Јавен превоз во Скопје (линии и возен ред)

И јас тоа го помислив Гитар и мислам дека само на предната ќе има....

Ние треба да се замислиме за најбитната работа од овој проект-справувањето со овие електронски картички од пензионерите, и воопшто, од лица што имаат над 40-50 година. Си ја мотам во глава приказнава и ми изгледа поприлично интересно како ќе биде на почеток!

Секако информациските дисплеи во автобусите уште ќе бидат за украс, на разглас ќе ечи турбофолк радио, а најава на станиците ни на сон.

градот ќе го собира прометот и ќе го распределува на превозниците?
која е поентата на ова?

 
Тоа е стара навика и правило од минатото кое не планираат да го сменат, наместо сите врати да се користат и за влез и за излез - а во пракса како такви и се користат - правилото гласи дека само предната врата служи за влез и излез, додека останатите врати служат за излез.
 
Јас не знам за други држави каде што сеуште опстојува ваквиот идиотски систем на распределување на влезови и излези во возилата од јавниот превоз, секаде каде што сум бил во странство дозволени се и влез и излез на сите врати и на сите врати има автомати за поништување на билетите.
 
Токму бидејќи станува збор за ептен лош систем за наплата, воопшто не се сомневам дека приватните превозници и понатаму ќе имаат право да им наплаќаат превоз на патниците во готовина, што го прави електронскиот билет необврзувачки и незадолжителен кај приватните превозници.
 
А сигурно и во возилата на ЈСП Скопје нема да се смени праксата и ќе може да се купува билет од кај возачот, наместо да има посебна личност задолжена за тоа.
 
Или со други зборови кажано, како по обичај, јавниот превоз во Скопје се обновува со нови возила, нови електронски билети и нови автомати за нивно поништување, електронски дисплеи и останата современа опрема, но старите навики не си заминуваат, исто како што и волкот го менува влакното, но карактерот му останува ист.


Edited by Dexter26 - 10-Apr-2015 at 11:06

Смарт-тикет и во државни и во приватни автобуси

Во септември и официјално ќе стартува електронската наплата во 384 автобуси на ЈСП и во 116 приватни автобуси.

Новиот тарифен систем вклучува и нов тип билети: како билет со можност за преседнување од еден автобус во друг, односно од една на друга линија, билет со ограничено времетраење, зонски билет, потоа дневен, неделен, викенд билет и др.



Од ЈСП најавија и плус три типа електронска картичка, којашто граѓаните ќе можат да ја користат и во приватните и во автобусите на ЈСП, персонализиран билет, кој ќе биде со фотографија и лични податоци и третиот тип, службени легитимации. Овие билети треба да се осмислат, да добијат свој дизајн и форма според која граѓаните треба да ги разликуваат.

Од ЈСП беше речено дека во прво време новиот тарифен систем ќе почне да функционира во согласност со постојниот и постепено ќе се премине кон целосна примена на новиот. Граѓаните со новиот систем ќе се спасат од барање ситни пари кога влегуваат во автобус, а особена придобивка ќе им биде што тој билет ќе им важи и при влегувањето во приватен и во автобус на ЈСП. АВЛ-системот ќе придонесе да се намали и времето на чекање на постојките, а ќе се подобри и редовноста на приватните автобуси кои на одредени линии возеа кога сакаат.

Исто така, на автобуските стојалишта ќе има над 50 информациони дисплеи за пристигнување на автобусите, испраќање SMS порака преку која патникот ќе добива информација за неколку следни пристигнувања на автобус на бараната линија, преку веб апликација на која покрај времето на пристигнување на одреден автобус на одредена постојка, ќе биде на располагање и т.н. планер на патување кој ќе го дава најкраткиот и најбрзиот пат помеѓу 2 места во Градот со користење на јавниот превоз.

http://www.skopjeinfo.mk/gradot/2128142587/smart-tiket-i-vo-drzavni-i-vo-privatni-avtobusi

Би сакал да отворам многу прашања за проектов кој очигледно ќе им отвори многу нејаснотии на скопјани, на превозници, а веројатно и проблеми на Град Скопје.

За почеток, би сакал да прашам на кој начин ќе се пресметуваат финансиските средства за приватните превозници? ЈСП - Скопје има две автобази, па оттука и лесно ќе биде автоматското следење на возилата што се вклучуваат и исклучуваат од сообраќај.

Но, на кој начин ќе функционира тоа кај приватните превозници, чии автобуси се распослани од Глумово на запад до општина Илинден на исток низ главниот град. Како ќе знаеме дека тие го почитуваат возниот ред? Што правиме со оние автобуси што не припаѓаат на Слобода превоз и на Макекспрес, а кои сепак сообраќај низ улиците на главниот град?

На кој начин ќе се спречат злоупотребите и слабите страни на користењето на електронските картички, особено од приватните превозници?

Ќе следува мое продолжение на оваа тема...

Од август до јануари ќе се користи новиот систем паралелно со билетите, а од јануари билетите се исфрлаат.

Значи еден билет ќе може да се користи во ЈСП и приватниве или еден билет може да се искористи на пример за префрлање од еден во друг автобус?

Иначе автомати рекоа дека ќе постават на три локации што е очигледно премалку, но да се надеваме дека ќе постават повеќе.

Edited by jyvation - 14-Jul-2015 at 23:17

Можам да се согласам со сите вас. На 15 дена пред воведување на целосно нов систем за плаќање на билетите нема никаква промотивна кампања, флаери на автобуските станици за нов систем, плакати во автобусите. Апсолутно ништо. Лично јас, на пример, сум користел вакви електронски картички во други земји, ама ќе биде голем проблем за постарите лица да се прилагодат на новиот систем.

Воедно, 60 локации за дополнување на картичките и 8 места за нивно купување се премалку за еден град од 600.000 жители. Метежот можеби нема да настане сега за нивното купување, но ќе го има есенва. Треба да се води сметка и за ова, бидејќи граѓаните досега најчесто купуваа карти или плаќаа за билет во самите автобуси.