Отворените прашања меѓу ЕВН и Владата се надминати.  Денеска компаниите ЕВН и ЕЛЕМ постигнаа судска спогодба за надминување на спорот што постои меѓу двете компании. Ова го истакна вицепремиерот Владимир Пешевски на денешната прес-конференција во Владата.

Тој посочи дека „ЕВН Македонија“ денеска го повлекува барањето до Енергетската заедница во Виена со кое имаше забелешки на правниот систем во Македонија, а во текот на денот двете страни ќе го информираат Арбитражниот суд во Вашингтон дека отворените прашања се надминати.

- Отворените прашања меѓу Владата и ЕВН во делот на регулативата се надминати со направените измени во Законот за енергетика и некои подзаконски акти. Исто така, надминати се и недоразбирањата околу делбениот биланс меѓу „ЕВН Македонија“ и ЕЛЕМ, а во делот на регистрирањето на имотот на ЕВН направен е прогрес и голем дел од нерегистрираниот имот е во фаза на регистрација. Сите останати проблеми врз основа на купопродажниот договор се приведени кон крај со што отворените прашања се надминати, рече вицепремиерот Пешевски.

Тој нагласи дека во надминувањето на проблемите меѓу ЕВН и ЕЛЕМ учествувале повеќе од сто луѓе.

Министерот за економија Фатмир Бесими истакна дека денешното потпишување на Спогодбата меѓу ЕВН и ЕЛЕМ покажува дека Македонија има капацитет да се справи со предизвици од меѓународен каратекр во економијата.

- Јасно е дека со јазикот на аргументите и признавањето на законите може да се дојде до резултати. Сега целосно се спроведува Договорот за купопродажба и влегува во фаза на реализација како што е предвидено. Македонија денеска покажа дека со Законот за енергетика и постигнатата согласност е земја што има најнапредна легислатива во рамките на Енергетската заедница, рече Бесими.

Гинтер Офнер извршен директор на ЕВН Македонија истакна дека победници во постигнатата спогодба најнапредед се граѓаните, а потоа Република Македонија и сите инволвирани страни.

- Со Спогодбата се испраќа сигнал до инвеститорите дека и најкомплицираните проблеми во Македонија можат да се решат на добар начин. Се чувствуваме добро во Македонија и се интегрираме чекор по чекор се повеќе, рече Офнер.

Тој прецизира дека судската спогодба предвидува „ЕВН Македонија“ и натаму да се грижи за наплата на старите побарувања, а се што ќе се наплати да се дели 50 на 50 со ЕЛЕМ. Од веќе наплатените стари побарувања ЕВН Македонија во следните 10 дена треба да и уплати три милиони евра на ЕЛЕМ во денарска противвредност и да и отстапи побарувања во износ од 19,5 милиони евра од јавните и другите институции.

Тој нагласи дека најважниот дел од денешната Спогодба е што се покажува дека проблемите меѓу инволвираните страни во иднина можат да се решаваат по пат на директен дијалог.

Генералниот директор на АД ЕЛЕМ Влатко Чингоски истакна дека денешниот ден е значаен за ЕЛЕМ бидејќи односите со ЕВН Македонија се подигнуваат на повисоко ниво.

- Отпочнувањето на судскиот процес немаше за цел да го избрка ЕВН од Македонија и да се покаже дека е лош инвеститор, туку да се утврдат обврските од Договорот. ЕЛЕМ не бараат и не сакаат ништо што не е нивно, но не можеа да дозволат некој да им го земе она што им припаѓа, рече Чингоски.http://www.kurir.mk/makedonija/ekonomija/24368-Vladata-i-EVN-gi-nadminaa-nesoglasuvanjata

АД МЕПСО доби кредит од Светска банка за изградба на 400 киловолтен далновод меѓу Македонија и Србија

Големина на текст:

АД МЕПСО склучи кредитен аранжман со Светска банка (Меѓународна банка за обнова и развој) со што ќе добие 14 милиони евра наменети за нови инвестиции во преносната мрежа.

Со новиот кредит целосно ќе се затвори финансиската конструкција за изградба на нов 400 киловолтен далновод ТС Штип- македонско/српска граница и за ревитализација на 110 кВ далновод ТС Скопје 1- ТС Југохром – ТС Тетово1.

Овие проекти, кои, како што истакнуваат од АД МЕПСО, се круцијални идни инвестиции за преносната мрежа, се реализираат со кредит од Светската банка и со сопствени средства. Финансиската конструкција на двата проекта изнесува над 25 милиони евра. Од тоа сопствено учество на МЕПСО е над 11 милиони евра, а кредитна поддршка од Светска банка 14 милиони евра.

Новиот 400 кВ далновод со кој се поврзуваат Република Македонија и Република Србија е најважна инвестиција на АД МЕПСО за претстојниот период. Далноводот ќе ги поврзува 400 кВ трафостаници ТС Штип и ТС Ниш. На македонска територија далноводит ќе се протега на траса долга 70 километри на која ќе бидат изградени 168 далноводни челично-решеткасти столбови. Овој далновод ќе биде директно поврзување со преносната електроенергетска мрежа на Република Србија што значајно ќе ја зголеми доверливоста во работата на електроенергетскиот систем и ќе го зголеми капацитетот на македонската преносна мрежа.

Кредитниот аранжман со Светска банка доаѓа во период кога МЕПСО привршува со сите подготвителни работи кои треба да бидат реализирани пред да почне изградбата на далноводот. АД МЕПСО и ЕМС (српскиот електропреносен систем оператор) наскоро ќе склучат договор за координација на активностите за поврзување на далноводите на граничната точка меѓу двете земји.

Со ревитализацијата, пак, на 110 кВ далновод ТС Скопје 1- ТС Југохром – ТС Тетово 1, ќе се подобри снабдувањето со електрична енергија на полошкиот регион. Овој далновод чија ревитализација опфаќа 177 челично-решеткасти столбови на траса од 48,3 километри. значајно ќе го зголеми капацитетот на преносната мрежа во Полошко, а ќе ја подобри доверливоста на преносната мрежа во делот на поврзување меѓу Скопје и Тетово. Во рамки на овој проект предвидено е поврзување на трафостаниците „Скопје1“ со „Југохром“, „Теарце“ и „Тетово1“, со што ќе се сведат на минимум сите несакани ризици од испади на преносната мрежа
МИА

http://daily.mk/cluster3/d22404212ff85768ce3a6a8ea4ea27b8/682660

Во Битолско може да се гради нова термо електрана

За една година ќе треба да се направат 140 бушотини на длабочина од 50 до 140 метри. По ова ќе треба да стартува со работа новиот рудник со јамска експлоатација, кој според проценките ќе треба да има руда за производство на електрична енергија во наредните 20 години.

ЕЛЕМ како еден од најголемите инвеститори во држава само за последното истражување од буџетот одвои 2,5 милиони евра.

Но дали во Живојно ќе никне нова централа ќе се знае по завршувањето на испитувањата. При што од новото наоѓалиште очекуваат да обезбедат доволно јаглен за електраната која ќе биде со моќност од 200 дo 300 мегавати.

Се отвора нов рудник за јаглен во Живојно

Нов рудник со јамска експлоатација и годишен капацитет од 3 милиони тони јаглен во период од 20 години, најавува ЕЛЕМ како дел од инвестицискиот циклус за зголемување на производството на домашна енергија
Отворањето на јагленовото наоѓалиште Живојно се очекува во период не подолг од 12 месеци, откако ќе завршат сите анализи потребни за изработка на главниот рударски проект. - Со овие количества јаглен се обезбедува производство на електрична енергија од 2.000 гигават-часа годишно. Реализацијата на проектот ќе значи и нови вработувања од 500 работници - велат од ЕЛЕМ. Наоѓалиштето се наоѓа на крајниот југоисточен дел од пелагонискиот басен, до самата граница меѓу Македонија и Грција. Во фазата на доистражување на резервите на јаглен треба да се изведат и 140 дупнатини од 50 до 140 метри, односно со вкупна должина од 15.505 метри.