Булевар Св. Климент Охридски

БУЛЕВАРОТ КЛИМЕНТ ОХРИДСКИ ВО СКОПЈЕ ЌЕ СЕ ВРАЌА НА ДВЕ КОЛОВОЗНИ ЛЕНТИ И ПЕШАЧКА ЗОНА СО ЗЕЛЕНИЛО ВО СРЕДИНА



Булеварот Климент Охридски во центарот на Скопје повторно ќе има две коловозни ленти и средишно зеленило со пешачка зона како што беше пред да се проширува. Ова се предвидува со проектот за брзиот автобуски превод (Бас рапид транзит – БРТ) кој Град Скопје почнува да го спорведува откако од Европската банка за обнова и развој беше одобрен кредит од 70 милиони евра.

Булаверот Климент Охридски во 2012 беше проширен и за сметка на средишното зеленило и пешачката зона, доби три коловозни ленти.

Од Град Скопје велат дека со проектот за БРТ нема потреба булеварот да има три ленти, бидејќи трасата нема да минува по Климент Охридски како што било предвидено за трамвајот.

„Со проектот за Бас рапид транзит во овој дел нема да се движат возилата на новиот јавен превоз, туку трасата ќе оди до крај на булеварот Партизански одреди, потоа по улиците Даме Груев и Димитрије Чуповски кон Рекорд. Исто така, до воведување на БТР готов ќе биде булеварот Македонија, односно подземната сообраќајница кај Јужен булевар. Новиот јавен превоз заедно со новиот булевар ќе придонесе да се намали притисокот на возила во овој дел, со што се отвора можност повторно да се врати пешачката зона во средина заедно со ново зеленило“, велат од кабинетот на градоначалникот Петре Шилегов.

Со проектот за БРТ исто така се предвидува изградба на комплетно нов мост Обединети нации во Влае, а улицата Даме Груев нема да се проширува, туку ќе остане со две коловозни ленти и само ќе се реконструира оти е со дупки и прокопи на секој чекор. Рекорд ќе стане пешачка зона, односно ќе биде дозволено движење само на возилата од јавниот превоз.

Според сообраќајното решение кое беше презентирано во јули, возилата ќе се движат по посебната лента која ќе биде во средишните жардинери, а ќе биде одвоена од лентите за сообраќај со зеленило од двете страни. Станиците ќе бидат од затворен тип, што значи наплатата ќе се врши во нив по принципот на метро станиците, а не во автобусите. Со тоа, пократко ќе биде задржувањето на патниците и ќе се овозможи поголема брзина на возилата. Од Ново Лисиче до Ѓорче Петров ќе се стасува за 30 минути.

https://sdk.mk/index.php/dopisna-mrezha/bulevarot-kliment-ohridski-vo-skopje-ke-se-vraka-na-dve-kolovozni-lenti-i-peshachka-zona-so-zelenilo-vo-sredina/

Ајде сега пак да се направи средишен дел со парк, па за некоја година да се сруши паркот и пак да се прошири улицата…
Битно нешто се прави.

Originally posted by Denko Ovoj bulevar trebase da go zastitat so zakon, bidejki bese edinstven bulevar vo Makedonija vo sustinska smisla.

Дефинирај „булевар во суштинска смисла“.

Мое мислење е дека што повеќе проширувања на улици, булевари итн. сѐ повеќе автомобили во градот. Тоа мислам дека не е ништо ново и сите во светот го имаат сфатено. Сите градови низ континентов се трудат да дадат што е можно повеќе предност на пешакот и да се најде решение за паркинг со едносмерни улици.

Можеби оваа идеја и не е така лоша, но да, се согласувам дека не е баш пријатно да одиш на средина а од страна да ти возат коли. Идејата да се прошират пешачките патеки од страните е подобро решение мислам.

Уште еден празен проект, од кој што ништо нема да биде...

Originally posted by Cloverstack Originally posted by Denko Ovoj bulevar trebase da go zastitat so zakon, bidejki bese edinstven bulevar vo Makedonija vo sustinska smisla. Дефинирај „булевар во суштинска смисла“.

Siroka, dobro uredena ulica so nekolku vozni lenti i siroka pesacka staza so zelenilo i drvored...

Веќе видовме одземање на Никола Карев кај Железничка и излезе тоа што го очекувавме - намален проток и поголеми гужви. На места каде нема доволно простор ок, но таму требаше да се помести целиот профил на сметка на бескорисно широкиот тротоар, што секако е поскапо од гребење асфалт и ставање пластични столпчиња.

А ова е чиста предизборна глупост, што за жал ја увалиле и во проектот за БРТ. Прво, зошто не поминува тука БРТ? Која е предноста на Даме Груев? Потоа, ќе има ли автобуски линии, што мислат да ги поврзува тунелот под Кале и Водно/Капиштец?

Тука треба да се фокусираат да ги срушат тие објекти што не ја следат линијата по новиот план како Мамас (заеднички со инвеститорите) и да овозможат полн профил, па дури после да размислуваат за реорганизација.

И што се овие мубаети дека за булевар Македонија ќе се чекал за БРТ? Нели за година ипол две требаше линија 1 во функција да биде? Многу несериозно.

Originally posted by JovanOdGjorche Мое мислење е дека што повеќе проширувања на улици, булевари итн. сѐ повеќе автомобили во градот. Тоа мислам дека не е ништо ново и сите во светот го имаат сфатено. Сите градови низ континентов се трудат да дадат што е можно повеќе предност на пешакот и да се најде решение за паркинг со едносмерни улици. Можеби оваа идеја и не е така лоша, но да, се согласувам дека не е баш пријатно да одиш на средина а од страна да ти возат коли. Идејата да се прошират пешачките патеки од страните е подобро решение мислам.

проширувањето на улици е краткорочно решение за проблем создаден од други игнорирани проблеми, како лоши вкрстувања, варирање на профил и слепи завршетоци, што создаваат метеж и оптичка илузија дека градот е прополн
би било лесно да речеме дека бројот на возила се должи на профилот на улиците ама реалноста е дека се дожи на милион други фактори и овој е еден од најмалите
булеварите што треба да поврзуваат две спротивни страни на градот треба да имаат поголем профил
мене повеќе ме загрижува градењето на трајни објекти на трасите на булеварите и нивно константно изместување, отколку нивниот профил
еве нека се поврзат сите страни на градот прво, па после лесно ќе биде да се мисли на промени на профилите на булеварите и отстапување простор за јавен превоз, пешаци, велосипеди и т.н.

што се однесува конкретно до булеваров, решението со зеленилото беше прастаро и потекнува од време кога естетиката, геометријата и монументалноста биле далеку поважни од функционалност... во современо доба, можеби убаво е да се има такви решенија низ градов по примерот на други градови, ама тоа би одговарало на локации од типот на Рекорд, доколку просторот би бил поширок на пример, затоа што откако би се направиле други поврзувања, коловозот тука автоматски би станал секондарен... ама такво решение не одговара на булевар-артерија што треба „експресно“ да поврзува различни страни на градот