Булевар Св. Климент Охридски

ВО РАМКИТЕ НА ГРАДСКИОТ ПРОЕКТ ЗА РЕКОНСТРУКЦИЈА НА УЛИЦИ ВО ЦЕНТРАЛНОТО ПОДРАЧЈЕ

„Климент Охридски“ ќе добие две нови ленти

Градоначалникот Трајановски најави почеток на проширувањето во јуни, а веќе е распишан тендер за избор на изведувач, но од одделението за односи со јавност рекоа дека немаат информации на кој потег ќе се работи

Проширувањето на булеварот Климент Охридски ќе почне во јуни, а веќе е распишан тендер за избор на изведувач за градежните работи, објавен на страницата за јавни набавки. Градоначалникот Коце Трајановски при најавата за голема реконструкција на улици и булевари низ Скопје го спомена и „Климент Охридски“, но не прецизираше на кој потег ќе се работи, а и за колку ленти ќе се прошири.

Урбанистичките планови „Дебар маало 2“ и „Буњаковец“ за овој реон предвидуваат уште една лента, од двете страни, со ширина од 3,5 метри и средишно зеленило од 5 метри. Новите ленти би се изградиле на сметка на дел од парковското зеленило. Како што објаснија од Општина Центар, при усвојување на плановите во 2004 година, не постои можност да се одзема од делот на тротоарите поради блискоста на објектите до улицата.

- Средишното зеленило, меѓу коловозите, сега изнесува 12 метри, а за оваа цел, планот дозволува да се скрати за половина - објаснија надлежните од Центар.

Од одделението за односи со јавност во Градот, пак, не може да потврдат што точно ќе се случува во јуни, односно на кој потег ќе почне проширувањето, имајќи предвид дека булеварот се протега од Влада, па с` до крстосницата на Водњанска со улицата Васил Ѓоргов. Рекоа дека во моментот не располагаат со детаљни информации за овој проект, односно дека раководните лица не се достапни да кажат нешто повеќе.

Сепак, најавата за поширок булевар за уште една лента од двете страни не е нова, напротив ја промовираше и минатиот градоначалник Трифун Костовски. Тогаш тој нарача и проект во ГП „Маврово“, но не го оствари замисленото, како за Климент Охридски, така и за Илинденска. Организираше потпишување петиција, а потоа се откажа поради поделеност на мислењата кај граѓаните за тоа дали идејата е добра или не.

Проширувањето на булеварот е предвидено со Генералниот урбанистички план на Скопје поради релаксирање на сообраќајот во централното градско подрачје. Администрацијата на Костовски сметаше дека е важно сообраќајот да се движи на овој потег, да не стои, затоа што стоењето на автомобилите на раскрсниците е голем причинител на загадувањето на воздухот. Финансиската процена за изградбата на двете нови ленти, како што беше кажано пред пет години, ќе чини околу 300.000 евра.

Од Градот изјавија дека наредните денови ќе излезат со точни податоци околу цената за овој булевар.

http://www.dnevnik.com.mk/?ItemID=5A691A5BD4196C49B51B96A32D87AE26

Originally posted by StreetStruck Добро е, уште една потврда, али не се нормални ако не ги прошират и тротоарите барем за едно метро. И стварно не ми е јасно зошто ги ставија тие зелените стубчиња од страна кога ќе се проширува. Некој си лапна добра пара гарант.

Тротоарите нема потреба да се прошируваат. Со урбанистичкиот план, сите нови градби ќе имаат вовлечен тротоар од 4-5 метри на првото ниво, (како кај новиот објект кај Аркадија) со што ќе се отвори доста простран тротоар на булеварот.

Originally posted by pbanks А постоечките градби од кои барем 4-5 буквално излегуваат на улица?

Постоечките градби во најголем дел ќе се рушат, бидејќи маркиците на тие плацеви се многу поголеми од постоечките маркици, и сигурен сум дека ќе има заинтересирани инвеститори.

Originally posted by krale Постоечките градби во најголем дел ќе се рушат, бидејќи маркиците на тие плацеви се многу поголеми од постоечките маркици, и сигурен сум дека ќе има заинтересирани инвеститори.

Од кај знаеш ти дека ќе се рушат, што ако се на приватни лица зградите (гарант се). Значи не знам дали беше во оваа нишка истово со тебе го зборевме и јас ти ги набројав точно зградите што искачаат на улица, баш толку се 4-5. И ти пак нешто си имаш зацртано во глава. За тебе полесно е да се срушат зградите да се направат нови на тоа место со вовлечени тротоари, отколку да се искористи средишното зеленило за да се прошират сегашните тротоари на негова сметка. Па после ако се градат нови згради пак може да си имаат вовлечени тротоари, уште подобро.

Жити се. Што е за новата 6 катница (стара не повеќе од 10 години) веднаш до Кинг Бургер. Само во тој ред има 4-5 објекти од 4+ катови за кои нема економска логика некој да ги чепка во догледна иднина.

Originally posted by pbanks Жити се. Што е за новата 6 катница (стара не повеќе од 10 години) веднаш до Кинг Бургер. Само во тој ред има 4-5 објекти од 4+ катови за кои нема економска логика некој да ги чепка во догледна иднина.

6катницата кај Кинг е вовлечена, не е на сам булевар.

Повеќето објекти се од ваков тип.

И тоа мислам дека е вовлечено 2-3 метри. Таму има само едно помало зградиче, збутано меѓу двете, што излегува до сам булевар, ама тоа мислам дека би можело да се руши, пошто е ниско.

Еве гоогле мапс линк.http://maps.google.com/?ie=UTF8&ll=41.997331,21.425486&spn=0.000716,0.00184&t=k&z=19

Колата што ја гледаш е на десната лента, и точно десно од неа се гледаат бледо контурите на тоа збутаното зградиче. Доле од тоа збутаното е таа транзициската зграда, и се гледа дека таа е вовлечена неколку метри, иако фино ќе беше да е и повеќе, сепак е доволно широк просторот, во споредба со ако се земе дека кај тоа збутаното зградиче има 1 метро.

Edited by krale - 04-May-2011 at 00:28

Ако од едната страна се изгради покриениот тротоар од 4-5 метри ширина, од другата ќе биде сосема доволно тоа што ќе остане како пред АМЦ, што е некои си 3-4 метри.

Зградичето што е збутано МОРА да се руши, бидејќи прави тесно грло од само 1 метро на тој дел на тротоарот.

Originally posted by Djole88 Абе кој будала ќе ти руши куќи и такви слични комбинации. Јасно е дека ќе се скрати средишното зеленило(ако може така да се нарече, јас повеќе би го нарекол калливо)

Преска поминав на Климент Охридски и убаво ја анализирав состојбата.

Од страната кај поранешна Аркадија, не постои ниеден објект кој е од некоја величина која би била проблем за инвеститор да го сруши и изгради нова зграда со ГОЛЕМ профит. Очекувам тоа да се случи во следните неколку години. Затворениот тротоар од таа страна ќе биде поголем од оној што е сега на средишното зеленило. Се работи за објекти со 1-2 спрата кои се повеќето од монтажен тип.


Од страната на Кинг Бургер, новите згради не се воопшто проблем. Кај Кинг Бургер таа е вовлечена околу 4 метри. До неа има една постара зграда што е проблем, ама среќа е само 2 спрата и нема да е проблем инвеститор да изгради 6 спрата и да му се исплати инвестицијата.

Подолу, зградата на АМЦ е вовлечена околу 4-5 метри, но таа до неа е проблем. Има 5 спрата и е околу 1,5 метро од булеварот.

Значи од двете страни, само таа стара зграда е реално проблем за да се има широки тротоари од 4-5 метри од двете страни.

Јас сум против тротоарите да се прават на сметка на зеленилото.

Originally posted by pbanks Само таа зграда е сосема доволна за да се изјалови работата но најголеми кривци се Аркадија и Корнер, т.е. новите градежни линии кои се повлекоа со тие маркици. За тој проблем е зборувано на форумот уште од 2007 и јасно беше како бел ден дека кога тогаш ќе ни се мафне од глава. Во најдобар слуучај и во овој простор што го имаме да сместиме се, ќе изгубиме можност да имаме еден раскошен булевар во центарот на градот (со широко централно зеленило кое вклучува и дрворед) и наместо тоа ќе добиеме еден класичен 2х3 булевар кој функционално ќе си ја заврши работата но естетски и еколошки штетата ќе биде голема.

Таа зграда е од страната на Кинг.

Од страната на Акрадија и Корнер, сите објекти се ниски (максимум 2 спрата) и можат брзо да добијат инвеститори со кои ќе се добие проширен покриен тротоар.

Од другата страна, таа зграда што се наоѓа меѓу АМЦ и Матица, ќе остане проблем, ама и во другиот дел и таа страна ќе има широк тротоар од 3-4 метри.