Студијата за подземната сообраќајница што треба да се гради покрај кејот покажала дека врз неа не треба да има тешки објекти, па сега од почеток ќе се распишува конкурс за „Скопското око“ и ќе му се бара нова локација

Панорамското тркало ќе овозможи поглед на проектот „Скопје 2014“

Панорамското тркало што беше предвидено да се изгради во зелениот појас покрај кејот на десниот брег на Вардар, меѓу Камениот мост и мостот „Гоце Делчев“ ќе се сели. Новата локација на тркалото дефинитивно ќе биде во централното градско подрачје, но ниту од градот ниту, пак, од општината Центар, која го изработува деталниот план за Малиот ринг, не сакаа да прецизираат каде точно ќе се постави „Скопското око“.

- Сега се работи на нов детален урбанистички план за Малиот ринг, со кој е предвидена и новата локација за панорамското тркало, но бидејќи планот се уште не е готов, новата локација ќе се знае кога тој ќе биде поставен на јавна анкета - велат од општината Центар.

Иако градот уште пред неколку месеци го избра идејното решение за тркалото и на авторите на победничкиот труд Јован и Ивана Стефановски им даде главна награда од 100 илјади денари, пред неколку дена повторно распишаа конкурс за изработка на ново идејно решение за панорамското тркало со придружни елементи. Победниците од претходниот конкурс вчера не одговараа на мобилните телефони за да кажат дали имаат намера да се пријават и на овој конкурс.

- Местоположбата на тркалото мораше да се смени, затоа што студијата за подземната сообраќајница покажа дека не е препорачливо тоа да е сместено над улицата. Сé уште незнаеме која ќе биде новата локација, затоа што изработката на деталниот план е во надлежност на општината. Градот нема никаква обврска кон авторите што победија на претходниот конкурс, затоа што тие имаат добиено награда, а и не е потпишан никаков договор - објаснија од градската управа.

Главната награда и за овој конкурс изнесува 100 илјади денари.

Во огласот пишува дека идејното решение се однесува за панорамското тркало со придружни елементи, но не е определено што друго се планира да се постави. Со тендерската документација од претходниот конкурс беше предвидено на тркалото да можат да се возат 144 посетители, по шестмина распоредени во кошници. Архитекти коментираа дека барокниот стил ќе биде присутен и во идејните решенија за тркалото со цел тоа да се вклопи со околните објекти.

Дополнително ќе треба да се утврди и на кого градот ќе му го даде тркалото на стопанисување, дали за возење, односно за разгледување на градот ќе се наплатуваат билети и колку би чинело да се види панорамата на Скопје.

Студијата за подземната сообраќајница што треба да се гради покрај кејот покажала дека врз неа не треба да има тешки објекти, па сега од почеток ќе се распишува конкурс за „Скопското око“ и ќе му се бара нова локација

Панорамското тркало ќе овозможи поглед на проектот „Скопје 2014“

Панорамското тркало што беше предвидено да се изгради во зелениот појас покрај кејот на десниот брег на Вардар, меѓу Камениот мост и мостот „Гоце Делчев“ ќе се сели. Новата локација на тркалото дефинитивно ќе биде во централното градско подрачје, но ниту од градот ниту, пак, од општината Центар, која го изработува деталниот план за Малиот ринг, не сакаа да прецизираат каде точно ќе се постави „Скопското око“.

- Сега се работи на нов детален урбанистички план за Малиот ринг, со кој е предвидена и новата локација за панорамското тркало, но бидејќи планот се уште не е готов, новата локација ќе се знае кога тој ќе биде поставен на јавна анкета - велат од општината Центар.

Иако градот уште пред неколку месеци го избра идејното решение за тркалото и на авторите на победничкиот труд Јован и Ивана Стефановски им даде главна награда од 100 илјади денари, пред неколку дена повторно распишаа конкурс за изработка на ново идејно решение за панорамското тркало со придружни елементи. Победниците од претходниот конкурс вчера не одговараа на мобилните телефони за да кажат дали имаат намера да се пријават и на овој конкурс.

- Местоположбата на тркалото мораше да се смени, затоа што студијата за подземната сообраќајница покажа дека не е препорачливо тоа да е сместено над улицата. Сé уште незнаеме која ќе биде новата локација, затоа што изработката на деталниот план е во надлежност на општината. Градот нема никаква обврска кон авторите што победија на претходниот конкурс, затоа што тие имаат добиено награда, а и не е потпишан никаков договор - објаснија од градската управа.

Главната награда и за овој конкурс изнесува 100 илјади денари.

Во огласот пишува дека идејното решение се однесува за панорамското тркало со придружни елементи, но не е определено што друго се планира да се постави. Со тендерската документација од претходниот конкурс беше предвидено на тркалото да можат да се возат 144 посетители, по шестмина распоредени во кошници. Архитекти коментираа дека барокниот стил ќе биде присутен и во идејните решенија за тркалото со цел тоа да се вклопи со околните објекти.

Дополнително ќе треба да се утврди и на кого градот ќе му го даде тркалото на стопанисување, дали за возење, односно за разгледување на градот ќе се наплатуваат билети и колку би чинело да се види панорамата на Скопје.