Образовни институции (општо)

Во присуство на амбасадорот на Н.Р. Кина во Р.Македонија  Г-дин Донг Чунфенг, министерот за евроинтеграции Г-дин Васко Наумовски, преставници од Секретаријатот за европски прашања, голем број на родители и ученици беше означен завршетокот на проектот за реновирање на ОУ „Гоце Делчев“. Реализацијата на овој капитален проект кој е во соработка со Владата на Н.Р. Кина и Владата на Р.Македонија  изнесуваше околу четиристотини илјади евра.

Овој проект,  ги опфати следните градежни зафати: комплетна промена на надворешната столарија и нејзина замена со ПВЦ столарија со површина од 1500 м2, поставување на нова поливинилска подна облога со површина од 2040 м2, монтажа на 56 нови внатрешни врати, замена на хоризонталните и вертикални олуци со нови во должина од 700 метри, бојадисување на ѕидови, тавани, радијатори и огради на скалишниот простор. Направено е и освежување на терацо подови со површина од 1200 м2, како и попрака на бетонски скали во површина од 200 м2, поправка на фасада со површина од 80 м2,  монтажа на 30 училишни табли, 600 клупи и 1200 столчиња. Извршена е комплена реконструкција на спортската сала, како и  реконструкција на училишните простории за дневен престој. Како наредни проекти кои претстојат за реализација во ова основно училиште градоначалникот Ристески во своето поздравно обраќање ги истакна: хортикултурно уредување на дворната површина, реновирање на фасадата од училишната зграда, изградба на тениско игралиште како и обновување на постоечките спортски игралишта. Реализацијата на овој проект е во насока на создавање современи услови за следење на наставниот процес, градење на моралните и етички капацитети на  учениците и создавање на квалитетно образование.