Катна гаража - Прилеп

Прилеп ќе добие катна гаража

Гаражата што во центарот на градот ќе има капацитет од 324 паркинг-мест

ПРИЛЕП - Во центарот на Прилеп, во близина на автобуската станица, е поставен камен-темелник за изградба на нова, современа повеќекатна гаража, со капацитет од 324 паркинг-места. Новиот објект ќе зафати површина од 10.000 квадратни метри, а на 1.800 квадратни метри ќе има деловни простории. Струмичката фирма „ДМ оил“, која го доби тендерот во проектот катна гаража, ќе инвестира околу три милиона евра, а прилепското претпријатие „Теракота“ ќе биде изведувач на градежните работи.

„На Биеналето на Здружението на архитекти на Македонија, проектот беше прогласен за најдобар“, вели Миле Јанакиески, министер за транспорт и врски. За катната гаража и за неколку други инвестиции, за „сончевиот“ град во Сопиште, земјиштето каде што се наоѓа млекарницата „Сведмилк“, болницата во Ѓорче Петров и за индустрискиот капацитет во Општина Илинден, владиниот Комитет за градежна експанзија и развој повел постапки за решавање на имотноправните односи. Министерот Јанакиески најави дека прилепската касарна за кусо време ќе се урбанизира и ќе прерасне во индустриска зона. За таа цел се воделе преговори со Стопанската комора на Македонија.

Градоначалникот на Прилеп Марјан Ристески информираше дека овој месец ќе биде објавен и тендер за изградба на нова автобуска станица, која од сегашната локација ќе се пресели кај железничката станица. (М.Т.)

http://www.utrinski.com.mk/?ItemID=183ADC178B4BF349903D0900012BE6E8