Ова го пишувало во „Дневник“ на 11 јули:

„Се расчистува трасата, која ќе води до поранешниот хотел „Панорама“, каде што новиот пат ќе се спои со улицата Тодор Александров (поранешна „Салвадор Алјенде“) токму кај Институтот за земјотресно инженерство. Патот ќе почне од Сопиште и ќе минува низ Говрлево, ќе се прекачи преку Водно во делот што ~ припаѓа на Kисела Вода и ќе се спои со постојниот пат кон Средно Водно кај ИЗИИС.“ линк

Тоа со Говрлево е глупост, но останатите информации се битни. Би можел ли некој да ја исцрта можната траса? Поназад во нишкава има информации за тоа од каде ќе почнува во Сопиште и должината на патот.

Напролет во Сончев Град ќе се удрат првите темели

Проблемот со носење на водата од Патишка Река сѐ уште не е дефиниран, но остануваме во комуникација со населението и бараме солуција како да се надмине тоа, вели градоначалникот на Сопиште
Пределот на кој ќе се гради патот е пред сѐ карпест, па дел ќе се минира, дел ќе се ископува со градежните машини Специјални градежни машини се на пат од Турција за Скопје Изградбата на новиот пат што ќе ги поврзе општината Сопиште и новата елитна населба Сончев Град со централното градско подрачје е во почетна фаза на градба, а деновиве на него забрзано се работи. Трасата на патот се постави во почетокот на април и веднаш почнаа градежните работи. Доколку поминете деновиве во овој дел од падините на Водно, ќе забележите дека таму е вистинско градилиште. Да се биде сведок на тоа како се раѓа нов пат низ карпи што до пред неколку дена биле непроодна површина е навистина несекојдневно. Минирање на карпите Градежната механизација метар по метар секојдневно се пробива низ тешко пристапниот терен, а во иднина не е исклучено и минирање како метод за да се ублажи теренот за негово финално асфалтирање и проодност. - Пределот на кој ќе се гради патот е пред сѐ карпест, па дел ќе се минира, дел ќе се ископува со градежните машини. Исто така се утврдуваат подземни инсталации на водоводот и канализацијата во делот каде што треба да биде поставен кружниот тек, а тоа всушност е влезот од делот на Сопиште. Штом ќе заврши овој дел, ќе почне асфалтирањето - вели градоначалникот на општината Сопиште, Стевче Трпковски. Трасата без пристапните краци во Сопиште и Кисела Вода ќе биде долга три и пол километри, а со пристапните краци околу 4 километри и 200 метри. Градежните работи ги извршува фирмата „Гранит“, а финансиите ги обезбедува Владата на Република Македонија. Рокот за да се реализира оваа траса е 18 месеци. - Овој пат ќе ја поврзува општината Сопиште со општина Центар, со што всушност ќе се скрати пристапот на жителите на Сопиште до градот. Со тоа жителите на Сопиште ќе ги избегнат Припор и Кисела Вода и целиот сообраќаен метеж што се прави во тој дел. Овој пат ќе биде и директната врска на новата проектирана населба Сончев Град со центарот на Скопје. Досега патувањето до централното градско подрачје траеше помеѓу 20 минути и половина час, во зависност од градскиот метеж, а со новиот пат тоа ќе се намали на 10 минути. Општината Сопиште со овој пат ќе добие подобрување на транспортната инфраструктура, односно патот ќе биде нова артерија на општината со градот Скопје што ќе го олесни патувањето на жителите, нешто што со децении се бараше и чекаше - вели Трпковски. Специјални машини од Турција За елитната населба Сончев Град моментално се прави урбанистичкиот план, кој е во завршна фаза. Урбанистичкиот план го подготвува инвеститорот, односно турската компанија „Џеваир холдинг“, која е инвеститор и на висококатниците во општината Аеродром. - Штом урбанистичкиот план ќе биде во законска рамка, ќе почне со изградба. Паралелно ние сме должни да го направиме овој пристапен пат. Исто така треба да донесеме крак од канализациска мрежа, водоводна мрежа и инсталациска мрежа. Проблемот со носење на водата од Патишка Река сѐ уште не е дефиниран, но остануваме во комуникација со населението и бараме солуција како да се надмине тоа. Сега за сега сме дефинирани со тој проект, за тоа се подготвени и планска и техничка документација, доколку проблемот со водата не се надмине, ќе бараме друга солуција - вели Трпковски. Реализацијата на елитната населба би требало да почне напролет идната година. Предвидено е поголемиот дел од таа населба да бидат куќи за домување, мал дел ќе бидат станбени згради, потоа спортски терени, градинка, паркови, сѐ што е потребно за една населба да функционира нормално. Вкупната површина на населбата ќе биде 84.000 квадратни метри, а во неа ќе можат да живеат околу 6.000 луѓе. - Инвеститорот веќе собира дел од градежните машини што му се потребни за да работи на овој терен затоа што теренот е карпест и тоа го прави малку специфичен. За таа намена инвеститорот носи специјални машини од Турција, која веќе е на пат за Македонија - вели Трпковски. Тој додаде дека елитната населба Сончев Град ќе значи многу за општината Сопиште затоа што ќе има подобрување на локалниот економски развој, подобрување на животниот стандард, како и отворање нови работни места.

http://www.novamakedonija.com.mk/NewsDetal.asp?vest=8213177464&id=14&prilog=0&setIzdanie=22944

Хорор на Водно

Горан Адамовски


„Забранет пристап - минирање“, пишува на таблите закачени на дрвја во месноста Марково Крувче на Водно. За секој случај и работниците што го градат патот кон Сончевград ќе ве предупредат да се оддалечите на пристојно растојание. Честите посетители на скопскиот рид велат дека најпрво се слушаат алармите за тревога кои ѕвонат пет минути. Вознемирувачки звуци. Потоа се слуша силен татнеж. Се кршат карпите што се на пат кон Сончевград во Сопиште. Околу три илјади жители на новата елитна населба ќе имаат можност од центарот до периферијата на градот да стигнат за помалку од десет минути. За таа цел се удира во белите дробови на градот. Водно е на колена.

Од Сопиште, Водно е на дофат од раката. До Марково Крувче има околу седум-осум минути пеш. До пред некое време беше уживање да се оди по тој дел. Секаде зеленило и мртва тишина. Долу градот мирно дише. Не се слуша ништо долу, се гледаат само високите згради и чадот од фабриките. Воздухот горе и долу не одат во иста реченица. Дури и во лето, горе е подносливо. А во вечерните часови е свежо дури и во најтоплите денови. Пат немаше. Имаше изгазени патеки за пешаци. Покрај грмушки.

Планинарите, посетителите и жителите на Сопиште со тага се сеќаваат на овие слики. Нив повеќе ги нема. Ќе останат само да се прераскажуваат меѓу генерации.

Денеска, тој дел на Водно повеќе наликува на каменолом. Малите патеки за пешаците веќе ги нема. Отсечени се. Сега има патишта за тешка механизација. Камиони, багери, машини. Пробиени се, по слободна процена, повеќе од еден километар. Повеќе од еден километар исечено зеленило. Каде што се дишеше најчисто сега не може да се мине ако не се стави блуза преку уста. Облаци од прашина. Се гази во земја во којашто се пропаѓа како во жива кал. Некаде и до половина метар. А кога ќе помине камион покрај вас, што се случува на секоја минута - готово, останавте без воздух.

„Одете побргу, ама да знаете дека наскоро минираме. Подобро да не се враќате до крајот на работното време“, предупредуваат работниците.

Градежните работи се изведуваат секој ден до кај 15 часот. И во саботите. Во неделите се одмора.

„Порано беше уживање да се разбудиш во тишина, да го испиеш утринското кафе, да потсредиш дома или во дворот. Сега механизација се слуша по цел ден, а пред очи само облаци од прашина се гледаат“, коментираат жителите на Сопиште.

Покрај главниот пат, по удолнината се ископани уште неколку споредни „патчиња“, кои служат за фрлање на камењата и на шутот. Ако сте помислиле дека ќе го заобиколите пробиениот пат - сте се излажале. Мора по него. Друг избор нема.

Механизацијата, всушност, кружи околу Марково Крувче и треба да се спои со патот кај „Панорама“, на другата страна од Водно. Иако, на прв поглед се чини дека е многу поедноставно да се направи директна линија, сепак, тоа е неизводливо затоа што треба да се удри во сржта на ридот - на Средно Водно. Над Марково Крувче се познатите Маркови Кули - градба што го идентификува Скопје со Јустинијана Прима. Патот за Сончевград практично ќе кружи околу нив.

Оттаму води трим-патеката до Средно Водно. Конечно, зеленило и свеж воздух. Околу два километра, еден час шетање во тишина. И дрвја. Покрај патеката, која, главно, е по рамен пат, се поставени летниковци и клупи за вежбање. Тие што ќе ги затекнете по пат се вистински љубители на природата. Дошле пеш, таму нема жичарници или автомобили. И затоа од нив најдобро ќе ја почувствувате загриженоста на тоа што му се случува на Водно сега.

„Триесетина години се качувам на Водно барем двапати неделно. Љубовта кон природата сакам да му ја пренесам и на внукот, па го земам со мене. Ова што се случува во последниве години е страшно. Водно секогаш било шанса за почивка, а сега станува Луна-парк. Каде се видело да се пробива ридот којшто му дава кислород на градот за да се изгради пат за да се скуси патот на тие што се способни да платат да живеат во таква елитна населба каква што се зборува дека ќе биде“, реагира еден повозрасен скопјанец.

Сечата на дрвјата на Водно има неколку поглавја. Виртуелното село зад „Св. Пантелејмон“ во Нерези, соголувањето два хектара шума за модерна жичарница до врвот Крстовар, веќе се познат случај. Непријатно изненадување за планинарите е егзодусот на стари дрвја во близина на одморалиштето во средина од патеката меѓу Средно Водно и крстот.

„Ги исекоа летоска, наводно, заради потребите на дистрибутерите на струја. Ама, како до пред неколку месеци функционираше се', а сега не чинело? Цели редови нема“, се жалат планинарите.

Тие што не биле одамна на Водно ќе се изненадат и кога ќе се качат најгоре, на највисокото место во Скопје. Не од оградениот простор каде што ќе се гради новата зграда на АЕК, туку од обидот да се направи простор за возила на шумската патека кон Матка. Велосипедистите велат дека и тоа било направено летоска. Фрлен е чакал, „малку“ простор е земен од планината, доволно да се спои со земјениот пат.

Според најавите на властите, регионалниот пат до населбата Сончевград во општина Сопиште со предвидените приклучоци ќе биде долг 4,4 километри. Патот ќе води од улицата „Водњанска“, покрај бивша „Панорама“, по сртот на Водно, преку Марково Kрувче се' до Сопиште. Неговата изградба ќе чини 6,7 милиони евра, а активностите треба да завршат за 18 месеци. Со изградбата на населбата и на патот се очекува проток на 700-1.000 возила. Сончевград ќе се простира на 58 хектари, кои ги купи турскиот „Џеваир холдинг“ за околу 2 милиона евра. Одобрението за градба на патот го даде Министерството за транспорт, а во јули беа „удрени“ првите лопати. Цените на земјиштето во Сопиште скокаат веќе десетина година. Ако во почетокот на овој век еден квадратен метар можеше да се купи за три или четири евра, сега таа бројка е зголемена и до петнаесет пати. Се очекува врвот да биде достигнат следниот период.

http://www.utrinski.mk/?ItemID=64832F20E10A5B4CB71C6C80DE781E79

Фотографии од патот што треба да води кон Сончев Град. Снимени се на 9 ноември. Автор: Кире Миловски

 Вие сте инвеститори и на проектот Сончев Град. Како се одвива реализацијата на оваа инвестиција? И што конкретно ќе предвидува овој комплекс?

Сончев град е сосема поинаков концепт и проект од тоа што го градиме сега во Аеродром. Тоа ќе биде мал град во планина, на огромна површина над 835 илјади метри квадратни, но засега се уште сме во фаза на планирање на проектот. Ангажиравме неколку архитекти дизајнери од Македонија кои што имаат и некои експертизи од истражувања на теренот што се правени претходно, така што веќе имаме демо верзија на тоа што треба да биде изградено таму. Засега оваа елитна населба е предвидено да понуди станбени куќи, куќи со дворови, куќи во низа, атриумски куќи па дури и станбени згради на три ката. Потребите на луѓето забрзано се менуваат бидејќи центарот на градот е во постојана гужва, многу луѓе, автомобили... А Сончев град треба да понуди спротивно од градските гужви, зелена природа, чист воздух, мир. Дури и сега кога одам на некој начин доживувам шок од кислородот во воздухот. Владата сега работи со полна пареа да го изгради патот до Сончев град, така што се создаваат сите услови за ова да стане едно убаво место за живеење. Засега се уште немаме прецизирано рокови кога би било се готово, но работиме напорно да го реализираме овој проект.

http://kapital.com.mk/MK/makedonija/97732/se_chuvstvuvame_kako_domashna_kompanija_vo_makedonija.aspx

Пат до Сончев Град кој завршува на тесното регионално патче за Средно Водно, потоа продолжува по тесната уличка Салвадор Аљенде, за да на крајот заврши на тесниот и презакрчен од возила булевар Водњанска.

Се прашувам каква ли е таа елитна населба до која ќе се нема нормален пристап, туку ќе мора да се пробиваш низ кривулести сокаци?

Што е со сликава Џоле? ја претставиле како од Сончев Град ?

Ова се прилично стари хациенди на влезот на Соње, но Сончев град е блиску. Големата куќа барем на времето беше на Тонели (хемиско чистење).

Кога бев кај крсот,до мене беше еден човек кој бил по потекло од селата од овој крај(не се сеќавам точно за кое село се работеше што не е ни битно) и објасни дека оваа зградава на сликава е дел од Сончев град.Јас немав слушнато за таков објект од овој проект,но несакав да барам објаснување верувајќи дека човекот повеќе знае

претпоставув дека зградите немаат врска со Сончев град,но нема да беше културно да му спорев на човекот кој случајно го слушнав како објаснува