Кисела Вода и Сопиште

Си требал да го сликаш рендерот, 2 метра подоле е... Не е ништо посебно но би требало да се документира тоа

 

Edited by KraFT - 15-Aug-2011 at 14:42

Еве и некои политички активности што укажуваат за сериозноста на проектот. Претпоставувам дека се однесува за овој проект...

КраФТ 

_______________________________________________________________________

ДОМ реагира на урбаната окупација на Сопиште

	Коментари (0)

27.06.2010 16:33

Тони Ристов

ДОМ реагира на обидот на неколку градежни фирми да направат урбана окупација на општина Сопиште со згради од пет ката.

За таа цел тие од локалната самоуправа бараат да го смени деталниот урбанистички план кој сега предвидува индивидуални станбени објекти.

„Апелираме до локалната самоуправа да го зачува Сопиште како зелена општина и да се придржи на декларацијата за зелени општини, која ДОМ ја предложи веднаш по локалните избори во 2009-та година. ДОМ ги охрабрува градоначалникот и советниците да не потклекнат под притисокот на урбаната машинерија и да не дозволат оваа убава рурална општина да се претвори во квази град.

- Изградбата на високи згради во Сопиште би бил само првиот чекор, по него би дошла изградбата на пат преку Водно, проследено со сечење на широк појас од шумата, на крајот би имале целосно дивеење на Водно и во Сопиште, а градот Скопје би продолжил да се шири неконтролирано во интерес на десетина луѓе од урбаниот бизнис, а на штета на Скопјани, Скопје и Македонија“, рече Тони Ристов, ДОМ.

Edited by KraFT - 01-Jul-2010 at 08:43

Викендов скокнав до Сопиште ме заинтересираа двата  проекта.

Edited by KraFT - 05-Jul-2010 at 09:22

два проекти се

Излегоа нови информации околу овој проект во Нова Македонија.




Елитната населба Сончев град сé уште не е реализирана, но ниту општината ниту Владата не се откажуваат од неа. Големите потенцијали на локалната самоуправа за изградба на елитни и приватни населби ги докажува изградбата на новата населба Дајмонд парк во месноста Осојница

Во тек е изградба на два од вкупно шест објекти кои ќе бидат дел од Дајмонд парк
Неколку пати најавуваната изградба на елитната населба Сончев град остана нереализирана, но локалната самоуправа и државните институции и понатаму сметаат дека овој дел од Скопје може да стане идното елитно место за живеење. Општината работи на изработка на нов урбанистички план за сончевиот град, кој го следеа многубројни проблеми, и очекуваат есенва по изгласувањето, Министерството повторно да ја продава парцелата предвидена за него.

Но, покрај овој проект, во Сопиште веќе се реализира друга луксузна населба, која на граѓаните може да им ги понуди истите бенефиции. Свеж и чист воздух, далеку од градската бучава, интима и приватност. Во месноста наречена Осојница, на територијата на Сопиште, во тек е изградбата на новата уникатна приватна населба, сместена во еколошки чиста средина.

- Сите што сакаат да избегаат од градскиот метеж и притоа да дишат чист воздух, за многу достапни цени наскоро ќе може да го направат тоа во Дајмонд парк. Ова е инвестиција на италијанската фирма „Џили груп“ и во изградбата на објектите ќе користиме само италијански производи - ни откри изведувачот Филип Скуманов, сопственик на ФЗК “Инвест“.

Урбанистичкиот план предвидува станбен простор од 50 илјади квадратни метри, а освен приватниот комплекс „Дајмонд парк“, во близината се градат две згради од страна на фирмата „Мартинили“. Со планот се предвидени индивидуални и колективни станбени објекти, детска градинка, потоа трговски центар, во чиј состав се планира маркет, и други компоненти за нормален живот, мини-парк, тениско игралиште и друго.

Предноста на локацијата, освен во чистиот воздух и во убавиот поглед, лежи и во обезбедената водоводна и фекална канализација, која треба да се продолжи од постојната до местоположбата каде што се гради, а на која ФЗК “Инвест&рдљуо; веќе работи.

- Комплексот, кој ќе биде од затворен тип, со свое обезбедување, се прави по стандардите на Европската Унија. Се користат исклучиво висококвалитетен материјал, термичка изолација со која греењето и ладењето ќе бидат значително поевтини, но обезбеден е и посебен систем за затоплување, кој секое домаќинство ќе може само да го регулира - додава Скуманов, според кого првата готова зграда од нивниот комплекс ќе ја види светлоста на денот пред крајот на 2012 година.

Градителите додаваат дека комплексот се прави и по сите сеизмички стандарди, бидејќи Скопје важи за трусно подрачје и мора да се пази на сите детали.
Општинарите од Сопиште, пак, се категорични дека нема да се откажат од сонцето поради дијамантите, а најавуваат дека во своите планови ќе предвидат изградба и на други луксузни населби.

- Сончев град сигурно ќе се изгради. Веќе работиме на сите проблеми што го следеа. Освен новиот урбанистички план, во тек е и изградбата на водоводната мрежа, која треба да обезбеди вода за поголемиот дел од населбите во Сопиште, а со тоа и за Сончев град. Но ова не е единствената елитна населба што се гради кај нас. Тука е и Осојница, а наскоро ќе изгласаме нов план за друга елитна населба, од која поголемиот дел лежи на државно земјиште, а само мал дел е на приватни парцели - вели градоначалникот на општината Сопиште, Јован Ѓорѓијоски.

Во минатото беше проблематичено од каде ќе се обезбеди чиста вода за пиење за Сончев град, бидејќи голем дел од општината Сопиште не добива вода од изворот Рашче, а жителите на Патишка Река не дозволуваа да биде направен водоводот од нивното село. Но тој проблем по долги превирања е надминат и веќе се прави главната водоводна мрежа во должина од 5 километри. Таа треба да се реализира во 3 фази, а моментално општината се подготвува за реализација на втората. Според плановите, главниот цевковод ќе биде готов идната година, а веќе се изработуваат проекти и за секундарните приклучоци.
     
Автор: Петранка Талеска
Извор: Нова Македонија

За некаде во Кисела Вода...

Баш би сакал да се реализира... Скришно имам желба да беше за некаде во Аеродром xD

Edited by FoSsiL - 26-Sep-2012 at 12:34

Луѓе има една зграда во Кисела Вода во изградба... вчера ја видов... висока бре... сигурно на 10 ката... во форма на буквата D...

Во Кисела Вода (нас. Расадник) се градат 4-5 згради.
2 или 3 (не сум сигурен) веќе имаат целосна карабина и се поставени прозорите ,незнам што се работи.
1 позади базенот има веќе неколку спрата дигнато и сеуште активно се работи (денес бетонираа ако не се лажам)
1 се наоѓа позади градинката Сонце баш кај Мечкаров (мислам дека така се викаше) и таа е стигната до 3та плоча над земја.
Ако сум во можност ќе сликам и ќе прикажам сликовито, доколку некој друг има таква можност и го направи тоа би било супер.

Урбана мафија, испрани пари и ред други работи. Срам