Интересни мапи

Нешто на слична тема...

Originally posted by phenomenon Просечна нето плата изразена во USD во европските земји (податоците с е прибирани претежно во периодот 2010-2013):

Ова е многу загрижувачки податок и ја води државата во економски крах (втор затоа што првиот се вика континуирана 30% невработеност). Имено во Македонија платите се нереално високи, не се водени од производственоста туку се финансираат на база кредити. Истото се случува во Србија и сите знаеме дека државата сега се соочува со големи проблеми и болни реформи.

Под итно треба да се узапти растот на платите и особено цените (ние имаме едни од најниските БДП/жител), а цените и платите се високи како за Хрватска. Просто не произведуваме толку за да можеме да си дозволиме толку високи плати, пензии, државен апарат и такви цени.

Originally posted by Dexter26  Сериозно го мислиш ова дека платите во Македонија се високи ?  Како за почеток, освен ако си живеел во Македонија барем изминативе 10 месеци, обрни внимание, ако си живеел, а не ако си поминал на неколку дена и си се вратил во Бугарија или Словенија или каде и да живееш и работиш, освен ако си живеел во Македонија барем изминативе 10 месеци, ќе си знаел дека реалната просечна нето плата во Македонија изнесува едвај 258 американски долари, односно цели 200 американски долари помалку од платата прикажана на мапата.  И тие 258 американски долари да не ти се премногу ?  Ќе ме извиниш, но и во Македонија живеат луѓе кои работат, а тоа што работат земјоделство и трговија на мало не значи дека не заслужуваат доволна нето плата за пристоен живот.  А ако зборуваш за зголемувањата на платите во државната и во јавната администрација конкретно, како и за зголемувањата на пензиите, е за тоа си во право, тие вештачки и неоправдано се зголемуваат, што секако дека ќе резултира со економски крах.  Знаеме дека тој економски крах ќе резултира со нови заеми и аранжмани со ММФ и Светска Банка и дека ќе колабираме економски како резултат на зголемени даноци, но тоа што мене лично ме интересира е:  Кој ќе ги плаќа тие зголемени даноци ?  Прашувам онака, бидејќи младината не планира да плаќа долгови за кои не е заслужна, поради што младите веќе од поодамна фаќаат џаде во странство во потрага по подобар живот.  Па затоа прашувам:  Кој ќе ги плаќа тие зголемени даноци и долгови ?  Пензионерите, кои први ќе се најдат на тапет за намалување на пензиите ?  Вработените во државната и во јавната администрација чии што плати можеби ќе се најдат на тапет за намалување или за замрзнување, или па можеби и нивните работни места ќе се најдат на тапет за укинување ?

Види сега не ми курдисувај вакви услови само и само ако си живеел смееш да размислуваш за тематикава, а во обратниот случај немаш право и осет да зборуваш. Целото мое останато семејство се во Скопје така што имам доволно информација. И да и тие кубурат и им е тешко, како то верувам на сите останати. За жал комплетно си ја утнал поентата или просто немаш познавање како функционира реалната економија.

Второ јас ја коментирав горната статистика, која верувам е приближно точна и таа е дека просечната нето плата во Македонија е 458, а не 258 долари. Ајде дај ми релевантен извор за твојава информација.

Најважно е тоа што платите во секоја држава би требало да се определуваат според тоа колку произведуваме и извезуваме! А не според желбата на пермиерот или негов декрет (од денес за утре покачуваме плати за 5% или мин. плата за 10% да речеме). Јас се разбира сакам платите во Македонија да се високи и да се живее достојно и квалитетно. Но, крајно време е да се соочиме со реалноста дека ние ништо не произведуваме ниту правиме! Како може Македонија воопшто да е во иста категорија со Романија и Бугарија, кои се со неспоредливо подобри економски показатели од нас: Произведуваат и извезуваат неколку пати повеќе од нас по глава на жител, имаат многу силни услужни сектори (ИТ, туризам, аутсорсинг...), имаат просечна стапка на невработеност итн.

Значи баш нереално високите плати за кои нема основ и приход од којшто би се исплатувале се причина постепено државата да се води кон банкрот, задолжување и болни реформи.

И токму администрацијата е најголемиот јадач на плати кај нас бидејќи државата е најголем работодавач! Како тоа мислиш да ја исклучиш неа. Во цел свет платите ги диктира приватниот секот, само кај нас е државниот.

И како тоа никој немало намера да ги враќа долговите? Да не мислиш дека некој ќе ни ги прости? И баш таа нереално висока просечна плата е еден од најважните фактори кои го билдаат долгот и го кочат развојот, Наместо 50% од буџетот да се трошеше за плати (сега давам пример), замисли ако се трошеа 30% и тие останати 20% се насочеа кон капитални инвестиции?

Затоа јас мислам дека правилната развојна политика е не купување на краткотраен социјален мир, туку болни реформи во продолжение на 5 години, силни и разумно насочени инвестиции во неколку полиња, за после тој период имаме стабилна основа на која би го граделе понатамошниот и за разлика од сега реален развој.

Originally posted by Andrej_LJ Види сега не ми курдисувај вакви услови само и само ако си живеел смееш да размислуваш за тематикава, а во обратниот случај немаш право и осет да зборуваш. Целото мое останато семејство се во Скопје така што имам доволно информација. И да и тие кубурат и им е тешко, како то верувам на сите останати. За жал комплетно си ја утнал поентата или просто немаш познавање како функционира реалната економија. Второ јас ја коментирав горната статистика, која верувам е приближно точна и таа е дека просечната нето плата во Македонија е 458, а не 258 долари. Ајде дај ми релевантен извор за твојава информација. Најважно е тоа што платите во секоја држава би требало да се определуваат според тоа колку произведуваме и извезуваме! А не според желбата на пермиерот или негов декрет (од денес за утре покачуваме плати за 5% или мин. плата за 10% да речеме). Јас се разбира сакам платите во Македонија да се високи и да се живее достојно и квалитетно. Но, крајно време е да се соочиме со реалноста дека ние ништо не произведуваме ниту правиме! Како може Македонија воопшто да е во иста категорија со Романија и Бугарија, кои се со неспоредливо подобри економски показатели од нас: Произведуваат и извезуваат неколку пати повеќе од нас по глава на жител, имаат многу силни услужни сектори (ИТ, туризам, аутсорсинг...), имаат просечна стапка на невработеност итн. Значи баш нереално високите плати за кои нема основ и приход од којшто би се исплатувале се причина постепено државата да се води кон банкрот, задолжување и болни реформи. И токму администрацијата е најголемиот јадач на плати кај нас бидејќи државата е најголем работодавач! Како тоа мислиш да ја исклучиш неа. Во цел свет платите ги диктира приватниот секот, само кај нас е државниот. И како тоа никој немало намера да ги враќа долговите? Да не мислиш дека некој ќе ни ги прости? И баш таа нереално висока просечна плата е еден од најважните фактори кои го билдаат долгот и го кочат развојот, Наместо 50% од буџетот да се трошеше за плати (сега давам пример), замисли ако се трошеа 30% и тие останати 20% се насочеа кон капитални инвестиции? Затоа јас мислам дека правилната развојна политика е не купување на краткотраен социјален мир, туку болни реформи во продолжение на 5 години, силни и разумно насочени инвестиции во неколку полиња, за после тој период имаме стабилна основа на која би го граделе понатамошниот и за разлика од сега реален развој.

 
Не ти курдисувам, туку сум реален, а ти ако сакаш и цел град во Македонија нека ти биде твое семејство, ако не си го почувствувал тоа кубурење, како што ти го нарекуваш, на своја кожа барем во изминативе 10 месеци, тогаш не знаеш како е навистина, без разлика колкаво е твоето семејство и низ што поминува.
 
И ќе ме извиниш, но на мене лично не ми делува дека платите ги диктира државниот сектор. Да, точно е тоа дека платите во државната и во јавната администрација мораат да се земат во предвид, но мораш да го земеш во предвид фактот дека мнозинството вработени во Македонија не работат во државната или во јавната администрација. И се разбира, во приватниот сектор платите се многу помали во споредба со државниот сектор, што зборува дека државниот сектор не ги диктира платите.
 
Кој е релевантниот извор на мојата информација ?
 
Па претежно градежните работници кои работат на објектите од проектот Скопје 2014, кои понекогаш кога ги фотографирам објектите, успеваат да соберат храброст за да ми кажат дека едвај поминуваат месец со 200 евра месечна плата, што е нешто околу 270 американски долари, односно само 12 американски долари повеќе од сумата која јас ја спомнав - 258 американски долари. А зборуваме за проект финансиран со народни пари, а знам и други кои работат на објекти кои се приватни инвестиции.
 
Но не се само градежниците, имам и пријатели кои се занимаваат со информатичка технологија, некои работат во најникакви услови - од техничка гледна точка не се опремени со современи компјутери и со потребната технологија за да работат непречено, а како капак на се, работодавачите им ставиле до знаење дека дури и да напредуваат, сепак платите ќе им останат исти, а замисли зборуваме за информатичка технологија, една од движечките сили на светската економија. На програмерите и веб дизајнерите ова сигурно не им смета бидејќи примаат претежно задоволителни плати - над 20.000 денари месечно, но не знам дали системските администратори, тие кои работат во техничка поддршка, или тие кои ги местат оптичките кабли за Македонски Телеком се задоволни со месечните плати од 200 евра, а замисли, некои примаат плати и од 10.000 денари месечно бидејќи работеле 40 часовна работна недела од понеделник до петок, односно не сакале да работат во сабота, па затоа наместо 12.000 денари, им даваат плата од 10.000 денари месечно.
 
И ги има ред други примери со плати кои изнесуваат можеби дури и помалку од половина од сумата објавена на мапата.
 
Во целост си во право за некапиталното и нетранспарентното трошење на буџетот и во целост си во право дека платите не можат да се зголемуваат и да се намалуваат по желба на политичарите, но Македонија нема таков развиен приватен сектор како Бугарија и Романија кои ти ги спомна, како и ред други држави со развиени приватни сектори, но сепак приватниот сектор си тера по свое, едни се платите во државната и во јавната администрација, а други се платите во приватниот сектор.
 
Не реков дека никој нема да ги плати даноците и долговите, туку реков дека младината не делува заинтересирана да ги плаќа даноците и долговите.
 
Со две третини невработена младина, како можеш да очекуваш од невработениот матурант или апсолвент или магистер, од свој џеб да плаќа долгови и даноци за кои тој не е заслужен ? 
 
Поголема е веројатноста дека ќе банкротираме, но прашањето е кој модел ќе го следиме:
 
1. Целосен банкрот по примерот на Исланд - ова е речиси неизводливо бидејќи во Исланд, не граѓаните, туку банкарите и политичарите го кркаа стапот бидејќи ги задолжувале граѓаните, поради што добар дел од банкарите и политичарите завршија зад решетки, а граѓаните на Исланд на референдум изгласаа дека одбиваат да и ги вратат на ЕУ парите кои му ги даде на Исланд;
 
или
 
2. Делумен банкрот по примерот на Грција - ова е повеќе од сигурно реалното сценарио што ја чека македонската економија, македонските политичари не смеат да прогласат целосен банкрот, бидејќи денарот е фиксна валута врзана за еврото, поради што сигурно ќе потпишат нови аранжмани со ММФ и Светска Банка, а цехот се разбира, ќе го плаќаат граѓаните, со плаќање камати и зголемени даноци.
 
Но јас лично не верувам дека младиот Македонец кој штотуку матурирал или дипломирал или магистрирал, тазе невработен, би бил заинтересиран да ги плаќа долговите и зголемените даноци, знаејќи дека има живот и надвор од Македонија и дека не завршил средно образование или факултет за да го плаќа цехот за глупостите на други луѓе.
 
Секако дека ќе има кој да ги плаќа долговите и зголемените даноци, но без младина, оваа држава ќе остане осудена на демографски колапс, бидејќи работодавачите претежно ги третираат младите како неспособни, со разликата што не ги нарекуваат неспособни, туку ги нарекуваат неискусни, но во реалност ги третираат како неспособни, поради што не им пружаат ниту обука, ниту пракса, освен ако државата финансира обука или пракса преку државната Агенција за вработување, па така ем ќе и ги соберат парите на државата, ем можеби ќе се освежат со нови кадри бидејќи меѓу тие практиканти има и вистински таленти кои навистина се разбираат од својата професија.
 
Соочени со ваквата сурова реалност, младите заминуваат во странство по обука и по пракса, или по привремена работа, но кога ќе видат дека и во странство има убав живот без плаќање на цехови за глупостите на други луѓе, најкомотно ќе одлучат да останат во странство и таму да си ја поминат младоста, а можеби и остатокот од животот.
 
Постарите Македонци нема вечно да живеат, а после нив, без младина и со демографски колапс, ќе нема кој да ги плаќа долговите и даноците во оваа држава, по што ќе следува и државен колапс, а не верувам дека Берлински ѕид ќе биде решение за таквиот проблем, видовме како тоа резултираше во Источна Германија.


Edited by Dexter26 - 04-Nov-2013 at 16:41

Edited by Џоле - 05-Nov-2013 at 14:20

Знам дека мапава е преголема, ама исто така мислам дека содржи доста битни и интересни податоци

Мапи на наоѓалишта на полускапоцени и скапоцени камења:

Басени со нафтени шкрилци во светот:

Мене во таа мапа ме чуди зашто Македонија не е во таа група над 10000 исто така и Босна, и ние и Босна имаме огромни ресурси на питка и чиста вода.

Линкот до страницата:

Water Availability in Reference to Water Needs in Poland: The Importance of Correct Estimation of Water Resources | Earthzine
http://www.earthzine.org/2012/01/09/water-availability-in-reference-to-water-needs-in-poland-the-importance-of-correct-estimation-of-water-resources/