Жичницата на Водно виси на конец

Изградбата на жичницата е одложена поради финансиска криза, велат од Министерството за транспорт и врски

Финансиската криза е виновна што „историската“ жичница на Водно нема да биде изградена во предвидениот рок, се правдаат од Министерството за транспорт и врски.

Изградбата на жичницата од Средно Водно до Милениумскиот крст требаше да се заврши до крајот на декември, но како што велат од Министерството, ќе потрае уште најмалку пет месеци или до крајот на април 2001 година.

Жичницата почна да се гради на почетокот на мај минатата година, а овој проект, кој во јавноста наиде на негодување поради сечата на дел од шумата на Водно, но и поради непрактичноста, Владата ја чини околу 7 милиони евра.

- Поради општата економска криза со ребалансот на буџетот, но и како проект што не е толку приоритетен, предвидено е неговата исплата, наместо само од една, да се врши од две буџетски години. На тој начин, изградбата се пролонгира за неколку месеци - објасни Драган Симоновски, портпарол во Министерството за транспорт и врски.

Инаку, досега е комплетно завршен градежниот дел од активностите за изведување на првата фаза од жичницата до Милениумскиот крст, на делот од Средно Водно до Милениумскиот крст.

- Поставени се темели за сите десет столбови, како и бетонскиот дел за влезно-излезните станици на почетниот и крајниот дел од оваа секција. Исто така, целосно е поставена и линиската опрема на сите десет столбови - велат од Министерството за транспорт и врски. Во наредниот период е предвидено да пристигне опремата за гаражната хала на Средно Водно. Станува збор за метална конструкција што ќе биде поставена и монтирана на веќе изградената бетонска основа. Предвидено е да пристигне преостанатиот дел од опремата за жичницата, меѓу која контролно-командни куќички, опрема за горна и долна станица, јаже, кабини и дополнителна опрема. Откако ќе се донесе потребната опрема, ќе се пристапи кон нејзино монтирање, по што ќе следува пробна работа на жичницата, како и технички преглед до издавање на одобрение за употреба, а сето тоа во согласност со Законот за градењето - велат од надлежното министерство.

Исто така, веќе комплетно е изработена и техничката документација за преостанатиот дел од жичницата, кој е на потегот од црквата „Свети Јован Крстител“ до Средно Водно, а динамиката за почнување на градежните работи на овој дел ќе биде дополнително утврдена.

На првата секција на жичницата, која ќе биде еднојажна со кружен тек, ќе бидат поставени 28 кабини во бело-портокалова боја, со капацитет на кабината за превоз на 8 патници и со брзина на движење од 6 метри во секунда и 2 ВИП-кабини со црна боја, со капацитет за превоз на 4 патници.

Почетната станица на жичницата е кај црквата „Свети Јован“ во населбата Капиштец. Инаку, првата фаза од проектот за изградба на жичницата е од Средно Водно до Милениумскиот крст на врвот на планината. Втората фаза е од Институтот за белодробни заболувања кај децата-Козле до Средно Водно, а третата секција е од црквата „Свети Јован Крстител“ во населбата Капиштец до Институтот за белодробни заболувања кај деца во Козле.

Кабинската еднојажна жичница се предвидува да има вкупно 62 гондоли. Жичницата ќе има капацитет да превезе 1.200 патници на час.

http://www.time.mk/read/NONE/dee6c5f3d2/index.html

Originally posted by axel Жичницата почна да се гради на почетокот на мај минатата година, а овој проект, кој во јавноста наиде на негодување поради сечата на дел од шумата на Водно, но и поради непрактичноста, Владата ја чини околу 7 милиони евра.

Хм, како е тоа непрактична? Можеби е попрактично да направат 2 паркинга на врв и да дозволат сообраќај цело време.

А и насловот е на место. Пролонгирање и висење на конец е очигледно една иста работа.

Edited by <Fresno> - 14-Feb-2011 at 14:56

Spored ona sto se gleda na teren, april e utopija deka ke bide gotova. Da se krstime deka ke prefrlat pari koja e uslov da pristignuva opremata pa preku letoto da se raboti pointenzivno.

Поставена опремата за столбовите на жичарницата на Водно

Се чека опремата за гаражната хала, за контролно-командните куќички, за двете станици, кабините...

Градежните активности од првата фаза за изградба на жичарницата на Водно, на делот од Средно Водно до Милениумскиот крст, се завршени. Поставени се темелите за предвидените десет столба и изграден е бетонскиот дел за влезно-излезните станици во почетниот и крајниот дел од жичарницата. Во оваа фаза целосно е поставена и линиската опрема на сите столбови.

Од Министерството за транспорт и врски очекуваат да пристигне опремата за гаражната хала. Станува збор за метална конструкција која треба да се монтира на веќе изградената бетонска основа. Покрај елементите за гаражната хала, треба да стаса и преостанатиот дел од опремата за жичарницата, како што е опрема за контролно-командните куќички, за горната и долна станица, јаже, кабини и друга дополнителна опрема.

„Откако ќе стаса целокупната опрема, ќе се пристапи кон нејзино монтирање. Потоа ќе следува приспособување на конструктивните елементи на жичарницата со пробна работа и оптоварување, како и технички преглед до издавање одобрение за употреба“, објасни Драган Симоновски, портпарол во Министерството за транспорт и врски.

Жичарницата до Милениумскиот крст на Водно ќе има 30 кабини, а во секоја од нив ќе можат да се превезуваат по 8 патници. Вкупниот капацитет на жичарницата ќе биде 1.200 патници на час. Носител на проектот е Министерството за транспорт и врски, а инвестицијата ќе чини 6,7 милиони евра. Работите ги изведува австриската компанија „Допелмаер“, која беше избрана на тендер.

Делницата што се гради во првата фаза во делот од Средно Водно до Милениумскиот крст е долга околу 2.000 метри. Втората делница ќе биде на потегот од Средно Водно до црквата „Свети Јован“ во Капиштец. (Сн.К.)

http://www.utrinski.com.mk/?ItemID=76768023BF29804E8BDE7BC4EEFDB369

ПОДГОТОВКИ ПРЕД ПУШТАЊЕТО ВО УПОТРЕБА

Специјалците на Црвен крст вежбаат спасување на жичница

Двајца членови од Тимот за спасување на планина на Црвениот крст на Град Скопје се наоѓаат на зимска обука на којашто од хрватските колеги ќе учат како да пружаат помош во планински услови, да спасуваат на патници, да им дадат прва помош и доколку е потребно, да ги пренесат во болница

Двајца членови од Тимот за спасување на планина на Црвениот крст на Град Скопје се наоѓаат на зимска обука за спасување на жичница на којашто од хрватските колеги ќе учат како да пружаат помош во планински услови, да спасуваат на патници, да им дадат прва помош и доколку е потребно, да ги пренесат во болница. Оваа обука е една од повеќето симулации и тренинзи кои волонтерите на Специјалната единица на Црвениот крст на Град Скопје ги спроведуваат во изминативе месеци откако ЈСП Скопје, која ќе стопанисува со Жичницата на Водно, одлучи задачата за спасување да им ја довери на планинските спасители. За таа цел беше потпишан Меморандум за соработка.
- Уште по официјализирање на соработката, нашите екипи почнаа со интензивни подготовки за евакуација и спасување на жичницата и во изминатиот период беа спреведени повеќе активности. На Попова Шапка имавме и симулациска вежба заедно со вработените на ЈСП и на Единицата за противпожарна заштита, при што ги едуциравме за начинот на користење и носење на опремата, за качување по столбови итн. А откако двајцата членови ќе се вратат од Загреб, стекнатите знаења ќе ги пренесат на своите колеги, велат од Црвениот крст на Град Скопје.

Специјалците од Тимот за спасување на планина и досега во многу наврати покажаа дека поседуваат одлични капацитети и целосна подготвеност брзо и ефикасно да помогнат во случај на какви било природни или катастрофи предизвикани од човекот. Тие со години наназад се грижат за безбедноста на посетителите на Водно.

Жичницата од Средно Водно - Милениумски крст, која требаше да биде пуштена во употреба уште на крајот на минатата година, според последните најави ќе проработи до крајот на мај. Дел од опремата е пристигната, сајлите се монтираат, а за петнаесетина дена се очекува да пристигне електрониката.

Жичницата ќе биде долга 3,4 километри. Ќе има затворен тип гондоли, во бело-портокалова боја и ќе пренесуваат до 1.200 патници на час. Изградбата на жичницата чини 6,7 милиони евра, а ја гради австриската фирма "Допелмаер".

http://www.vecer.com.mk/?ItemID=B1BAFB3E89A4C84CA417F4B71781D082

Идејата за изградба на жичара, која постои уште од осумдесетите години, веќе е реализирана и овој проект станува видлива реалност.

Првата фаза од изградбата на жичарата до Милениумскиот крст на Водно е завршена.

Изграден е бетонски дел на влезно-излезните станици во крајниот и почетниот дел на жичарата. Министерството за транспорт и врски ја очекува метална конструкција која треба да се монтира на веќе изградената бетонска основа.

Вкупниот капацитет на жичарницата ќе биде 1.200 патници на час. Жичарницата ќе има триесет кабини, во кои ќе се пренесуваат по осум патника.

Проектот чини 6,7 милиони евра, а негов носител е австриската компанија „Допелмаер“. Жичарата е проект на Министерството за транспорт и врски.

Во Скопје ќе се воведе посебен сообраќаен режим, а исто така ќе се воведат дополнителни автобуси кои ќе се користат како организиран превоз за граѓаните.

http://kurir.mk/republika/skopje/19882-Zavrsi-prvata-faza-na-zicarnicata-na-Vodno


Edited by Plugger - 22-Feb-2011 at 03:38

Курир не е многу меродавен, поради својата необјективност. Додека сите фрлаат дрва и камења по жичарата, дека нема да биде готова во дадениот рок, за курир сликата е идеална. Денес видов дека идеја за жичара имал и Трифун, ама очигледно единствено по што ќе го памтиме се само неговите идеи. Ова со ресторан што не се гради уште сигурно е ради некој рекет, мито или сл. Не верувам дека не може да се најде некој што ќе сака да инвестира во така фрекветно место, барем со изградбава на жичарата.

Originally posted by N23 Курир не е многу меродавен, поради својата необјективност. Додека сите фрлаат дрва и камења по жичарата, дека нема да биде готова во дадениот рок, за курир сликата е идеална. Денес видов дека идеја за жичара имал и Трифун, ама очигледно единствено по што ќе го памтиме се само неговите идеи. Ова со ресторан што не се гради уште сигурно е ради некој рекет, мито или сл. Не верувам дека не може да се најде некој што ќе сака да инвестира во така фрекветно место, барем со изградбава на жичарата.

Idejata za Zicara datira uste od 80tite godini i ete sega se realizira, manje vise 80% e gotovo i rekoa deka do Prolet ke bide gotovo sve pa se nadevam deka ke go izpolnat toa sto go rekle.

ЗА ПРИВЛЕКУВАЊЕ ТУРИСТИ ЗА НОВАТА ЖИЧАРНИЦА Ќе се пуштат автобуси до Средно Водно Автобусите на почеток ќе возат само во викендите, кога се очекува да има најмногу туристи, а доколку се јави потреба, дел од нив ќе се пуш­тат и преку недела Град­ски автобуси наскоро ќе возат и до Средно Водно. Идеја за во­ве­ду­ва­ње на автобуски превоз на планината, раководството на ЈСП "Скопје" до­би­ло во пресрет на пуштањето на жичарницата, која се очекува да би­де готова во јуни. Спо­ред процените на Јавното сообраќајно претпријатие, автобусите ќе при­до­не­сат за поголем интерес кај граѓаните да отидат до Средно Водно, од каде што потоа, со жичарница ќе се возат до Милениумскиот крст. Не­о­фи­ци­јал­но, автобусите на почеток ќе возат само во викендите, кога се оче­ку­ва да има најмногу туристи, а доколку се јави потреба, дел од нив ќе се пуштат и преку недела. Колку ќе чини билетот до Средно Водно, сe уште не е утврдено, но според груби пресметки на Претпријатието, цената ќе би­де приближно како автобуските карти, односно 30 денари во еден правец. "За­се­га немаме точно пресметано колку автобуси и на кои линии ќе има потреба да возат до Средно Водно. Идејата ни е да се привлечат по­ве­ќе туристи за новата жичарница, со која ќе стопанисуваме ние. Сакаме ав­то­бу­си­те да тргнуваат од неколку локации во Скопје, но кои ќе бидат тие, допрва ќе одлучуваме", велат од ЈСП "Скопје". Жи­чар­ни­ца­та до Милениумскиот крст на Водно ќе биде долга 3,4 ки­ло­мет­ри, а трасата која сега се гради е долга 2 километра. Ќе има затворен тип гон­до­ли, во бело-портокалова боја, со слика од македонското знаме во дол­ни­от дел. Двете ВИП-кабини, пак, ќе бидат во црна боја и ќе бидат со ка­па­ци­тет за четворица патници, двојно помалку од обичните. Жичарницата ќе има капацитет да пренесе 1.200 патници за еден час. (М.Ѓ.)

Извор

Нема концепт....може во случајов со жичарава се има добра намера, ама НЕМА КОНЦЕПТ....прво овозможи нешто да функционира, па носи „туристи“ што и да се...место да ја направеа прво линијата до средно Водно, да се отарасаме од колите, па после до врв, сега и автобуси ќе одат нагоре...

Ova kaj da e za porslava na nova 2012ta godina kje bide gotovo kompletno