Вагони

РАБОТНИЦИТЕ ВО ВЕЛЕШКА КОЛСКА СЕ РАЗМРДАА

Ставен на шини реновиран патнички вагон

Во неговата реконструкција и модернизација работеле осумдесетина работници во изминативе три месеци. Инвестирани се околу 120.000 евра или десетпати помалку од цената на нов вагон

Од фабриката за шински возила "Колска" од Велес вчера во сообраќај беше пуштен нов патнички вагон што го направија работниците од најстарата велешка фирма. Во неговата реконструкција и модернизација работеле осумдесетина работници во изминативе три месеци. Инвестирани се околу 120.000 евра или десетпати помалку од цената на нов вагон.
-Со помош на Владата ние сме подготвени не еден, туку да направиме за една година 12 вагони. Сега, поради кризата, не сме во состојба да вадиме ваков вагон еднаш месечно. Овој го направивме за три месеци. Со поддршка од Владата ние би можеле да и помогнеме на "Македонски железници" да направиме патнички вагони во кои патниците ќе се чувствуваат удобно и безбедно - вели Александар Атанасов, директор на "Колска".

Моментално работниците од "Колска" работат на реконструкција на 18 товарни и 3 патнички вагони.
- Моментално имаме пари за репроматеријали и за плати. Состојбата сега ни е подобра од порано, но не сме на она ниво на кое би сакале да бидеме. Ако имаме доволно средства за репроматеријали, можеме на МЖ секој месец и пол да и даваме по еден патнички вагон - рече Атанасов.

За разлика од минатата година, кога биле изработени само два вагони, сега работниците од "Колска" успеаја истото да го направат за шест месеци. Менаџерскиот тим се надева дека Владата, која е стопроцентен сопственик на Колска", во наредниот период ќе обезбеди поголеми финансиски средства, а МЖ, пак, на фирмата навреме ќе и ги дава патничките и товарните вагони.

Поради кризата велешката фабрика за шински возила лани и на почетокот на оваа година немаше работа, па мораше 70 работници да ги испрати на принуден одмор. Со цел да се намали бројот на работниците, во договор со Министерството за транспорт и врски, распишан е интерен оглас, кој сака од работниците со надомест да го раскине работниот однос со фирмата. Од вкупно 227 работници за доброволно прекинување на работниот однос се пријавиле 98 работници. За овој зафат кој во многу ќе придонесе да се намали бројот на работниците и фирмата рентабилно да може да работи, потребно е Владата и Министерството да ги обезбедат потребните финансиски средства.

http://www.vecer.com.mk/?ItemID=5335BD81BBB787438A90463D640A6211

Па верувам дека ако треба да се поправат 12 вагона и тие се исти или слични, тогаш ќе можат да употребуваат исти (масовно произведени) делови. При што цената за нивната набавка најверојатно ќе биде помала.

Ако веќе се инволвира владата, тогаш добро би било и капацитетот на фирмата да се зголеми, па да вработат едно 120-130 души (или колку ќе треба) за да се дуплира темпото на работа.

Треба ваква работа, само нашиот народ дали ќе ја цени.
Вандализам има во сите возови, само што ние нашите неможеме секојдневно да ги поправаме.

Што фабриката е некои деца што пордаваат лимонада на патронат во забавиште па ние сега од солидарност да ја купуваме. Тоа економија ли е. Не постоиме ние заради фабриката, туку фабриката заради нас. Тоа е едене елемнт што треба да се одвои од железница кога ќе се либерализира и да се продадена на стратешки партнер или да си остане обично депо на мж-инфраструктура. Вака посебна фабрика со нерешен статус никакви и сто вагони да пратиме не си ја решева иднината, лажна надеж се влева и ништо повеќе.

Originally posted by Vladimir P Бојане, - Се работи за нормален вагон МЖ В 50 65 20-10 014-6 веќе прикажан неколку поста предходно. - За цената од 120.000 евра не е некоја свота кога би знаел во што се се состои ремонтот, истото мислење го имав и јас додека не присуствував на сите фази низ кој поминува еден ремонт. - На 3 месеци по еден ремонтиран патнички вагон мислам дека е огромн успех, земајќи ги превид кадровски, просторни и технички можности и потполно застарена машинска база која слободно може да заврши во некој музеј. Но рачунај дека во меѓувреме се работат и товарни вагони. П.С. Би бил среќен да се продолжи со овакво континуирано темпо, кое ќе произведе стабилни извори и планирања а со тоа и постепена обнова на самата фабрика.

Владимир, моите пресметки се овие, во овој вагон не е вградена климатизација, вакумски тоалет, автоматски врати, интернет, простор за велосипеди... Ако 120.000 евра се потребни за модернизација што е далеку од европските стандарди, тогаш колку ќе чини модернизацијата доколку е потребно да се вградат сите стандарди за вагоните од ЕУ. Немам правено никакви пресметки, но така би излегле минимум пола милион евра за еден вагон, што не знам колку е паметно да се вложува, земајќи во предвид дека србите купија нови руски ДМВ за околу 1,5 милиони евра по парче со капацитет за патници еквивалентен на 3 патнички вагони, а да не говориме за модернизацијата на дизел и електро локомотивите кои се потребни за влечење на вагоните. Мислам дека тука нема некој разумен рачун, фрламе пари во бунар без дно!

Второ, доколку Колска работи по 4 вагони годишно, тогаш за 2 години би сработила само 8 вагони. Мислам дека претходно на форумов некој пиша дека на секои 2 години е задолжително да се носат вагоните во Колска на реконструкција? Ако вака споро оди тоа, тогаш вагоните на МЖ според пресметкава би оделе на секои 4 години во Колска-Велес.

Бојане,

Само со една реченица:

Таквите нови вагони да се купат чинат една 0 повеќе, па сега рачунај, каде треба да се вложува.

А за руските „отом потом“ или чекај кога ќе дојдат и кога ќе влезат во експлатација.

Не зборам ја за пајташи со криминални трансформации со кусогледи политики. Тоа не е никаква трансформација обичен грабеж не е споредлив. И згора на се кога дојде ред македонија да набавува нови автобуси се продаваше истата приказна за колска. државата да му обезбеди работа а он да аде најнеквалитетна понуда. Затоа и пропадна. Да се пристапело сериозно на прашањето немаше да биде тоа. Да не ја зевлекуваме сега дискусијата многу вон темата. Колска може да се трансформира ако се сака да се транформира. Ова субвенционирање со по некој стар вагон не е ниаккво решение.

Не е проблемот Колска да реконструира проблемот е што МЖ не ги одржаваат до следниот ремонт.Овој вагон за само неколку месеци ќе изгледа многу лошо посебно однадвор поради тоа што МЖ надворешно не ги чисти ни локомотивите ни вагоните жалосно.

Да не ја заборовивте нашета култура кон заедничките добра.

Edited by Vladimir P - 22-Mar-2011 at 19:09

Некои луѓе навистина не знаат дека тоа е со нивни пари (или пари на родителите им) направено.

Постирав во нишката композиции Пелагонија Експрес - со новите вагони излезени од Колска Велес.

http://www.build.mk/forum/new_reply_form.asp?TID=959&PN=4&TR=72

Наскоро и овој ќе го видиме по нашите пруги