Група малолетници го каменувале патничкиот воз 6903 кој се обраќал на релацијата Гостивар-Скопје, информираат од СВР Тетово. Повредени лица нема, а причинета е штета на еден од вагоните.

Според портпаролот на СВР Тетово, Марјан Јосифоски, случајот околу 14 часот, го пријавил службеник, вработен во полициската станица за обезбедување возови.

Од првичните информации, на излезот од Гостивар неколку деца фрлале камења кон возот што се движел, а едно од нив скршило стакло на вагон во кој имало патници.

По инцидентот, возот продолжил со движење. Годинава, на подрачјето на Тетово и Гостивар, регистрирани се три поставувања камен и други препреки на железничката пруга и едно каменување. Во сите овие случаи, за среќа нема повредени лица, туку е причинета само материјална штета на браниците од локомотивата и на едно прозорско стакло од вагон. Трите препреки во овој период беа поставени на тетовските простори (меѓу селото Жеровјане и Железничката станица во Тетово) и во близина на селото Долно Орашје. Во Гостиварско, годинава немало случаи на поставени препреки, ниту каменувања.