Автопати и експресни патишта (општо)

Коридорот 10д доколку се развие со автопат или експресен пат, сигурно ќе се користи како алтернатива за коридорот 10. Летно време и онака има гужва по цело коридор 10, па така сите што одат на одмор накај Јонско море, би го користеле овој пат. Пократок е за 50-тина километри и веројатно помалку време би се задржувале на граница. Во Грција само мал дел не е автопат. Исто така развојот би значел и подобра поврзаност на пограничните градови. Битола и сега има добра економска поврзаност со Грците, но тоа уште повеќе би се подобрило. Исто така доколку сакаме повеќе туристи во Охрид, мора да се направи еден асален пат од Битола до Охрид. Знам дека пределот е планински и би чинел повеќе од останатите патишта, но само така би имала една децентрализација на државата и развој на повеќе поголеми градови.

Позитив

ЕБОР одобри 86 милиони евра за изградба на патните правци Охрид - Пештани и Струга - Требеништа

Европската банка за обнова и развој и одобри на Република Македонија средства во вкупен износ од 86 милиони евра за изградба на патните правци од Охрид до Пештани и од Струга до Требеништа.

-Изградбата на новиот експресен пат од Охрид до Пештани во должина од 14,5 километри ќе се гради паралелно на постојаниот пат покрај плажите, а во натамошниот период ќе биде меѓусебно поврзан со попречни локални патишта. Со изградба на оваа делница на ниво на експресен пат ќе се олесни протокот на сообраќајот низ населените места особено во летните месеци од годината, пишува во соопштението од Министерството за финансии на Република Македонија.


Автопатската делница од Требеништа до Струга ќе биде со должина од 8,5 километри. Автопатското решение предвидува изградба на нова делница со коловоз од по две ленти со широчина од 3,75 метри и по една застанувачка лента широка 2,5 метри во секој правец. Проектна брзина за движење на возилата ќе биде 120(130) км/час.

Изградба на овие патни правци ќе се реализира во рамки на втората транша од Програмата за национални патишта, за која се издвоени вкупно 160 милинони евра.

Освен средства за изграба на изградба на национални патишта, ЕБОР издвои и 145 милиони евра за втората фаза од железничката пруга кон Бугарија.

Според информациите од ресорното министерство, средствата се добиени со рок на отплата 15 години со грејс период од 4 години и каматна стапка која во моментов изнесува 1,15% (6-месечен ЕУРИБОР плус 1%).

© 2014 Ohridnews.com. Сите права се задржани.

Се согласувам од почеток до крај со напишаното вклучително и последната реченица.
Позитивно испадна во смисла задоволување со трошки за реални потреби, во време на мегаломанија за небитни работи.


Да имаше дел здрав разум дел од тие пари фрлени за бронза и копирање други места во Европа, веќе ќе се пробиваа и Штип - Радовиш - Ново Село, (Охрид - Ресен)- Битола - Прилеп - (Градско/Извор - Велес), Куманово - Крива Паланка...

јес да е малку омразен тип 'бурекот' но утре му гостува мин.миле јанакиевски.обично поопширно објаснува за тековните и планираните активности.не е лошо да се гледа емисијата

Ѓоко, една информација кажа, два пати се огради
Еве инфо од сајтот на Јанко „Министерот за транспорт и врски Миле Јанакиевски ќе биде гостин во Јади Бурек во петок, 14 ноември 2014. Почеток 22 часот на Сител 3.“

Струмица – Скопје ќе се вози преку модерна магистрала

Од Струмица до Скопје ќе се вози преку модерни магистрални патишта Наредната година ќе започне со изградба експресниот пат од Радовиш до Штип во должина од 35 километри.



Со оваа делница ќе се комплетира поврзувањето на југоисточниот со централниот дел на државата преку најсовремени патишта. Досега беше реализиран проектот магистрален пат Струмица – Радовиш, а во тек се градежните активност за изградба на автопатот од Штип до Велес.

- „Станува збор за траса којашто треба да добие широчина од 11,4 метри, значи, две по две траси, една за бавно возење и застанување и една за нормално одвивање на сообраќајот. Во правец по две ленти, вкупно четири. Би напоменал, станува збор за 22 километри, комплетно нова траса, додека останатите делот од влезот на Штип ќе се задржи старата траса…“ – изјави Љупчо Георгиевски, директор на Агенцијата за патишта, за локалната телевизија „Интел“.

http://strumicadenes.mk/konecno-strumica-skopje-kje-se-vozi-preku-moderna-magistrala/

Секаде фигурира оваа широчина од ~11 до 11.5 метри.
Еве што добиваме:

две ленти за возење со широчина од 3.25 метри
две ленти за застанување со широчина 2.0 метри
рабна лента по 0.45 метри(Велес-Кадрифаково е уште помала само 0.3 што е далеку од пропишаното 0.5)

Би требало да очекуваме ваков формат да бидат сите идни експресни патишта низ државава.Незнам зошто се штеди толку, а од друга страна се прават реклами за безбедност во сообраќајот.


Edited by jyvation - 14-Nov-2014 at 20:31

Ви се молам престането со ова тотално грешно определување на терминот експресен пат. Пат со вакви габарити не може по ниеден параметар да се нарече експресен, а само опасен квази пат. Јас мислам дека не треба да се градат вакви опасни квази патишта затоа што за децении напред ја закопуваат шансата да добиеме на овие делници нормални експресни патишта од типот на Тетово-Гостивар. Најмалку затоа што овие патишта во иднина нема да може туку така да се прошират, а на многу места ќе треба сосема нова траса и нови клучки. Демек во рамките на нашите животи нема да го дочекаме.

Правилник за категоризација на јавните патишта

http://www.mare.org.mk/index.php?option=com_content&view=category&layout=blog&id=63&Itemid=76

@phenomenon го знам правилникот но зошто да добиваме и во иднина вакви патишта?
И самиот текст вика 3.5 метри широчина.Нас во старт ни се намалува на 3.25 метри а немаме планински терен, посебно кај Велес-Кадрифаково и Штип-Радовиш.
Ние сакаме со тие пари што ќе ги добиеме да изградиме што е можно повеќе, и сето тоа да личи на некаков си експресен пат.
Уште вчера требаше некој да се јави кај Јанко Јадибурек и да го праша министерот какви се овие критериуми за експресни патишта во РМ.

Edited by jyvation - 15-Nov-2014 at 12:33

Eкспресен пат од Охрид до Пештани

Преку Програмата за национални патишта за која што дадовме силна поддршка како пратеници од пратеничката група на ВМРО-ДПМНЕ, се обезбедија средства за проекти во патната инфраструктура која што ќе ги подобри и осовремени патиштата низ државата, истакна на денешната прес-конференција, Сашо Василевски, пратеник ВМРО - ДПМНЕ.



Дел од средствата обезбедени за реализација на оваа Програма, подвлече, се однесуваат на изградба и реконструкција на повеќе делници, но денеска се задржа на изградбата на патниот правец Охрид - Пештани на ниво на експресен пат кој веќе се наоѓа во собраниска процедура односно го помина првото читање на 24-тата седница на Собранието на Република Македонија.
- Изградбата на новиот експресен пат од Охрид до Пештани, кој што е и повеќе од потребен, ќе се протега во должина од 15 километри и ширина од 11,4 метри ќе се гради паралелно со постојниот пат покрај брегот на Охридското езеро. Дополнително, во понатамошниот период се предвидува и меѓусебно поврзување на овој експресен пат со попречните локални патишта, појасни Василевски.
Изградбата на оваа делница на ниво на експресен пат, смета тој, значително ќе придонесе за олеснување на протокот на сообраќај низ населените места особено во летниот период од годината, но и за исполнување на барањата и потребите на граѓаните од овој предел за зголемување на безбедноста и сигурноста на учесниците во сообраќајот во иднина.

Според Василевски, реализацијата на проектот за изградба на експресен пат Охрид-Пештани значително ќе придонесе и за поквалитетна туристичка понуда, како и за поголема достапност на туристичките знаменитости кои што Република Македонија ги нуди во охридскиот регион.
Охрид и охридскиот регион, потсети, со проектите предвидени во патната инфраструктура ќе добие и автопатско решение, Кичево - Охрид, кој што веќе е во изградба.

- Сите овие крупни инвестиции и зафати кои што се прават во патната инфраструктура во овој регион, освен што ќе помогнат за равој на туризмот како најзначајна гранка, ќе обезбедат и забрзан економски развој, како и поголема и посигурна комуникација на граѓаните од овој регион со останатите делови од Република Македонија. Ова се проекти во патната инфрастурктура какви што Охрид и охридскиот регион не паметат децении наназад, појасни пратеникот Василевски.

Во име на пратеничката група на ВМРО-ДПМНЕ, пратеникот Василевски ја поздрави силната заложба на Владата на Република Македонија и најави оти како пратеници во Собранието на Република Македонија и понатаму ќе се залагаат максимално да ги застапуваат потребите и барањата на граѓаните кои што ги добиваме при секојдневната комуникација со нив.

http://vecer.mk/makedonija/ekspresen-pat-od-ohrid-do-peshtani