445 неможе да е збир на 52 и 60 затоа што не е парен број. Или има 428 + 17 за лица со посебни потреби или се вкупно 462 од 445 + 17. Една пресметка што прави логика е 52 и 50 во подрумите, приземјте без паркинг и 6 ката по 60 места се добиваат 462.

Edited by lslcrew - 19-Mar-2011 at 04:15

Монтажниот Паркинг во Ново Лисиче.

Kатните гаражи зјаат празни Моментално во градот работат две катни гаражи, кои се недоволно искористени. Градската власт најавува изградба на осум нови Скопјани сé уште не се навикнати да паркираат во катни гаражи. Двете големи, модерно опремени катни гаражи што работат моментално во градот се празни и недоволно неискористени. Возачите повеќе сакаат да губат време во барање бесплатно место по тротоарите, улиците и по зелените површини, отколку да платат 20 денари за паркирање. И покрај малиот интерес за паркирање на „затворен“ простор, во градот ценат дека катните гаражи се потребни и се решени да инвестираат во изградба на осум нови. Катната гаража „Илинден“, до трговскиот центар „Бисер“ во општината Аеродром, најголем дел од времето е празна. Може да се најде понекој автомобил паркиран на празниот простор. Во „Зебра“ во Капиштец, состојбата е малку подобра. Поради ниската цена од 20 денари, жителите и посетителите на Капиштец се навикнале да паркираат во катната гаража. „Зебра“ многумина ја користат за кратко паркирање, додека испазарат или завршат некоја обврска во близина, но поголем е бројот на оние што работат во близина и вадат месечни и годишни карти. Месечните карти во „Зебра“ изнесуваат 3.000, додека годишните 30 илјади денари. - Порано цената беше 40 денари и никој не паркираше во катната гаража. Ја намаливме на 20, за да ги навикнеме посетителите и жителите на Капиштец да паркираат овде. Направивме и други попусти. Најголем метеж има попладне и за време на викенд - изјави Ратко Јанковиќ, менаџер на катната гаража „Зебра“. Во овој објект повеќе паркираат сопствениците на полуксузни возила, затоа што тие се заштитени од атмосферски влијанија. - Често пазарам овде и се паркирам во катната гаража. Во катните гаражи возилата се заштитени од дожд, ветер, сонце. Секако и се побезбедни, особено за полуксузни коли – изјави Добре Василевски од Капиштец. Но жителите на Аеродром не се навикнати да паркираат во катна гаража. Сите нивоа во оваа катна гаража за време на викендот беа празни. Цената е 30 денари за час, пет денари поскапа од зонското паркирање во околината. - Не паркирам често во катната гаража, можеби по навика паркирам на отворено. Цената не е скапа, исто како и на сите паркиралишта. Често паркинг-просторот е празен - вели Коста од Аеродром. Вработените во „Илинден“ велат дека граѓаните сé уште не се навикнати да паркираат во катната гаража. Улиците, тротоарите, зелените површини, секој слободен агол овде е полн, само гаражата е празна. Паркираат само кога сите слободни површини околу се зафатени од автомобили. - Граѓаните сé уште бараат некое ќоше, тротоар или улица за да паркираат без пари. Не се навикнати да паркираат во катна гаража. Објектот ни е голем, безбеден, модернизиран, опремен со видеонадзор, гревота е да не се користи - изјави Јованка Ѓорѓиевска-Петрушевска, раководителка на катната гаража „Илинден“. Скопје ќе добие осум нови катни гаражи и околу 3.000 паркинг-места. Веќе е почната изградбата на катната гаража кај Судска палата, која ја гради општината Центар, и гаражата кај Цветен пазар, која ја гради градот. Наскоро ќе почне изградба на катна гаража на улицата Даме Груев и кај поранешна „Нова Македонија“. Преостанатите четири ги гради Јавното претпријатие за станбен и деловен простор, две ќе бидат лоцирани од левата и од десната страна на АД МЕПСО, една кај Музејот на холокаустот и последната кај „Работнички универзитет“. Целата инвестиција ќе чини околу 30 милиони евра. http://novamakedonija.com.mk/NewsDetal.asp?vest=3231191298&id=14&prilog=0&setIzdanie=22238

Mislam treba da gi namalat cenite, ili pa da napravat edna fiksna cena da receme 50 denara za cel den. A dobro bi bilo i da napravat nekoja clanarina kade sto bi mozele lugeto stalno da parkiraat tamo za nekoja fiksna suma da receme od 1000 denari mesecno, mnogu poveke ke im se isplati nego vaka prazno da im sedi.

Тоа е тоа што се гради со генерации. Во Скопје освен метежот како најголем проблем според мене е сообраќајната не(култура). Попрво ќе изгазиш човек или ќе блокираш улица ама нема да си платиш. Па уште ако почнат да ги казнуваат за паркирање по паркови тротоари ќе се бунат како тоа не смееле таму да го остават возилото. На ова треба сериозно да работи градот во соработка со полицијата. Скопје веќе не е див запад и како град кој што има цел да биде една урбана средина мора да се среди хаосот. За ова не зборувам само за централно градско подрачје туку сите поединечни и колекторски улици низ општините. Крајно време е да се преземат мерки и да се развие свест!

Се сложувам во целост со Фресно, прво катни гаражи па после воведување максимален ред. Дефинитивно треба да се воведе ред но мора да има место за паркирање. Ние практично во центарот на градот сеуште немаме вистинска катна гаража. Прво исполни ги сите услови за паркирање па после кој не почитува си има мерки кои ќе си се спроведат.

Па најлесно за да не се паркираат на тротоари е поставување на столпчиња по цела доложина на тротоарот. На многу од улиците доколку се направи така конечно ќе се добие шанса и простор за велосипедски патеки и можеби и таквиот транспорт ќе почне да се користи почесто.
Јас да се прашувам , би ставил столпчиња по скоро сите булевари и пофрекфентни улици во централното градско подрачје. Мислам дека треба се повеќе и повеќе да се обрнува внимание на велосипедските патеки бидејќи кога може во градови поголеми од Скопје луѓето да користат велосипеди за транспорт не гледам зошто не би можело таа навика да се направи и кај нас.

Edited by Tuvok - 25-Mar-2011 at 03:13

Не знам каков е ДУП-от на општина центар, ама пред зградата на ССМ тоа празниот простор е измислен за катна гаража. Денес поминав и забележав дека проади преполнетоста на паркингот пред ССМ и на оној големиот кај холиедј ин луѓе се паркираат по тротоари. Дефинитивно катна гаража е таму потребна, ем ќе се среди празниот простор ем нема коли да се паркираат по тротоар.

Подземни гаражи ќе го уништат Паркот на жената-борец

Подземните гаражи под Паркот на жената-борец, кои Општина Центар ги предвиде со последните измени на урбанистичкиот план Мал ринг, неповратно ќе го уништи ова зелено катче во градот, реагираат од Асоцијацијата на архитектите на Македонија (ААМ) и Хортикултурното здружение на Македонија. Не само затоа што во овој дел ќе биде навлечена поголема концентрација на возила туку и поради тоа што со копањето ќе бидат уништени старите дрвја. Потсетуваат дека постојните дрвја се стари над 40 години и се хранат со вода од подлабоките подземни слоеви.

- Подземната градба ќе ги оштети корењата и ќе го прекине нивниот допир со подземните води. Оваа мала зелена површина во централното градско подрачје има еколошко, здравствено, естетско и мемориско значење за скопјани и затоа треба да се чува, а не да се уништи - апелираат од Хортикултурното здружение.

Претседателот на ААМ, Даница Павловска, изјави дека наместо сообраќајот да се дислоцира од центарот, напротив, централното подрачје с` повеќе се задушува.

- Во центарот се предвидени шест катни гаражи, од кои некои веќе се градат. Не може да се градат и катни и подземни гаражи. Со овој план се прави принципиелна грешка. Сообраќајот треба да доаѓа до Мал ринг, а не под него или над него. Тој е концептот на сообраќајот во Градот, воспоставен уште за време на Кензо Танге -смета Павловска.

Со последните измени на Малиот ринг, освен подземни паркиралишта под Паркот на жената-борец, предвидена е и пешачка патека од црквата „Свети Димитрија“ кон Калето. Таа би се градела над сообраќајницата што сега води кон Стоковната куќа „Мост“.

За двете здруженија оваа интервенција е хаотична и не е во согласност со Законот за Старата скопска чаршија. Вели дека од она што е претставено во планот, тоа е пешачки мост што ќе оди во небо, затоа што така е поставен, да не се знае каде завршува.

Од ААМ остро се спротивставуваат на ваквото урбанистичко решение и поради фактот дека пешачката патека ќе го скрие Калето.

- Направена е реконструкција на тврдината, илуминација, со што добивме еден нов квалитет во визурите, нов лик на градот Скопје. Прашањето за патеката беше поставено при презентацијата на планот, но од планерите немаше одговор. А ние инсистираме за ваквата непознаница посебно да се елаборира - порача Павловска.

Од ААМ и од Хортикултурното здружение на Македонија своите забелешки ги приложиле во писмена форма, во текот на јавната анкета. Исто така, нивната реакција и барања се доставени и до Општина Центар. Не само околу подземните гаражи под паркот, пешачката патека туку и околу намерата на Општината да дозволи надградби на неколку згради на плоштад Македонија.

Од Центар не коментираа дали овие урбанистички решенија се во ред, дали е направена анализа како ќе влијаат на животната средина и урбаниот простор. Само изјавија дека подземното паркирање под паркот, а и патеката кај „Свети Димитрија“ не се предмет на актуелните измени и дополнувања на Мал ринг, туку дека како решенија датираат од измените што веќе се случиле во последните четири години.

Имајќи предвид дека сите овие измени, годиниве, следуваа најмногу на барање од државните власти, со цел задоволување на нивните урбанистички апетити за спроведување на владиниот проект „Скопје 2014“, од ААМ и тогаш и сега повторија дека се оградуваат од него. Лани усвоија и Декларација во која наведоа дека на Мал ринг во целост му недостига временски, географски, политички, економски, културен и социјален ефект. Го оквалификуваа како план кој е стручно неиздржан и не ја антиципира нашата иднина.

http://www.dnevnik.com.mk/?ItemID=5D1B4FEA9FDEDD4D926A8C0FA91E5CA6

Бетон склучи договор вреден 5.7 милиони евра

ДГ Бетон АД Скопје склучи Договор со Општина Центар во вкупна вредност од 352.466.000,00 денари (5.7 милиони евра) со вклучен ДДВ.

Предмет на овој Договор е изведба на Катна Гаража на бул. Гоце Делчев во комплекс на Судска Палата.

http://daily.mk/cluster3/c8acf1cfcc77cb68ec362c18fb68fae4/669953