Интересни мапи

Во картата на делот во Македонија недостасуваат неколку планирани правци од коридор 8. Инаку Босна и Црнагора стварно страшно заостануваат дури и Косово е подобро од нив

Originally posted by FoSsiL Originally posted by gjoko Bosna (i nie ne sme bas,ama prema nim sme amerika) Босна е во таква ситуација бидејќи нема некој важен европски патен правец (коридор)...

Е како нема, имаат E73 кој што треба да ги поврзе со Србија, Романија и други делови од Источна Европа

Брзина на возовите

слобода на печатот

И во што сме полоши во однос на: Грција, Бугарија, Романија, Унгарија, Хрватска и Италија? Тие се во ЕУ, а нам - рачка од тапан.
Инаку, не сум знаел дека во Намибија имало целосна слобода на печатот.

Najdov nešto na net za novinarstvoto vo Обама полош од Буш за новинарите

Сабота,19 Октомври 2013 10:21

Ми се допаѓа 0

Исклучително остри критики за односот на администрацијата на претседателот Барак Обама кон медиумите се содржани во извештајот на Комитетот за заштита на новинаритe, во кој се посочува дека во споредба со претходната администрација на Џорџ В. Буш, сегашната „спроведува системско заплашување на вработените за да не контактираат со медиумите, прислушување и закани кон истражувачките новинари“.

-Администрацијата на Обама води агресивна војна против сите што изнесуваат информации во јавноста. Ова не е видено од времето на Ричард Никсон, и тоа не го кажувам на памет, бидејќи работев на известувањето за случајот „Вотергејт“, изјави Леонард Дауни, поранешен извршен уредник на „Вашингтон пост“, кој го обелодени скандалот што доведе до оставка на поранешниот претседател Никсон.

Како што јави МИА од Вашингтон, Дауни оцени дека за време на мандатот на Буш претставниците на администрацијата релативно слободно можеле да зборуваат со новинарите и да изнесуваат податоци за контроверзни теми, како што е затворот Гвантанамо или тајните истражни затвори за исламисти во Европа.

За разлика од тој период, според него, функционерите во времето на Обама се соочуваат со истраги, обвинувања за шпионажа, прислушување на телефоните, па дури и приклучување на детектори за лаги и повици на колегите да пријават сомнителни контакти со новинари.

-Паралелно со Едвард Сноуден, уште пет други службеници се гонат поради „протекување“ на доверливи информации во јавноста, според закон кој е во сила од 1917 година и се однесува на шпионажа во Првата светска војна. Во текот на досегашната историја до 2009 година, само три лица биле гонети според овој закон. Сега, одеднаш, во само пет години, имаме шестмина, чии животи, дури и да бидат ослободени од обвинувањата, на крајот ќе бидат уништени, изјави Дауни.

Еден од познатите случаи е на новинарот на телевизијата Фокс Џејми Роузен, кој тврди дека неговите интернет пораки биле читани, а неговото движење низ Стејт департментот било следено, откако објавил информација по разговор со американски дипломат за можните реакции на Северна Кореја на воведувањето американски санкции.

Раџив Чандрасекаран, репортер и уредник во „Вашингтон пост“, изјави дека во медиумската стратегија на администрацијата на Обама станало нормално и најбанални пораки да бидат прогласени за тајна или за службена употреба, со што опасностите новинарите да бидат гонети се многу високи, а стравот кај функционерите на средно и високо ниво расте и тие одбегнуваат да разговараат со медиумите, а целата комуникација ја сведуваат на соопштенија.

- Има случаи кога функционер кој претходниот ден јавно зборувал на некоја тема, да одбие средба во четири очи, и да не префрли на службата за односи со јавност. Секојдневно гледаме стари извори на информации кои се плашат да зборуваат со нас. Од друга страна, има новинари кои одбиваат да стават било што на компјутер, користат хартија, па дури и специјални соби заштитени од прислушување, бидејќи знаат дека се следени, изјави Чандрасекаран, кој додаде дека овие строги правила не важат за случаите кога администрацијата сака да се пофали со нешто. Тогаш, медиумите можат да сметаат на целосна соработка со Кабинетот на Обама, како при откривањето податоци за акцијата за ликвидирање на Осама бин Ладен или за ликвидациите на исламисти со беспилотни летала.

- Атмосферата за работа на новинарите е фундаментално сменета. Не сме виделе администрација која толку системски работи на заплашување на соговорниците на новинарите. Немам ништо против социјалните мрежи, но тука тие се користат како замена за работата со новинарите, и како средство за пренесување на пропагандни пораки на администрацијата, за теми до кои новинарите не можат да добијат самостоен пристап, изјави Дауни.

Учесниците во изработката на извештајот на Комитетот за заштита на новинарите открија и дека администрацијата испратила препорака до вработените да пријават доколку забележат колега да контактира со новинари. Но, најсериозен случај на прислушување на новинари за кој дозна јавноста дојде по признанието на Министерството за правда дека телефоните во три канцеларии на големата новинска агенција Асошиејтед прес, вклучително и телефони во Конгресот на кои зборувале и конгресмени, биле прислушувани за да се открие еден извор на информации на агенцијата.

Скандалот предизвика повици за донесувае закон за заштита на изворите на информации на медиумите, но расправата за предлог-законот во Комисијата за разузнавање на Сенатот, предизвика дополнителни проблеми. Сенаторката Дајана Фајнштајн најави дека ќе треба да се воведат правила и дефиниции за тоа кој е новинар и кој може да биде заштитен со законот.

Во Комитетот за заштита на новинарите се загрижени дека може да се случи законот, кој треба да ги подобри состојбите во новинарството, да доведе до воведување на дозволи за работа на новинарите.

Бомбашки напад во близина на Дамаск, најмалку 16 загинати

Малдиви: Одложени претседателските избори

Обама полош од Буш за новинарите

Во Панама Сити започна 23-от Латиноамерикански самит

Неколкуминаповредени во протестите ширум Египет

Поројни дождови предизвикаа поплави во Истанбул

Долгот на САД над 17 билиони долари

НАЈНОВИ ВЕСТИ

ИЗБОР НА УРЕДНИКОТ

Сподели 0

Kurir

Ми се допаѓа 124.104

СПОНЗОРИРАНИ ЛИНКОВИ Женидба - ТЕАТАР КОМЕ

 
Дозволи ми како некој кој редовно ги следи вестите на американските и британските медиуми, да ти ја објаснам разликата помеѓу медиумите во државите обоени во жолто и медиумите во државите обоени во портокалово на картата за слободата на печатот.
 
Разликата помеѓу жолтите и портокаловите држави, е во тоа што во жолтите држави медиумите стојат финансиски многу поздраво во споредба со медиумите во портокаловите држави.
 
Но токму поради ваквата финансиска состојба, медиумите во жолтите држави своеволно се самоцензурираат и објавуваат информации од секундарна, ако не и од терцијарна важност, како што се пораѓањето и првите фотографии на бебето на Ким Карашијан и на Кание Вест, наместо некои поважни вистини како што се државниот и националниот долг на САД, или злосторствата на таканаречените борци за слобода и демократија во Сирија, кои САД отворено и јавно ги поддржуваат.
 
Мајкл Мур, кого ти го спомна, е одличен пример за ваквото своеволно самоцензурирање. Додека во САД на власт беше Џорџ Вокер Буш, односно Џорџ Буш Помладиот, од 2001 до 2009 година, Мајкл Мур активно учествуваше во документарни емисии и документарни филмови во кои се прикажува и се критикува корпоративната алчност во САД. Пример за тоа е документарниот филм The Corporation од 2003 година, во кој Мајкл Мур активно учествува во критиката кон канцерогеното млеко кое се продава во продавниците, се користи и во училиштата, а е добиено од крави на стероиди. Имало документарен филм за ваквата пракса на неславната компанија која се занимава со производство на генетички модифицирани семиња и на генетички модифицирана храна Монсанто, и тоа снимен од страна на Фокс Њуз. Но под закана за мултимилионска тужба, како и под притисоци на новиот директор на телевизијата, поставен од Руперт Мердок, новинарите кои го правеле филмот своеволно си заминале од Фокс Њуз бидејќи не сакале да ја цензурираат својата работа, поради што на крајот документарниот филм воопшто не бил емитуван.
 
Со доаѓањето на Барак Хусеин Обама на власт во САД во 2009 година, кого и самиот Мајкл Мур отворено и јавно го поддржуваше и за време на претседателските избори во 2008 година и за време на претседателските избори во 2012 година, ништо од ова не се смени. Монсанто и останатите компании кои се занимаваат со производство на генетички модифицирани семиња и на генетички модифицирана храна, и понатаму си заработуваат милијарди долари секоја година, а Мајкл Мур го нема да излезе со критика, од наједноставна причина бидејќи директорите во американската Администрација за Храна и Лекови кои ја одобруваат ваквата пракса на компаниите од типот на Монсанто, се лобисти на истите тие компании, а на истите тие позиции во Администрацијата за Храна и Лекови ги има поставено токму владата на САД на чело со Барак Хусеин Обама.
 
Ова ти е само еден пример за своеволно самоцензурирање.
 
Од друга страна, Едвард Сноуден можел да молчи исто како Мајкл Мур и како ред други послушници, да си заработува пари и да ги шпионира луѓето, но од некоја причина која ја знаат само Сноуден и Бог, Сноуден одлучил да и ја открие вистината на светската јавност, а американските медиуми не обрнаа нешто многу внимание на тоа, бидејќи не и е од корист на американската влада да се дискутира за ваквите нејзини постапки. И токму затоа, не Мајкл Мур, туку Едвард Сноуден се засолни во Кина, поточно во Хонг Конг, а потоа и доби азил во Русија, што повеќе од доволно говори дека и во жолтите држави не е се мед и млеко.
 
Медиумите во жолтите држави можат да си дозволат поигрување со големите играчи на политичката сцена и на бизнис сцената, за пари се разбира. Фокс Њуз е во сопственост на Њуз Корпорацијата која е во сопственост на Руперт Мердок, ете ти еден конфликт на интереси. ЕнБиСи е во сопственост на Мајкрософт и Џенерал Електрик, ете ти друг конфликт на интереси.
 
И ги има ред други конфликти на интереси.
 
Од друга страна, во портокаловите држави, медиумите прифаќаат пари од секакви извори, без разлика дали изворот на парите е идниот Адолф Хитлер или е идниот Џон Кенеди, бидејќи поважен им е нивниот опстанок отколку вистината.
 
За разлика од медиумите во жолтите држави, медиумите во портокаловите држави не се доволно силни за да си поигруваат со големите играчи на политичката сцена и на бизнис сцената, поради што секогаш завземаат страна. Еве јас лично не помнам од легендарниот 15 септември во 2002 година па до денешен ден, да сме имале барем 1 (ЕДНА) македонска национална и сателитска телевизија која не завзела нечија страна на избори.
 
А кога сме кај тој закон за медиуми, на чие што усвојување и јас лично се противам, треба да се земе во предвид фактот дека и во жолтата Велика Британија се подготвува кристално ист таков закон за медиуми, па од тука следува прашањето:
 
Во што е разликата ?
 
Слободата на изразување не подразбира известување за глупости од типот на пораѓањето на некоја спонзоруша и првите фотографии од нејзиното новороденче, во замена за заташкување на информации кои се од национална важност.
 
Слободата на изразување подразбира безусловно и неограничено ширење на информацијата, како и безусловен и неограничен пристап до информацијата, тоа дефинитивно не го имаме во Македонија, но дефинитивно не го има ни во жолтите држави.
 
Не велам дека ние сме поарни од нив, туку велам дека тие не се поарни од нас.


Edited by Dexter26 - 20-Oct-2013 at 01:37