Електрични возила

Ова не е толку нова област, но не сум забележал дека е разработена на форумов. Ќе ви ја кажам состојбата во Канада. Моментално на пазарот се нудат овие возила:
1. Nissan Leaf http://www.nissan.ca/LEAF/
2. Chevrolet Volt http://www.chevrolet.com/volt-electric-car/
3. Ford Focus Electric http://www.ford.com/electric/focuselectric/2012/
4. Mitsubishi iMiEV http://www.mitsubishi-motors.ca/en/i-miev/

Предностите ви се добро познати: занемарлива потрошувачка, нула издувни гасови, бешумност во работата и др.

Трошокот за полнење на батериите на овие возила е еквивалентно на 2-3л/100км потрошувачка на бензин. Автономијата е 100-150км меѓу две полнења. Едно полнење трае од 7 часа на обичен електричен приклучок до половина час на специјализиран ДЦ приклучок.

Стратегијата во провинцијата кај што живеам, Онтарио, Канада, е 5% од автомобилите да бидат електрични до 2020 година. На тоа се работи преку субвенции за првите 10.000 купувачи до C$8500 за цената да стане што е можно подостапна за обичните купувачи. Исто така се гради инфраструктура за полнење во близина на поголемите автопати, со цел да се зголеми автономијата и овие возила да се користат и надвор од градот.

Што мислите која е иднината на електричните возила? Дали може еден ден да доминираат на патиштата?

Edited by Falcon - 18-Jun-2012 at 04:58

 
Електричните возила ќе доминираат на патиштата оној момент кога нивните батерии ќе бидат што е можно полесни, што е можно побезопасни од гледна точка на можност за експлозија и од гледна точка на можност за труење со било какви метали, и кога ќе почнат сами да се полнат преку соларна енергија или било каков друг бесплатен и обновлив извор на соларна енергија.
 
А кога сме кај теориите на заговор, pbanks, повеќе држи водата дека алкохолните горива се жртва на светското нафтено лоби отколку електричните возила.
 
Додека во САД, 44-от и актуелен претседател Барак Обама, го промовира Шевролет Волтот, неговиот претходник, 43-от претседател Џорџ Буш даваше субвенции за производство на хидрогенско гориво, во Јужна Америка, нафтата во главно се извезува, не поради моќта на светското нафтено лоби, туку бидејќи на латиноамериканците воопшто не им се потребни фосилните горива, тие користат алкохолни горива добиени врз база на етил алкохол и други алкохолни екстракти, од наједноставна причина бидејќи Јужна Америка е богата со шеќерна трска од која се добиваат алкохолни екстракти, поради што ем поевтино, ем поеколошки и поздраво, ем поквалитетно им е на латиноамериканците да користат алкохолни горива отколку фосилни горива.
 
А производството на алкохолни горива и не е баш некоја филозофија, можеме и кај нас во Македонија да ги произведуваме, моторите на некои автомобили како старото Сузуки Марути, доаѓаат однапред подготвени за да работат и на нафтен погон и на алкохолен погон, но ОКТА не се занимава со производство на чисти фосилни горива, а уште помалку би се заинтересирала за производство на еколошки алкохолни горива, поради што со години се врши еколошки геноцид во Миладиновци, Бујковци и останатите околни села на ОКТА, која пред се, ги негува своите интереси за профит, а еколошките горива како алкохолните, се во целост спротивни на интересите на ОКТА за профит.
 
Така е кај нас во Македонија, а во САД очигледно нема ама баш никаков интерес за преминување од фосилни горива кон алкохолни горива и во вакви околности, повеќе држи вода теоријата дека светското нафтено лоби се бори против еколошките алкохолни горива отколку против електричните и хибридните автомобили.


Edited by Dexter26 - 18-Jun-2012 at 10:26

добрите познавачи на нафтените состојби во светот тврдат дека не само 21век туку и најмалку 22 век ќе биде век на нафта и деровати на нафта.муабетите за исцрпување на нафтата за 20-30 години немаат смисла,ако се знае дека секојдневно се наоѓаат наоѓалишта со големи количини на нафта,на пример кај Бразил се пронајдени наоѓалишта слични на тие од Саудиска Арабаија.треба само време и пари да се експлоатираат.

иначе хит во светот а и кај нас(во народот) се таканаречените `водородни` ќелии каде се става дестилирана вода во сад,и во нејзе се ставаат електроди кои преку реле земаат струја од алтернаторот и преку процес на електролиза се добива смеса од идеална комбинација водорот-кислород,која преку обично црево се носи во усисна грана каде се троши заедно со бензинот.

поентата е дел од бензинот да се замени со водоророт,па така заштедата може да биде 40% па се до америчките модели до 80-90% каде се додаваат 2 или 3 алтернатори за добивање на дополнителна струја.

во светот официјално овој принцип никој не го официјализира,нормално штитејќи го нафтеното лоби ,и бранејќи го полнењето на буџетот од таксите од горивата.

во Кичево веќе се возат неколку вакви возила кои лично го знам,и луѓето се задоволни.

опасноста од пожар или експлозија се сведени на минимум,бидејќи во секој момент количината на смеса што се произведува,клиповите ја усисуваат во моторот.во ќелијата неможе да остане вишок на смеса

http://www.youtube.com/watch?v=Q0--U4sWdnc&feature=related

Јас сум особено заинтересиран зошто во Македонија сеуште никому не му текнува дека треба да се вложи барем малку во создавање на потребната инфраструктура за електричните возила, како и пробно да се набават вакви возила, барем од страна на Машинскиот факултет или некои слични научни институции кои ќе ја покренат свеста кај граѓаните.

И јас мислам дека во услови кога јавниот превоз (и голем дел од железничкиот) не е електрифициран, далеку сме од приватни возила на струја. Сепак би било супер кога следната нарачка за ЈСП Скопје (и доколку се формира некое друго ЈСП во друг град во Македонија), да се избере хибрид, колку сака бил поскап (докажавме дека парите не се проблем). Сепак, морам да признам дека Nissan Leaf ми е фасцинантен.

Уште пред 4-5 години читав дека се на прагот да измислат Јапонците батерии кои со едно полнење ќе траат 6 месеци до 1 години, Во моментов сигурен сум дека постојат нови технологии кои можеби и ги надминуваат овие стандарди. НО како што убаво си кажа Пбанкс интересот на нафтените компании ги маргинализира новите технологии со цел контрола на стандардот на живеење и напредокот на човештвото за свои интереси и профит. Значи постојат технологии и решенија фантастични само се чуваат во фиока нажалост.

Originally posted by nenad Ова е веќе теорија на завера, и гледање многу Холивудски филмови. Не може таква тајна да се сокрие. А за нафтните компании, тие веќе почнаа со дизерфикација на своите активности. Само еден пример БП е во врвот на истражувањата поврзани со користењето на хидроген станиците....

Точно е дека е теорија на завера но...

Не се работи за тоа дека се крие некаква тајна. Според мое мислење, нафтената индустрија е доволно моќна да го стимулира одржувањето на својата незаменлива позиција во светската економија која и гарантира уште долгогодишни сигурни (и огромни) приходи.

Од друга страна, како што и сам кажа, за да електричните возила преминат во „mainstream“ потребна најпрвин изградба на огромна инфраструктура за нивна подршка, потребно е масовно производство (и масовна прифатеност од потрошувачите) за да цената стане разумна. Потребно е и цената и удобството на експлоатација да станат разумни.

Сето тоа е ОГРОМЕН зафат за цела таа индустрија, и според мене е разумно во ситуација кога тој бизнис е прилично затворен (не се работи за тип на индустрија каде некој Калифорниски стартап може со пар милиони почетен капитал да го „промени светот“, туку точно се знае кои се играчите) некој свесно да ја избегнува цела таа турбуленција.

Приказни како истражувањата на БП во врска со користење на хидроген станиците, ако се земат во предвид нивните буџети најчесто се сведува на добар ПР.

Слично како што слушаме дека се нема пари за вселенски истражувања и човечка мисија на Марс се подбутнува понатаму секоја деценија во ситуација кога само војната во Ирак чинеше колку 5 мисии на марс уште во 2010.

Значи не се трудам да протурам некоја теорија на заговор ниту пак ова што го говорам се цитати од некои „заговарачи“, туку  е некој барем за мене  логичен осврт на оваа тема. Бидејќи ако се земе во предвид технолошкиот подем во последните 50на години кој е незапирлив и живееме опкружени со електронски направи кои пред само 20на години ги гледавме во научно фантастични филмови навистина ми е чудно еден концепт како електрична кола (кој изгледа толку базично во споредба со сето она што е измислено и пласирано на пазарот) да каска.

____

Вон теоријата на заговор, се постави едно интересно прашање поназад во нишкава. Од каде би се произведувала енергијата потребна за напојување доколку ете сите би се конвертирале на електрични возила? Светот е постојано во дилема околу нуклеарната технологија, еве инцидентот во Фукушима повторно предизвика еден бран против.


Edited by pbanks - 26-Jun-2012 at 14:08

Секој има свое гледиште на работите во светот, така да нема сврха да се убедуваме овде. МОјата поента е дека се уште не е време за масовна употреба на автомобили на ел. погон. Нафтените компании имаат огромно влијание, но не можат на пример да ја наметнат својата волја на една Германија која сака да стане енергетски независна! Или на Јапонија!
Едноставно, се уште не е време за ел автомобили. Додека не се потроши целата нафта на земјата, со еден важен предуслов да е ДОВОЛНО ЕФТИНА, таа ќе се користи до крај

Електричните автомобили веќе се исфрлаат од сликата на иднината, барем според неколку експерти. Сега се преориентираме кон возила со погон на водород - а најдобар пример е Honda FCX Clarity. И BMW разработува hydrogen fuel cell мотори. А со возилата на струја, загадувањето ќе продолжи да постои како огромен проблем, бидејќи најчесто струјата доаѓа централи кои работат на јаглен или гас. А ова, ова дава наместо CO2, H2O!







Top Gear вика: The most important car since the car was invented!

Edited by гитардемон - 26-Jun-2012 at 21:46

Многу ми е преамбициозна замислава на советниците

_______________________

Туристите со електромобили ќе шетаат низ „Скопје 2014“

Нова идеја во рамки на проектот „Скопје 2014“, која беше презентирана вчера во Советот на Град Скопје, а гласи дека ќе се купат десет електромобили.

Граѓаните, но и туристите ќе се возат во познатите „колички“ и ќе можат да ги разгледуваат спомениците и новите градби во центарот на главниот град.

http://www.plusinfo.mk/vest/98343/Turistite-so-elektromobili-kje-shetaat-niz-Skopje-2014