Зграда за јавна администрација и ФДУ

 
Е зошто воопшто го постави прашањето ?
 
Секако дека му се допаѓа пред се, на нарачателот, оној несудениот архитект со говорна маана кој ги подготвува ваквите градежни глупости на Илинденска бр. 2, како и на сите партиски подлизурковци кои како клонови му се клањаат на неговиот личен анти-вкус.
 
Причекај уште неколку минути, сега ќе се појават од никаде, пардон - од штаб, со нивните пвеводбенички реплики на твоето прашање и на мојата реплика на твоето прашање.


Edited by Dexter26 - 14-Dec-2015 at 01:17

Аргументите во прилог:

1. Претходно поарно беше?
2. Туристи. Немилосрдни.

ИДНИТЕ АКТЕРИ ЌЕ УЧАТ ВО БАРОК ОД СЕПТЕМВРИ



Зградата на Факултетот за драмски уметности веќе ја доби барокната фасада, останува уште да се уреди и опреми внатре

Деспина Траjковска-Димова

По речиси една година застој, продолжува изградбата на барокната седумкатница наменета за Факултетот за драмски уметности (ФДУ) и неколкуте државни агенции, која се гради во близина на црквата „Пресвета Богородица“.

Од владината Служба за општи и заеднички работи велат дека до Нова година треба да ги направат последните пресметки за да знаат отприлика уште колку пари се потребни за завршување на објектот. Васе Доневски, директор на Службата, вели дека во меѓувреме ќе се одржи и еден вид координација со управата на ФДУ, за да се утврди конечната листа на потребните содржини за опремување на кабинетите и слично.

„Наскоро ќе одржиме средба со надлежните од Факултетот, бидејќи е потребно да дефинираме што и колку ќе треба за опремување на кабинетите и слично. Ќе се вршат последните пресметки за завршување на објектот во секоја смисла. Инаку, останува да се изведе комплетното внатрешно опремување и уредување, да се набави мебел, опрема, изведба на системот за ладење и греење“, не' информираше Доневски додавајќи дека не сака да прогнозира кога објектот би бил оспособен за вселување. Но, се надева дека, сепак, ќе може да ги прими студентите од следната академска година.

Инаку, целиот проект доцни од финансиски причини. Доневски пред половина година, во изјава за „Утрински весник“, призна дека финансиите биле главна причина за пробивање на најавениот термин за изградба на зградата. Сега вели дека тие проблеми биле надминати.

Изминаа три и пол години од стартот на градежните зафати. Согласно со договорот, објектот требаше да биде готов пред две години. Милионското барокно здание е готово речиси до половина. Може да се забележи дека фасадата е завршена, а останува зградата да се уреди и опреми однатре. Покрај ФДУ, во седумкатницата е планирано да се сместат административците од Бирото за судско вештачење, Агенцијата за планирање на просторот, Државниот завод за индустриска сопственост, Националната агенција за европски образовни програми, Бирото за регионален развој, Дирекцијата за технолошки и индустриски зони, Агенцијата за цивилна воздушна пловидба, Државниот девизен инспекторат, Дирекцијата за спречување на перење пари и дел од Управата за јавни приходи.

Зградата се гради според идејното решение на архитектонското биро „Неимар инженеринг“, а надзорот над градежните работи го врши Градежниот институт „Македонија“.

Со првичниот договор за изведба на објектот, беше предвидено за изградбата да се потрошат околу 20 милиони евра. Во меѓувреме, со неколку анекси, трошоците се искачија на над 25 милиони евра. Објектот има приземје, 7 ката и потпокрив распослан на површина од 19.134 квадратни метри.

http://www.utrinski.mk/?ItemID=E9608A782509BA46899FCE074F544F91

Богами, која е поентата ФДУ воопшто да биде сместен во оваа зграда? Подобро да изградат нова во комплексот факултети на УКИМ, кога веќе се тргнало во негово доуништување.

zgradava veke nekolku dena e osvetlena navecer, i mozam da kazam deka e za nekolku nijansi podobra od MNR (poubavo osvetluvanje i nema samoubici na krov)

Иако е замислена да биде со смирена пластика, а нејзиниот габарит да ја прати неправилната маркица, односно замислениот плоштад, сепак сметам дека ова е еден од најлошите објекти од СК 2014, во екстериерен поглед. Како ќе ја исползува      функцијата допрва треба да видиме. Се е проблематично на овој објект, почнувајќи од кубусите, анемичното расчленување на фасадата, непотребно јаките стреи во контекст на употребената пластика, дефинитивно аматерски употребена асиметрија...едноставно како некој да се вежбал на овој објект. Единствено што поминува е покоректната диспозиција во однос на реката и ќејот, но ова треба да биде само сегмент од ансамбл на објекти, па допрва ќе видиме што ќе испадне. Сликата погоре постирана е со едне квалитет во кадарот, а тоа е преостанатото околно зеленило, на кое што му се имаат намерачено со, мислам, новиот објект на НБ на РМ. Центар е но се оди во друга крајност, од неизорана паланка кон бетонирана џунгла. Никако да фатиме рамнотежа.

              

Од “задна“ страна.

ЕДИТ: Некако сметаат дрвава, не се гледа објектот од нив. А и стари се може да паднат да направат беља. А и алергена е брезата...

Edited by Bojan10 - 15-Mar-2016 at 17:08

Ауууу неверојатно....па на кого му текнало вакво нешто и зошто би имало баш тука екран???

Значи светски шампиони сме за ad hoc решенија. Како држава сме неспособни да ги испланираме нешто дури ни година две однапред.....без разлика на стилот, намената и дали треба или не.
А за да биде целата работа поапсурдна е дека тие што сакаат да крадат пари преку провизии нема да украдат ништо помалку ако вакви концептуални работи се испланирани однапред.
Само сетете се колку пати беше поправан и прошируван целиот проект СК2014

Џабе, Џоле „не чини“
Се настрана, локацијата може не е погодена, меѓутоа зградата ми се допаѓа посебно од оваа страна, од напред ја зезнаа со екранот...