Разоткриена петчлена група која извршила повеќе кражби на пругите во Скопје

     По којзнае кој пат:

Воз прегази маж на влезот на Тетово На железничкиот надвозник на влезот од Тетово, возот што доаѓал од правец на Гостивер попладнево прегази маж, чиј идентитет е се уште непознат. Според првичните информации несреќата се случила околу 13 часот и 25 минути, а загинатиот бил на велосипед. Полициски службеници во моментот вршат увид на самото место.

Извор: Курир

Каменуван возот од Трубарево кон Волково Скопје, 26. јуни 2011 (ИНПРЕС) Во текот на вчерашниот ден на излезот од Железничката станица во Скопје Север, непонато лице го каменувало товарниот воз бр.44984. Возот сообраќал на релација од Трубарево во правец на Волково, при што е скршено едно челно стакло од локомотива бр.661-410. Нема повредени лица.

Каменуван патнички воз кај Лисиче Непознато лице каменувало патнички воз,  вчера вечер на излезот од железничка станица кај скопската населба Лисиче. Каменуван е патничкиот воз што сообраќал на релација Битола-Скопје, при што е скршено прозорско стакло од вагон, а повредени патници нема. Полицијата презема мерки за пронаоѓање на сторителите.

Извор: Нетпрес

Едно лице потешко повредено при судир на воз и автомобил

Имено, несреќата се случила вчера попладне околу 18.30 часот кога возот кој сообраќал на релација Скопје – Кичево налетал на автомобил Опел Астра, управуван од Е.Б (32) од селото Порој, при што од силниот удар, Е.Б се здобил со тешки телесни повреди а возилото значително се уништило.

Триесет и двегодишниот Е.Б бил веднаш пренесен во тетовскиот клинички центар од каде поради тешките повреди бил префрлен на скопската клиника.

Според очевидците, ударот бил толку силен што го истуркал автомобилот околу 150 до 200 метри.

Ова е првата потешка сообраќајна несреќа во оваа област годинава, за разлика од другите години кога се случуваа многу повеќе.

Ваквите сообраќајки најмногу се случуваат во тетовското Џепчиште, селото Ратае, а во гостиварскиот регион на влезот на населбата Циглана.

Полицијата извршила увид и презема мерки за расветлување на деталите околу случајот.

Ова веќе стана излишно за секаков коментар.

Воз прегази 23 кози на пругата кон Косово Македонија 23 кози биле усмртени од удар на патнички воз на железничката пруга Македонија - Косово, информираат од МВР. Стадото од 23 кози преминувало на дивиот премин на железничката пруга, а машиновозачот неможејќи да го запре возот, удрил директно во нив и продолжил да се движи. Според полицискиот увид, направена е материјална штета од околу 200.000 денари, а на возот нема причинета штета.

Пожар го прекина сообраќајот по пругата Гостивар-Кичево
Недела, 21 Август 2011 12:43
Сподели

Споделете ја веста со Вашите пријатели
Пожар кој вчера зафатил дел од дрвената конструкција на мостот во близина на гостиварското село Србиново, предизвика повеќечасовен прекин во железничкиот сообраќај на релацијата Гостивар-Кичево.
Откако утрово надлежна комисија извршила увид и го утврдила оштетувањето, од 11 часот дадена е дозвола за повторно движење на возовите по пругата.

Според гостиварската полиција, пожарот, вчера околу 16 часот го пријавил вработен во „Македонски Железници“. Според првичните сознанија, огнот зафатил дваесетина метри од дрвената конструкција на вијадуктот и притоа биле оштетени и девет железнички прагови. Огнот зафатил и дел од околната шума и селските гробишта.

Во гасењето, покрај противпожарната единица, учествувале и жителите на Србиново. Огнот бил изгасен околу 23 часот.

Од утрово, увидна екипа на СВР Тетово ги утврдува причините кои довеле до пожарот. Мостот кај селото Србиново е највискиот на пругата од Скопје до Кичево.

А таман помислив дека ќе сврземе 2-3 месеци без никаков инцидент од ваков тип, а денешната вест ме демантираше.