Осум компании заинтересирани за изградба и управување со регионалната депонија во Василево Струмица – Осум компании од Канада, Австрија, Германија, Бугарија и од Турција се јавија на тендерот за избор на концесионер, кој ќе ја гради и ќе управува со регионалната депонија во општина Василево. По консултациите во десетте општини од Југоисточниот плански регион - Струмица, Гевгелија, Радовиш, Валандово, Ново Село, Богданци, Василево, Дојран, Босилово и Конче, ќе се знае кои од фирмите aпликанти ќе ја поминат првата и ќе влезат во втората фаза. - Регионалната депонија ќе се гради според европските стандарди и ќе има капацитет од 1,2 милиона кубни метри комунален отпад. Во неа ќе се складира и рециклира сметот од југоисточниот плански регион во наредните 25 години. Депонијата ќе располага со пет специјални комори за заштита на животната средина од загадување, вели градоначалникот на Василево Ване Стојанов. Депонијата ќе биде лоцирана во близина на селото Добрашинци, општина Василево, и ќе зафаќа површина од околу 12 хектари. За нејзината изградба, која се очекува да почне во текот на 2011 година, ќе бидат инвестирани околу 22 милиона евра капитален проект кој долгорочно ќе го реши проблемот со комуналниот отпад во десетте општини. (МИА)

http://www.porta3.com.mk/index.php?option=com_content&task=view&id=2507&Itemid=125

Странци во трка за сметот од Полог

Осум странски компании ја почнаа „трката“ за собирање и депонирање на комуналниот отпад од Полошкиот регион. Фирми од Италија, Грција, Канада и од Австрија искажаа заинтересираност, а нивните понуди минатата недела беа отворени во Центарот за развој на Полошкиот плански регион, во Џепчиште.

Избраната фирма-оператор ќе преземе обврска да го организира целокупниот систем за депонирање, собирање и пренос на отпадот. За таа цел ќе бидат формирани и подружници во секоја општина во која функционира јавно комунално претпријатие. Во општините во кои досега нема основано јавно комунално претпријатие за собирање на отпадот, услугата ќе ја врши некоја од подружниците.

Според Неџати Јакупи, првиот човек на Министерството за екологија, станува збор за реномирани фирми што имаат повеќегодишно искуство во оваа сфера. Во наредниот период фирмите ќе ги анализираат состојбата и условите, по што треба да излезат со конкретна понуда. Во последната фаза ќе се склучи договор, кој ќе важи 25 години.

- Ова е првата фаза во процесот на концесионирање на депонијата Русино и е чекор напред кон трајно решавање на проблемот со сметот во Полошкиот регион. Во понатамошната постапка на конкурентен дијалог, фирмите ќе ја посетат депонијата, ќе остварат средби со градоначалниците и подетаљно ќе се запознаат со условите. Дури после ќе ги достават крајните понуди - вели министерот Јакупи.

Тој е убеден дека процесот за избор на концесионер нема да трае долго, бидејќи станува збор за фирми што се специјализирани, а и во Министерството веќе имаат искуство.

Според студијата за концесиски договор, во наредниот период секоја фирма одделно ќе ги изнесе варијантите што се однесуваат на техничките и на финансиските аранжмани.

Најприфатлива варијанта за градоначалниците на Боговиње, Брвеница, Врапчиште, Гостивар, Желино, Маврово и Ростуше, Јегуновце, Теарце и на Тетово е формирање заедничко претпријатие со мешовита сопственост. Во него ќе се вклучат и вработените од комуналните претпријатија.

За министерот Јакупи нема опасност од отпуштања бидејќи, како што вели, поради обемот ќе бидат потребни повеќе работници.

Иако, во студијата стои дека со новиот начин на управување со отпадот ќе се наплаќа и депонирање на сметот, за Јакупи нема дилема - ѓубрарината нема да поскапи.

Проблемот со депонирањето смет годинава ескалира со протести на жителите на селата што се во близина на депонијата Русино. Тие се противеа на неконтролираното депонирање на ѓубрето од тетовските општини. Додека траеја блокадите, на претоварната станица во Тетово се натрупаа илјадници тони смет. Поради опасноста од еколошка катастрофа, беше воспоставен дијалог меѓу локалните самоуправи на Тетово и Гостивар. По постигнатиот договор камионите на тетовското комунално претпријатие го префрлија сметот.

Од сите девет полошки општини велат дека имаат проблеми со диви депонии. Се фрла се' и сешто - од комунален, па до медицински отпад. Проблем претставуваат и ниската еколошка свест на граѓаните и дивите депонии што ги има на секое ќоше од државава.

Зоран Г.Маџоски

http://www.dnevnik.com.mk/?ItemID=C0B127F96C194D46A87193F0C1DC8288

Ако некој е у близина може да удри некоја фотка.:

ПОКАНА ЗА ПРОМОЦИЈА НА НОВИТЕ КАМИОНИ НА ЈП „КОМУНАЛНА ХИГИЕНА“
Градот Скопје Ве поканува на промоцијата на новите шест камиони за собирање смет на ЈП „Комунална хигиена“ којашто е закажана за утре /21.10.2010 година, четврток/ во 11 часот во Рециклажниот двор на „Комунална хигиена“, на булевар Илинден, зад бензинската пумпа на Макпетрол.

На промоцијата на новите камиони ќе присуствува градоначалникот на Град Скопје, Коце Трајановски.

http://www.skopje.gov.mk

Edited by toasumjas - 21-Oct-2010 at 10:04

Епа аирлија нека се Мерцедесите .
Ја се извинувам што пак ја промашив нишката

„Комунална хигиена“ со шест нови камиони за смет

Шест специјални возила за собирање смет што ќе му служат на Јавното претпријатие „Комунална хигиена“ вчера беа промовирани во рециклажниот двор во Карпош.

Скопскиот градоначалник Коце Трајановски и директорот на „Комунална“, Ракип Дочи, ги претставија капацитетите и можностите на овие возила. Камионите се од марката „мерцедес бенц“, модел атрик и со мотор евро 3-стандард.

Тие се со зафатнина од 20 кубни метри и се со вграден систем за подигнување и за празнење контејнери со капацитет од 1,1 кубен метар, но и за типски канти од 120 литри. Празнењето на садовите е со брзина од 20 до 24 секунди, односно двојно побрзо од брзината на подигнување што ја имаат сегашните камиони. Зафатнината е од 1,5 до 4,5 кубни метри. Шесте возила со вклучен ДДВ чинат вкупно 50.197.200 денари, односно секој по 8.366.200 денари.

Скопскиот градоначалник потенцираше дека до март 2011 година се очекува возниот парк на „Комунална хигиена“ да се обнови со вкупно 40 возила. Новите камиони, според Трајановски, треба да пристигнат во март наредната година. Тој потенцираше дека со набавка на новите камиони нема да има потреба од нови вработувања.

Со оглед на староста на сегашните возила, претпријатието секојдневно има на располагање од 6 до 16 камиони за собирање смет, во зависност од тоа колку од нив се исправни.

- Има период и кога во текот на една недела комуналниот смет се собира со шест до осум камиони, што значи дека еден камион им е на располагање на 100.000 жители, што е катастрофална бројка - информира Трајановски.

http://www.dnevnik.com.mk/?ItemID=01BA15A974ABD44BA5B67B4635760985

ДВА НОВИ КАМИОНИ ЗА СОБИРАЊЕ СМЕТ ВО РУРАЛНИТЕ СРЕДИНИ ЗА ЈП „КОМУНАЛНА ХИГИЕНА“ Градоначалникот на Град Скопје, Коце Трајановски, потпретседателката на Собранието на РМ, Светлана Јакимовска, претседателот на Советот на општина Кисела Вода, Звонко Спасовски, и претставници на ЈП „Комунална хигиена“, денеска /14.12.2010 година/ ги промовираа новите две специјализирани возила за собирање смет во руралните средини на општината Кисела Вода. Новите камиони се произведени 2008 година, тие се од категоријата N2 – товарно возило, со капацитет од 5 кубни метри и постои можност за автоматско и рачно управување на циклусот на работа. - Денеска имаме промоција на новите камиони за собирање смет од руралните средини во општината Кисела Вода, којашто ги набави овие две возила и ги донираше на ЈП „Комунална хигиена“. Прв пат се случува општина да донира камиони на јавно претпријатие, и ме радува фактот дека планови за набавување на вакви помали камиони имаат и општините Гази Баба, Аеродром, Бутел и други општини коишто имаат и рурални средини на својата територија, со што ќе се направи еден исчекор во собирањето смет во 2011 година и ќе се зголеми хигиена во градот- изјави Градоначалникот Трајановски. Со овие две возила екипите на ЈП „Комунална хигиена“ ќе собираат смет само во руралните средини на општината Кисела Вода, (Драчево, Пинтија, Усје и Припор), односно онаму каде што големите камиони имаат отежнат или воопшто немаат пристап поради конфигурацијата на теренот и тесните улички. Возилата за собирање смет се од марката Mitsubishi FUSO, тип FE74BB, со зафатнина на мотор од 2 977 cm3 и моќност на мотор од 92 kw. Тие се долги 4 988 mm, високи 2419 mm, a широки 1 900 mm. Имаат вграден систем од задната страна за подигнување и празнење на садови за отпад со капацитет од 1, 1 кубни метри (контејнери) или истовремено подигање и празнење 2 типски канти од 120 литри. Цената на двета возила со вклучен ДДВ е 8 736 720 денари. http://www.skopje.gov.mk/ShowAnnouncements.aspx?ItemID=3881&mid=482&tabId=1&tabindex=0

Точно само бесплатно ќе си го реши комунална проблемот. Вака со овие цени па ќе треба да го собираат отпадот од диви депонии. Лесно е пропиши цени од неколку ијлдаи распиши строга казнена политика и пак диви депонии, ни казннена политика може да се спроведе ниту со тие цени ќе викне некој камион. Макар и поскапа губхрарина да е, пак е решение. Инаку баш прееска видов на Машински на хомологација мислам дека идеше еден таков камион, изгледа спремаат нешто.

Ова е моментот кој МОРА да го следат сите општини! Ова е бизнис кој многу добро функционира, никогаш недостаток од ѓубре, секогаш потреба за плус енергија и рециклирани материјали, а за придобивките за околината да не збориме, да не речам и волкот сит и овците на број.

Четири компании во трка за изградба на депонија во струмичко

Од вкупно шесте кои ја поминаа првата фаза за конкурентен дијалог за финансирање, проектирање, изградба и управување со регионалната депонија за цврстиот комунален отпад во југоисточниот регион, три од Австрија и една италијанска компанија денеска ги доставија своите понуди со првичните технички решенија.

- Втората фаза на конкурентниот дијалог е поделена на две фази. Ова е првата фаза. Сега се само првичните решенија и се недоработени решенија, значи се работи само за концепти. Во втората фаза ќе се достават подетално разработени решенија каде што ќе видиме конечно каков тип на решение се нуди и каков финансиски план за работа - вели Каја Шукова, претседател на Комисијата за избор на концесионер на регионалната депонија Шапкар.

Врз основа на избраното решение компаниите кои остануваат во трката за иден концесионер ќе ги изготват своите финансиски планови за работа.

Според најавите најверојатно името на идниот концесионер би требало да биде познато некаде кон крајот на годината кога се очекува да заврши и последната трета фаза.

Регионалната депонија во Струмичко ќе биде изградена на површина од 12 хектари и ќе чини над 20 милиони евра.

Во периодот на експлоатација кој ќе трае 25 години треба да се депонира околу 1.200.000 метри кубни цврст отпад од вкупно десет општини од југоисточниот плански регион.

http://daily.mk/cluster3/4e9c417d89d0640e5054ee364b6c4766/555092

На повидок решение за велешката депонија

Странски фирми се заинтересирана за преработка и дислокација на депонијата со згура во близина на Велес, остаток од тридецениската работа на Топилницата. Две компании се јавиле на конкурсот од Министерството за животна средина и просторно планирање, едната понуда била прифатлива, па се очекува таа да го добие решението за користење на депонијата.

Инвеститорот предлага активна ремедијација и две варијанти за затворање на индустриското жариште. Згурата што е складирана на депонијата за индустриски отпад на МХК „Злетово“ ќе се транспортира и преработува надвор од Македонија. Министерството има намера овој наследен проблем да го затвори за жителите на Велес, но не соопшти детали од каде е компанијата која има подобра понуда, ниту за која цена ќе биде дадена на користење. Додека траел конкурсот депонијата ја посетиле фирми од Израел, Бугарија и од Албанија.

Депонијата е извор за загадување на Велес со тешки метали. Таа е тешка 1,7 милион тони и во неа има 8 проценти цинк и 1 отсто олово, што овозможува нејзина економска експлоатација, сметаат стручњаците. Градот долго ги чувствува проблемите со загадувањето, бидејќи жариштето и по седум години од затворањето на Топилницата. Велешките екологисти резервирани околу можноста да се реши проблемот.

- Ако се случи некоја компанија да ја преработува депонијата тоа е одлично решение и треба да се поддржи. Но, треба да се има предвид и за каква фирма станува збор, дали таа е сериозна, какво искуство има и слично. Во очекување на тие информации, го поддржуваме надлежното Министерство во настојувањата да го отстрани овој црн рид над градот, кој и натаму им го загорчува животот на велешани - изјави д-р Ненад Коциќ, претседател на Еколошкото друштво „Вила Зора“.

Во меѓувреме, оваа невладина организација заедно со Општина Велес засади седум илјади рози на јавните површини, во училиштата и градинките во градот. На овој начин преку кореновиот систем се отстрануваат тешките метали опасни по здравјето, олово и кадмиум, кои ги има во велешката почва до 50 сантиметри длабочина. Ова е прв таков зафат на Балканот. (П.П.)

http://www.dnevnik.com.mk/?ItemID=0F5C18DF95D7B743AC5EA7B8131BEC9E