Булевар АСНОМ / АВНОЈ (+изградба на нов мост)

И на Шилегов му смета што „АСНОМ“ долго е непрооден за сообраќај



Дел од булеварот „АСНОМ“ во Ново Лисиче, во близина на Паркот на авиончето, веќе две години, одвреме-навреме, е непрооден за сообраќај. Поради тоа, многу често, од страна на Ново Лисиече не може да се пристапи кон мостот кој води кон излез од Скопје.

Од другата страна на мостот, едната коловозна лента речиси постојано е затворена, со што се стеснува патот, па се ствара метеж.

Граѓани повеќепати реагираа, најмногу преку социјалните мрежи, дека предолго е затворен тој дел од булеварот и дека мора да го вртат речиси цело Ново Лисиче за да излезат од таму.

Сепак, според градоначалникот Петре Шилегов, Град Скопје не е надлежен за решавање на овој проблем, иако булеварите се во надлежност на Градот.

На новинарско прашање, при денешниот почеток на реконструкција на „Февруарски поход“, Шиелгов рече дека тоа не се градежни работи кои ги врши Градот Скопје.

– Тоа се работи на колекторскиот систем на Градот Скопје, меѓутоа инвеститор и изведувач на работите е Министерството за животна средина и просторно планирање и е нешто што и за мој вкус трае предолго. Навистина, немаме ние ингеренции таму. Да беше барем дел од работата под капата на градот, барем дел од булеварот и неговата непроодност, ќе беше за неколку дена завршен – рече Шилегов.

Инаку, градежните работи за изградба на колектори на Вардар за собирање отпадни води, почнаа во јуни 2018 година.

Парите за колекторот се од ИПА 2, за проектот „Подобрување на инфраструктурата за собирање на отпадните води во градот Скопје“ кој предвидува изградба на колектор на десниот брег на Вардар во должина од 3,4 километри и тоа од булевар „Србија“ до Железничкиот мост и во него ќе се слеваат отпадните води од постојната пумпна станица „Горно Лисиче“, потоа колектор на левиот брег на Вардар во должина од 4,5 километри од точката на моменталното празнење на постојната канализациска мрежа до железничката пруга, како и изградба на колектор од пумпната станица „Макошпед“ до поврзувањето со новиот главен колектор на левиот брег на Вардар.

Проектот, требаше да биде завршен во февруари 2020 година, е финансиран со средства на Европската унија во износ од над девет милиони евра и ко-финансиран од буџетот на Македонија, во висина од 15 отсто.

По изградбата со колекторскиот систем ќе управува Град Скопје, поточно, ЈП „Водовод и канализација“.(Б.Б.)

https://nezavisen.mk/i-na-shilegov-mu-smeta-shto-asnom-dolgo-e-neprooden-za-soobrakjaj

https://www.facebook.com/albekatgrup2019

Знае ли некој дали ќе биде запрена пешачката патека или ќе си продолжува континуирано под мостот?

https://www.facebook.com/p.shilegov/videos/980554129108342/

Да.

Од подалеку

Тоа го кажав и на почетокот,требаше прво да се оди со фаза 1 и фаза 3 а на крај да остане мостот бидејќи еве и да го пуштат следното лето нема ефект кога завршува во куќи.Знаеме како одеше експропријацијата за пералната на 3-та Македонска Бригада,исто и за патот кон Блаце така да ова ќе биде половичен проект бидејќи не се малку 150 објекти кои треба да се рушат доволно е еден-два да станат проблематични и отидоа 10 години.

Има некоја нова слика од мостот?

Што мислите, дали е можеби паметно некаде при крајот на изградбата на мостот, кога ќе се заврши градежниот дел,отприлика пред асфалтирање и занаетчиски работи да се стопираат намерно работите на мостот се со цел да неможе намерно да се стави во функција?! Прашувам зашто тоа би било злоупотребено од локалните мештани да пробаат да избоксуваат повисоки цени за експропријација со оглед на тоа што ако мостов се заврши порано само ќе им ја крене просечната цена на имотите зашто практично ќе бидат дел од населба Аеродром која е далеку поатрактивна и посредена за живеење. Зошто Град Скопје би си пукал во колено и би го довршувал целосно мостот и би го ставал во функција ако неможе мостот да ја постигне основната намена? А тоа е да обезбеди поврзување со раскрницата пред МРТВ. Вака подобро да не е воопшто во функција ако испаѓа дека одреден период би бил само за ќерамидница, подобро за да неможе да биде искористен за задни намери.

Edited by user8642 - 15-Jan-2021 at 00:05

https://www.facebook.com/albekatgrup2019