект - потенцира тој. Изградбата на третиот кат се очекува да почне напролет в година, а доколку не се појават некои неочекувани проблеми, би требало да биде завршен есента.Грубите проценки, како што вели директорот, покажуваат дека сегашната градба на катот би чинела од 1.000 до 1.200 евра по квадратен метар. Средствата за изградбата на катот ќе се обезбедат од Владата, а постои варијанта дел од средствата да се обезбедат од Јавното претпријатие за стопанисување со станбен и деловен простор како доминантен стопанственик со ГТЦ, а дел да ги обезбеди ГТЦ - објасни Абазовски.

ИЗЛОЖБА НА НАЈДОБРИТЕ ТРУДОВИ

Вчеравечер во 20 часот, во фоајето на киното „Милениум“ беше отворена изложба на наградените трудови за идејното решение за третиот кат на ГТЦ. Истовремено, директорот на ГТЦ, Аго Абазовски, им ги врачи наградите на првите три најдобри труда. Првонаградениот труд доби парична награда во износ од 400.000 денари, второнаградениот 120.000 денари, а беа откупени и двата труда, секој за 60.000 денари.

Ubavo izgleda po renderot.

Ја заборави црквата? 

Убаво ми личи планираната изградба, но дали некопј знае да ли има планови за обновување на сегашниот дел.

ЛЕЛЕ за рендериве!! Само не ми е јасно многу, и уште не можам да се одлучам дали ми се допаѓа или не. Тој делот што е на последнава слика мислам дека изгледа интересно, само што не знам каква функција ќе има и каде точно ќе стои. Не е ова пред Плава Лагуна? А тоа е отворено кино, или? Изгледа многу малечко.. Збунувачки ми се и тие што личат на фотељи на втората слика... Јас сум збунет

Здраво Владимир и фала за сликиве, ЛаЛинеа последниот рендер  е до ЕСМ/лумикс така? А мене ми изгледа како деловен простор, само не им текнало да го дигнат до 29метри (новата магична бројка во мал ринг)