Гасификација

Ставревски објави дека наводно го ревидирале преддоговорот со Газпром и забелешките им ги пратиле назад. Наводно, сигурно е дека гасоводот ќе се гради во Македонија, но само како крак...

Многу контрадикторни информации деновиве. Веќе на ништо не верувам!

 
Исто така, според новата мапа, гасоводот Јужен Поток нема да поминува ниту низ Романија, како што беше планирано според старата мапа, ниту ќе се пушта крак од Бугарија или од Србија или од Унгарија кон Романија.
 
А ако нашинците се фалат со преддоговори, тогаш воопшто не треба да обрнуваме внимание на тоа што го говорат.
 
И јас потпишав преддоговор за студирање кога се запишав на факултет, но во самиот преддоговор пишуваше дека доколку не бидам прифатен како редовен студент, тогаш преддоговорот е неважечки, се поништува, а на мене треба да ми биде вратен назад делот од партиципацијата што предвреме го уплатив.
 
Па така и Газпром слободно може да куртули од нас кога сака, тие веќе куртулија од Грција, низ која требаше да поминува траса која требаше да ги снабдува северна Грција и јужна Италија, а можеби и јужна Албанија со руски гас, ако се отарасиле од цела една траса, тогаш сигурно се подготвени да се отарасат и од крак кон Македонија.


Edited by Dexter26 - 14-Nov-2012 at 19:37

Мене знаете ли што ми е интересно кога за Хрватска се дозна дека нема да биде земја низ која ќе транзитира Јужен Поток туку останува само со крак Хрватските медиуми и политичари рекоа не сме дел од Јужен поток тоа е голем наш неуспех.
Додека наштие медиуми и политичари кога за Македонија не е сигурно ни дали ќе има еден крак за свои потреби гордо велиме дел сме од Јужен Поток.

Овој постоечкиот гасовод велат се користел од наша страна само со 10% но проблемот е таму што има некој сопственички проблеми бидејќи некој предходни политичари имат направено ``добра зделка``

 
Тој постоечки магистрален гасовод воопшто не е поврзан со домаќинствата, кои треба да бидат негови најголеми потрошувачи, бидејќи со нивни пари е платена неговата изградба.
 
Но вистинскиот проблем е во тоа што ни самите домаќинства не се подготвени за гасификација, дури и да биде пуштен крак од Јужен Поток кон Македонија, сепак домаќинствата нема да бидат поврзани со истиот тој крак, од наједноставна причина, бидејќи не е изграден ниту еден гасен прстен во и околу македонските градови, со исклучок на Струмица и Куманово кои поминуваат низ процес на гасификација.
 
Поинтересно, позабавно, и пред се, побрзо можеме да ги фрлиме парите на споменици и на административни згради, отколку да ги инвестираме во гасни прстени, а се додека продолжуваме по ваквиот пат, ни Јужен Поток ни ништо нема да им донесе гас на македонските домаќинства.


Edited by Dexter26 - 15-Nov-2012 at 13:26

 
За жал тоа е точно, додека во реалност треба да биде поинаку, треба домаќинствата да бидат приоритет, бидејќи претежно со нивни пари е плаќана изградбата на тој постоечки магистрален гасовод.

Originally posted by Superman Македонија ќе се приклучи на Јужен тек преку Бугарија Никола Крстиќ Рускиот гас во Македонија ќе дојде преку Бугарија. Оваа е најверојатната траса за вклучување на земјава во проектот Јужен тек, потврдуваат од централата на „Газпром“ за МРТ. „Основната опција е организација на снабдувањето со гас од територијата на Бугарија. Во физибилити студијата подготвена од Газпром беа разгледани и алтернативни опции“, изјави за МРТ Маргарита Меликјан од Директоратот за информирање на „Газпром“. Македонија нема да биде транзитна земја, но ќе биде краен корисник преку посебен крак. Договорите за изградба на главната траса се веќе потпишани, велат во „Газпром“. „Со оглед на тоа што во ноември 2012 компаниите кои учествуваат во проектот ја потпишаа финалната одлука за инвестирање и за копнениот и за морскиот дел што минува низ териториите на повеќе европски држави, приклучувањето на Македонија е можно во фазата на инвестирање“, изјавија за МРТ претставниците на Газпром. Изградбата на главниот цевковод кој тежи 15 милијарди долари почнува на 7 декември. Првите количества гас ќе бидат испорачани во 2015-та. Непосредно пред стартот, компанијата ги промени плановите и се откажа од вклучување на Грција и на Хрватска во проектот. Од друга страна, Македонија иако првично не беше планирана издејствува да фати приклучок. Нацрт – спогодбата со Русија беше потпишана во јули. „Вклучувањето на Македонија во Јужниот тек ќе ја зголеми енергетската сигурност на земјата и ќе го подобри начинот на живот на граѓаните”, изјави Максим Александрович Травников, заменик-министер за регионален развој на Руската федерација (4.7.2012). Гасоводот ги преплетува и економските и политичките интереси. Вашингтон загрижен за можното ширење на руското влијание. Помошникот - државен секретар вчера порача дека земјите кои се зависни од еден снабдувач може да станат и политички зависни. Според премиерот вклучувањето на Македонија може да има само позитивни ефекти. Цела Европа добива гас од исто место, Русија, вели Груевски. Се работи и на подготовките за изградба на националниот систем. Меморандум за соработка беше потпишан со „Стројтрансгас“ којшто треба да употреби 60 милиони евра од рускиот клириншки долг за изградба на системот во земјава. Дополнителни 15 милиони ќе бидат одвоени од државниот буџет. http://www.mtv.com.mk/mk/vesti/makedonija/67521/makedonija_kje_se_prikluchi_na_juzhen_tek_preku_bugarija.aspx

Сега ќе објаснам зошто мислам дека ова се прикани за мали деца и целно манипулирање на јавноста. Прво сакам да подцртам две клучни работи:

1) На Македонија не и треба гасовод за краен корисник, туку и треба транзитен гасовод барем кон некоја земја заради наплатување на транзитни такси! Овие пари би оделе во буџетот. На нас не ни треба нов гасовод, паралелен на сегашниот, кој се користи само на 10% од својот капацитет.

2) Хрватска и Грција беа вклучени во проектите за транзитни гасоводи и нивното губење се разбира е пораз и загуба за тие земји. Македонија никогаш не била и не е дел од Јужен поток, дајте да стане јасно еднаш за секогаш. Денеска во Софија беше потпишан договорот за Јужен поток со Бугарија, како последна земја со која беше потпишан договор. Македонија никаде не се споменува и нема да се спомене бидејќи нема потреба.

Понатаму:

3) Еве еден скрин од БНТ за трасата на гасоводот на територијата на Бугарија. Како што се гледа на сликата. Јужен поток целосно ќе поминува на северот од земјата, нема ни близу да поминува до Софија. Тоа значи дека ќе биде оддалечен околу 300-400 километри од нашата територија, што ја прави изградбата на кракот кон Македонија уште поневеројатно. Тоа би било поврзано со уште поголеми трошоци за Газпром, со никаква јасна цел: како што кажав Македонија користи само 10% од сегашните капацитети и нема да биде транзитна земја за трети пазари!

Влезот на Јужен поток при Варна, односно Компресорска станица Галата 1:



Трасата на Јужен поток низ Бугарија, на околу 300 километри од границата на Македонија:



4) За нас е од далеку поголема важност да се изградат внатрешните магистрални гасоводи (како деј од Клириншкиот долг), односно мора да се забрза исполнувањето на договорот со Стројтрансгаз! Така би можело да го користиме во поголема мерка постоечкиот гасовод од Бугарија.

5) Груевски е докажан манипулатор и незналица - Македонија нема да стане енергетски понезависна, туку уште позависна од Русија и рускиот гас бидејќи со изградба на евентуален крак од ЈП кон МК сиот гас ќе се добива од Газпром. Видовме какви последици има тоа при запстрување на односите пред неколку зими кога Европа остана на темно и ладно! И баш заради тоа сите земји во Европа и ЕУ се стремат кон намалување на делот на зависност од рускиот гас. Така што е срамота Премиер да плешти вакви будалаштини - значи нема осет, знаење и претстава што се случува во реалниот свет кој го опкружува!

постојат и такви варијанти,а имаше разговори преку јужен ток да се затвори клириншкиот долг што го има русија кон македонија,но тука и бугарите се посреди кои комотно заради свои икс причини безбедносни,геополитички,економски итн. да условувале со компромис околу рутата

Originally posted by beTon Руски гасовод не може кроз Србију Амерички гасовод „Набуко“ може, али руски „Јужни ток“ не може проћи кроз Србију      Српска политика - 05 мај 2008 незнам колку ова ќе излезе на арно за нас...?но како тргнало најубаво е сами да си финансираме крак до бугарија и да не чекаме многу ни на србите ни на америте...

Сакам да се осврнам на глупавата и полтронска игра која ја игра Македонија. Ние наместо да се тртиме и пупиме безусловно на Газпром (и подобни фирми ви било кој сектор на економијата), треба пред се да ги гледаме нашите ползи и да ги заштитиме нашите интереси. Се разбира ова не смее ниту треба да биде на уштрб на туѓиот интерес, но треба да се покаже дека сме држава и да се разбереме за двостран интерес.

Имено, денеска не случајно беше потпишан договорот со Бугарија последен. Бугарија го условуваше потпишувањето на договорот за транзит на ЈП преку нејзината територија со голем попуст и намалување на цената на гасот во земјата. Иако од Газпром велеа дека нема да се согласат на повеќе од 11% намалување на цената во однос на сегашната, сепак земјата издејствува фантастични 20% намалување. Со тоа Бугарија ќе добива гас на една од најниските цени во Европа што ќе резултира со подобра конкурентност на индустријата, како и намалување на сметките за парно греење во сите градови на земјата. Така, наместо досегашните 391$ за 1000 кубни метри, земјата ќе плаќа само 313! За споредба Македонија плаќа по 462$, а Србија фантастични 490$ за 100 кубни метри гас, што е сериозна разлика. Тоа ќе доведе до 300 милиони долари помалку трошоци за земјата на годишно ниво, кои до сега се одлеваа за покривање на енергетските нужди од увоз. И тоа згора на огромните транзитни такси, кои ќе ги зима Бугарија, како главен сегмент во Јужен поток, со најголема должина на цевките низ нејзина територија споредбено со другите учесници во проектов - над 530 километри.

Мапа за цените на рускиот гас во Европа по држави:

Originally posted by +Protagorist постојат и такви варијанти,а имаше разговори преку јужен ток да се затвори клириншкиот долг што го има русија кон македонија,но тука и бугарите се посреди кои комотно заради свои икс причини безбедносни,геополитички,економски итн. да условувале со компромис околу рутата Originally posted by beTon Руски гасовод не може кроз Србију Амерички гасовод „Набуко“ може, али руски „Јужни ток“ не може проћи кроз Србију      Српска политика - 05 мај 2008 незнам колку ова ќе излезе на арно за нас...?но како тргнало најубаво е сами да си финансираме крак до бугарија и да не чекаме многу ни на србите ни на америте...

Не ми е јасно што сакаше да кажеш во овој пост, но целиот е погрешен:

1) Прво и основно е што Набуко е проект на ЕУ кој цели намалување на зависноста на Европа од рускиот гас. Токму затоа овој гасовод ќе поминува само и исклучиво преку земји членки на ЕУ. Така што полтронска Србија (кон Русија се разбира) не доаѓа во обзир за трасата на Набуко. Македонија пак уште помалку затоа што нема таква потреба. Патот од Истанбул до Виена не поминува ниту приридно, ниту географски низ Македонија. Значи Набуко заборавете го.

трасата на Набуко:



трасите на Набуко (ЕУ) и Јужен поток (Русија) и Северен поток (Русија-Германија):



2) Клирингшкиот долг никогаш не е планирано да се покрива со изградба на Јужен поток (за кој одговара Газпром), туку за продолжување на магистралниот гасовод низ Македонија за внатрешните потреби (за што одговара Стројтрансгаз). Значи да не се мешаат работите под притисок на манипулациите и незнаењето на нашите политичари! Јужен поток е транзитен гасовод за Европа, а не е наменет за потрошувачите во змејите низ кои транзитира.

3) Нема ама баш никакви индикации да имаме проблеми со Бугарија во врска со гасот. Прво ние веќе 20 години добиваме руски гас преку Бугарија и никогаш не сме имале проблеми! Проблемите се кај нас заради спорот Макпетрол вс. ГАМА. Второ на Бугарија и одговара што поголеми количества да транзитираат преку нејзината територија бидејќи тоа значи прилив на чисти девизи во буџетото од транзитните такси. Трето доколку Газпром и Македонија се договорат, Бугарија нема ама баш никаква улога и механизми за манипулација, проблемот е што нема потреба тоа да се случи - на Македонија не и треба нов гасовод кон Бугарија, туку ширење на внатрешната мрежа. Се разбира ова важи доколку Македонија не е транзитна држава, а тоа така ќе се задржи. Албанија има заеднички проект со Италија и Грција за гасовод Бари - Драч - Тирана - Солун кој целосно ќе ги покрива нуждите и!

што има јас да кажувам мапата ти кажува,односно дека уште од времето повеќе варијанти се во игра,а на крај преговорите,условите,сојузниците се тие кои диктираат што како ќе потпишат,останатото што кому му се сонило или ќе си надроби тоа е друга работа,та чим грците не им се исплатлива што па ние,а дека сами ќе фрлиме камен за нов крак до бугарија тоа тешко,може од србија да пуштат да оди еден кон македонија и грција понатака?!


едит:

Ниту нафтата нѐ направи Грци, ниту гасот ќе нѐ направи Руси Америка се загрижи дека рускиот гас што ќе дојде во регионов преку гасоводот „Јужен тек“ ќе ги направи овдешните држави зависни од Москва. Филип Гордон, помошник-државниот секретар задолжен за европски прашања, реагираше на најавите дека наскоро ќе почне изградбата на овој голем енергетски инфраструктурен проект, со кој гасот од Русија, преку балканските земји, ќе се пренесува до Западна Европа. Тој го предупредува Балканот дека не треба да биде зависен само од еден снабдувач за своите енергетски потреби. - Многу сме јасни дека еден од приоритетите се јужниот коридор и разновидноста во енергетското снабдување на Балканот и во Средна и Источна Европа. Земјите што за своето енергетско снабдување се зависни од само еден снабдувач се и политички зависни. Затоа има голем економски, политички и стратегиски интерес да имаме разновидност во енергетското снабдување. Ние не сакаме да избираме и да промовираме гасоводи, туку да промовираме разновидност во снабдувањето - изјави Гордон. Многу често е истакнувано дека денешниот империјализам се спроведува по економски пат, а не со пушки како што порано Франција, Велика Британија, Шпанија, Холандија и други ги правеле своите светски империи. Наместо со куршуми, големите сили сега стрелаат со пари. Но дали еден гасовод е доволен? Аналитичарите се согласни - ни оддалеку. Особено не за Македонија. Ние досега и онака живеевме без природен гас, па ако тој стане политички проблем, би можеле едноставно да се исклучиме и да се вратиме на сегашните начини на снабдување со енергија, кои, иако се поскапи, барем се понезависни. Од друга страна, ние допрва треба да станеме зависни од рускиот гас, а цела Западна Европа веќе зависи од него. Па, и покрај тоа, никој не споменува дека Русија ја диктира политиката на Германија, или можеби на некоја малечка земја, Луксембург на пример. КОЈ ВО ЕУ Е РУСКИ ПОСЛУШНИК? Сигурно дека со внимание треба да се следат тие изјави и тешко е да се оцени и да се коментира една толку кратка порака, без дополнителни образложенија, но еден гасовод не е доволен за клучно политичко влијание, смета аналитичарот Огнен Малевски. - Во Европската Унија се водеше дебата за зависноста од рускиот гас, кога испораката беше прекината поради проблемот меѓу Русија и Украина. Но таму се говореше за економска зависност, не за политичка. Во овие големи проекти секогаш има политичка димензија, но мислам дека е пренагласено да се издвои само гасоводот како клучен фактор за политичко влијание. Самиот гасовод води до одреден степен на зависност и на влијание, но тоа не може да биде детерминирачко - додава Малевски. За српскиот аналитичар и поранешен дипломат Огњен Прибичевиќ ова е само вообичаена игра на светските големи сили. - Нормално дека тоа не е точно. Не може да се очекува дека Западен Балкан или целата Југоисточна Европа би биле политички зависни од Русија поради „Јужен тек“. Америка, како светска велесила, со ова сака да пресретне одредени активности на една друга велесила. Тоа е природно однесување на големите сили и само како такво може да се набљудува. Од друга страна, и Германија е зависна од рускиот гас, па не можеме да кажеме дека е политички зависна од Русија. Ни оддалеку - се надоврзува Прибичевиќ. Македонија, од друга страна, целата нафта ја увезува преку Грција, и токму „Хеленик петролеум“ преку „Окта“ има доминантна позиција на нашиот пазар. Зошто, тогаш, ова досега не нѐ направило политички зависни од Грција? Уште повеќе, не може да нѐ натера ниту да попуштиме пред нивните црвени линии во спорот за името. - Во одредена мера, аналогијата е таа. Во стратегиските анализи секогаш се земаат предвид овие фактори, но конкретниот не би можел да има некое клучно влијание за со него да се диктира, на пример, стратегиската определба на една земја - додава Малевски. ПОРАКА КОН СРБИЈА Според Малевски, ако изјавата на Гордон се стави во поширок контекст со однесувањето на одредени земји во регионот, тогаш можеби би имало смисла. Пред сѐ, тука се мисли на блискоста на Србија со Москва. - Мора да се нагласи дека Македонија не е дел од главната траса на „Јужен тек“. Таа е само корисник преку еден негов крак. Филип Гордон е сериозен функционер и неговата порака треба да се сфати сериозно, но мислам дека не е наменета за Македонија, туку за други земји - истакнува тој. И Прибичевиќ се согласува дека пораката пред сѐ ѝ е упатена на неговата земја. - Иако не се споменати конкретни држави, мислам дека пораката ѝ е наменета пред сѐ на Србија, но и покрај тоа, кај сите други земји во регионот привлекува внимание и сите сакаат да видат што ќе произлезе од тоа. Многу поинаков ќе беше контекстот, на пример, ако Америка можеше да нѐ снабдува со гас. Но тоа е невозможно и затоа нема никаква причина оваа изјава да предизвикува загриженост. Сите овде сакаме да имаме квалитетно снабдување со гас, но и да бидеме членки на Европската Унија, тоа му е јасно секому - заклучува Прибичевиќ. САД не го забораваат Балканот Претставувајќи ги приоритетите на американската политика на Балканот пред Атлантскиот совет во Вашингтон, Гордон ја споменал неодамнешната турнеја на државната секретарка Хилари Клинтон како знак дека САД не го забораваат овој дел од светот. - И покрај тоа што сме соочени со огромни предизвици низ светот, никогаш не заборавивме на Балканот, со кој нѐ обврзува долг и историски интерес. САД и ЕУ работат рака под рака за решавање на овие глобални предизвици, и така е и на Балканот. Ние не се натпреваруваме, напротив, знаеме дека не можеме да успееме во регионот без Европа и Европа не може да успее без нас - нагласил Гордон. Според Дејвид Вилсон, извршниот директор на Атлантскиот совет, американската политика на Балканот во голема мера е ограничена од кризата во еврозоната. http://novamakedonija.com.mk/NewsDetal.asp?vest=111612853436&id=9&prilog=0&setIzdanie=22731

Edited by +Protagorist - 16-Nov-2012 at 20:17