Нова карта на јавниот превоз во Скопје

Надоврзување на оваа дискусија:
http://www.build.mk/forum/forum_posts.asp?TID=14&PID=121754#121754

Колку што се сеќавам, постои еден дијаграм на градските линии кој можеби сеуште стои на некоја постојка. Би било убаво ако некој може да го слика или самото ЈСП да зачува барем еден примерок за некоја идна музејска поставка за јавниот превоз во Скопје.. Сепак, дијаграмите се неприкладни за прикажување на автобуски линии, најмногу затоа што истите мора точно да ја прикажат трасата, особено надвор од главните коридори и низ самите населби. Шинскиот превоз во принцип е полесен да се пронајде и да се следи до првата постојка.

Затоа, прво нешто што самиот Град Скопје мора да го направи е унифицирана картографија за цело урбано подрачје, па и пошироко. Картата што сега стои на официјалниот портал не само што има мал опфат, туку истата е чисто туристичка и содржи многу нелогични означувања (јавните објекти имаат иста боја со индустриските и секогаш се опкружани со паркови, а да не зборуваме за слоновите и жирафите). Воедно, тоа би овозможило на секоја постојка да има и карта на околината, дополнета со додатни податоци (и никако со реклами).

Кога еднаш ќе постои таква подлога, врз неа би се прикажувале разни информации во различни карти (па и туристички, општински итн.), вклучително и автобуските и други линии. Ова, како и можноста да се редефинираат линиите донекаде е изговор за ЈСП, но со оглед на тоа колку малку треба за сево ова да се изработи, апсолутно е неоправдано, како од Градот, така и од самиот превозник..

Edited by Cloverstack - 01-Feb-2012 at 12:48

Да! Буди спомени од детството (освен англискиов)

Од една страна знаеш дека картата е застарена, а од друга страна даваш мислење за она што е претставено на неа како да е тековна.
Се разбира дека денес трасите се подизменети. ЈСП има близу 80 линии, што и не е лошо за град како Скопје, иако секако им требаат преработки, додавки и многу подобрувања. Линеарноста се должи на фактот што Скопје е долгнавест град поради котлината.


Edited by Граѓанин - 28-Jan-2012 at 11:01

Картата е за никаде и изгледа некако бизарно. Добро е што изработиле нова, па добро ќе ни дојде кога ќе ја има истакнато на сите станици, што треба да биде скоро. На линиите им требаат разно-разни подобрувања, тука нема дилема.

Секако дека е чудно што сите други градови од регионот горе-долу навреме тоа го средија, а кај нас допрва (заедно со скорешното менување на самите автобуси). Ама тој феномен е друга тема.

Инаку линиите ги изброив како единки, не гледајќи до каде одат цифрено  (да, едно време дури имаше и линија 107). Сега пребројав уште еднаш (од нивната страница).

Вкупно има 76 линии:

Градски:    
2 • 2А • 3 • 3А • 3Б • 4 • 4А • 5 • 7 • 7Б • 8 • 9 • 12 • 13 • 15 • 15А • 16 • 17А • 19 • 21 • 21А • 22 • 22А • 24 • 25 • 26 • 35 • 41 • 50 • 57 • 57А • 59 • 59А • 59Б • 65В

Приградски:    
10 • 11 • 18 • 18А • 31 • 32 • 47 • 47А • 51 • 51А • 52 • 53 • 54 • 55 • 55А • 56 • 56А • 58 • 58А • 58В • 60 • 61 • 62 • 63 • 63А • 63Б • 64А • 65 • 65А • 65Б • 66 • 66Б • 67 • 68 • 69 • 70 • 71 • 74 • 80А • 81

+ линијата што води до жичарницата


Edited by Граѓанин - 28-Jan-2012 at 11:23

Originally posted by Граѓанин Добро е што изработиле нова, па добро ќе ни дојде кога ќе ја има истакнато на сите станици, што треба да биде скоро.

Јас сум пропуштил нешто или имаш некакви сознанија?

Originally posted by zabegan мапите кои ќе ги направи општината, некое министерство, или ЈСП, треба да бидат наменети стриктно за ЈСП

Не би се сложил, трасите на автобуските линии ги дефинира Градот, сосем друго прашање е кој ги одржува моментално.


Инаку, дијаграмот е апсолутно застарен и непрактичен. Сепак, од него може да се тргне со неколку препораки за новиот дизајн (доколку не е во конечна фаза):

1. давање графички приоритет (дебелина на линија, примарни бои) на линиите според нивната фреквенција и важност - во моментов во прв ред се 2,3,5,7,19,22,23,57 (нека ме поправи некој ако грешам), па така во уште две групи;

2. користење на иста боја и линија за означување на трасите кои се делат (како 3 и 3А) при што би имале различни броеви на терминалите;

3. прикажување на ноќните линии во одвоена, помала карта, исто како и приградските кои би се прикажале во поголем размер (а на главната карта евентуално би ги имале само нивните терминали);

4. подобро прикажување на постојките во централното градско подрачје (кои се можеби и најважни), што можеби е и најголема слабост на постојниов дијаграм;

5. наместо дијаграм, можеби би било подобро да се вцртаат трасите врз карта, која би содржела и други информации - причините и начинот на изработка ги објаснив погоре во истава нишка.

Се надевам дека ќе најдам време да се обидам и да изработам една направи-сам карта ..

Edited by mladen_s - 29-Jan-2012 at 01:35

Тој планерот за патување на сајтот на ЈСП веќе цела вечност е „во изработка“, а тие анимираните прикази на линиите (постојат само за некои 5-6 линии) се скоро бескорисни, нема ни паузирање, ниту пак некакви дополнителни опции.

Солунското ЈСП има многу корисен сајт со многу многу алатки, како што верувам имаат и претпријатијата во сите поголеми градови во светот. Една доста интересна опција за пребарување на линии е и пребарување по општина, што е апликативно и во случајот со Скопје, и може и да се најде некогаш. Еве скриншот од неколку од алатките што би можеле и ние како форум заедница да ги изработиме за Скопје. Се надевам не спамирам

Си избираме линија и правец (и ден, иако не игра улога кај оваа алатка).


Добиваме резултати на мапата (која може да се зумира, да се гледа во 3d со објекти од Warehouse, нормалните функции на Google Maps де):


Со клик на некоја од постојките добиваме ваков callout:

____________________________________________________________
И во краен случај, ако не сакате Google Maps, може да биде прикажана линијата и во ваков формат:


Исто така забележав дека во тие анимираните прикази на линиите на сајтот на ЈСП Скопје сите постојки си имаат име. Ако знае некој дали има индекс со сите постојки и нивните имиња (во електронска форма не ни доаѓа во предвид, некоја печатена форма), би било супер.

Originally posted by mladen_s Јас сум пропуштил нешто или имаш некакви сознанија?

Па не можам да кажам изрично, но се сеќавам дека така ги опишуваа новите постојки, со карта и возен ред на секоја. Иако сум свесен за сите нивни мани, сепак би бил крајно исчуден доколку на новите постојки ги нема овие две работи.




Edited by Граѓанин - 29-Jan-2012 at 08:47

Одлично, темата која ја потегнав пред недела дена и сите се сложивме дека е проблем излезе во јавноста. Можеби сепак може да влијаеме некако не само на ЈСП туку и други инситуции кои затајуваат. Се со една цел, подобри услови за граѓаните

Одлично. Покрај официјалната веб страна на ЈСП, овие линкови би можеле да бидат од корист:

1. Андроид апликација - планер.
a) http://www.androidsoftware.us/Applications/Avtobusko-xs.html
b) .ipa file

2. Постари мапи
http://www.build.mk/forum/forum_posts.asp?TID=460&PID=92197#92197

3. Возен ред (градски/приградски линии, работни/неработни денови + пример за линија бр. 2)
http://www.proaktiva.org.mk/integralen/kampawa2.htm

Според мене најважните и најоптоварени линии се оние кои го прекосуваат целиот град и сврзуваат големи населби. Сметам дека следниве линии треба да имаат подебело обележување: 2, 5, 15, 19, 22, 23, 41, 45, 50, 57 и 65! 12, 24 и 9 се апсолутно следните кои се најптоварени. Кога ќе ги собереш пак доаѓаат премногу-15 на број, што ќе ја уништи картата. Затоа мислам да се изберат главните линии и рути, најважната за секој дел од градот без да се дублираат: 2, 5, 22, 23, 41, 50, 57!

Ти завидувам што поседуваш вакви добри способности за изработка на мапи, да ги имав јас цели денови ќе си црткав
Ти предлагам изработка на 3 различни видови мапи (се разбира постапно и доколку имаш желба, јас би помагал со тоа што можам):

1) Мапа на еднобоен светол фон, само дијаграм со линиите и станиците. Означени да бидат болниците (со знак црвен крст, иако болниците се означуваат со Н, сепак мислам дека црвениот крст буди подобри асоциасии), потоа сите железнички станици, автобуската станица, билетарите на ЈСП...
2) Мапа во која линиите ќе бидат вцртани врз симплифицирана улична мрежа. Исто така би можело да бидат означени горе-споменатите објекти, како и други: Знак кинга за образовни институции, знак со некоја доминантна зграда за административни објекти, знак со спорт/стадион за спортски објекти, обележи ги пазарите и др...
3) Мапа со туристичките знаменитости и интересни точки во градот, терминалите на железничкиот и автобуски превоз, означи евентуална врска со Аеродромот како и приградските знаменитости. Наменета би била пред се за туристичко снаоѓање во Скопје.

Што мислите кои други објекти би требало да се означат на катрата/картите?


Edited by Andrej_LJ - 01-Feb-2012 at 12:22