Возен ред

Имам приметено дека со новиот возен ред е намален бројот на вагоните на битолските возови од стандардните 5 вагони на 3-4 вагони. Има ли некаква причина за намалувањето, каде пропаѓаат патничките вагони во земјава?

Originally posted by BOJAN Polval, денес возот Скопје Кичево е со исто возно време како тогашниот Intercity воз. Се согласувам со тебе дека би можело да се поврзат Скопје и Кичево со брзи возови но само доколку линијата не завршува во Скопје. Би можело да се воведе во текот на летото ваков воз на релација Белград-Кичево за оние што патуваат на одмор во Охрид, а како поверојатна варијанта би ја истакнал онаа за поврзување на Приштина со Кичево. Поради мнозинското албанско население долж пругата, мислам дека оваа линија би била исплатлива, евентуално сегашниот воз од Приштина за Скопје да се продолжи до Кичево или да се воведат два возови дневни.

Кога веќе испадна идеја за брз воз Кичево-Скопје (или патнички нека е ,сеедно) зошто да не е продолжена линијата до Кочани,значи линија Кичево-Гостивар-Тетово-Скопје-Велес-Штип-Кочани,со еден пар со дом.ст.Кичево и еден дом.ст.Кочани + резерва во депо Лисиче на средина на линијата ?Секако и на двата правци возат Шпанците

Originally posted by BOJAN Тркало, се согласувам дека треба да постои железнички сообраќај помеѓу градовите од внатрешноста. Сепак, јас најпрвин би вовел воз на релацијата Битола-Кочани-Битола, бидејќи тоа се важни регионални центри кои имаат и универзитет, повисоки судски органи и други институции кои привлекуваат патници сами по себе. Еден Шпанец би бил добар за почеток. Потоа би вовел и воз на релација Куманово-Кичево-Куманово, бидејќи има голем број на луѓе кои патуваат меѓу овие градови. Дури потоа би размислувал за воведување на воз на релација Кичево-Кочани-Кичево. Да не заборавиме, дека ваков воз би требало да ја сврти пола Македонија за да стигне до Кочани за разлика од другиве две релации кои се конкурентни на автобускиот сообраќај. Конечно, доколку се реконструира пругата, би вовел и воз на релација Битола-Демир Хисар-Сопотница-Битола.

BOJAN, сепак за тоа треба да се согледа и возниот парк кој го има МЖ, а инаку пругата до Сопотница функционираше додека таму постоеше и работеше рудникот за железо. Покрај товарните пуштаа и патнички вагони. Денес ниту рудник работи, ниту воз сообраќа. Исто така мислам дека би било доста корисно да се направи пругата од Сопотница до Кичево ( околу 30км) со што би се добило "прстен" и со реконстукцијата на коридор 10д поточно Битола-Лерин, би било доста полезно за МЖ. Но, да видиме што ќе донесе времето...

Во право си во смисла на рентабилност и поголема исполнетост за патување сигурно би имало Кочани-Битола(знам имав доста колеги од факс шо се префрлаа во Велес и седеа понекогаш и по саат време,зависи од возниот ред).А за Кочани-Скопје-Кичево мислев баш за моменталнава ситуација,место да имаме 2 х Кенеди + 4-5 вагони за Кичево шо пијат нафта ко луди и 2 х Макоси за Кочани ,да бидат само Шпанците.Локомотивите ќе останат за товар и резерва ,а вагоните би се пренасочиле на Битола/Гевгелија.
А моментално Скопје-Битола не би било лошо да ја продолжат до Куманово,исто како примеров погоре да не пуштаат ел.локомотива со 2 вагони(во иднина со некоја си електрификација до Бт па и да ги заменат зелените).
Дај Боже да средат во МЖ поголем број возила,па некако да испаднит како шо замислуваме.

Originally posted by Danielbtmk Возови кои сообраќале Скопје-Битола и нивното постепено намалување...

Даниел, овие податоци ти се од студијата за рентабилност на линијата Скопје-Битола-Скопје изработена во 2006 година од Екосвест?

Тоа е навистина опфатна студија, ретка кај нас, која беше издадено и во форма на книга и тоа баш во моментите кога се предлагаше целосно укинување на патничкиот сообраќај кон Битола. Како што гледаш и пред 5 години се зборели за нерентабилноста на патничките возови влечени од Кенеди, нешто што и денес се случува. Камо среќа нашите политичари да работеа според ваквите студии!

Бојан,Владимир,Дание, случајно да не ги знаете на 29 јануари Скопје-Тетово термините ?

Edited by Dragan - 20-Jan-2011 at 22:50

аха значи секој ден е исто фала Владимир

Скопје-Тетово
Тргнува     Пристигнува
02:50 - 3:47
08:05 - 09:11
16:50 - 17:53

Tетово-Скопје
Тргнува     Пристигнува
06:33 - 07:35
13:19 - 14:22
20:18 - 21:19

Појасно?

Првите мислења за возниот ред на железниците во европските земји за 2011/2012 година веќе биле дискутирани на глобалната конференција во Љубљана оддржана од 10 до 14 јануари 2011 година. Според српскиот весник „Пруга“, претставници на грчките железници воопшто не се појавиле на конференцијата, но неофицијалните информации сеуште говорат за целосен прекин на меѓународниот превоз на патници кон/од Грција во текот на 2011 година.

Од нашата околина, за оние што патуваат кон Прага и Будимпешта преку Белград, возот Авала ќе биде уште понедостапен од Скопје поради тоа што од почетокот на април годинава ќе поаѓа 40 минути порано од Белград, веројатно поради неговото каснење во Прага. Наскоро ќе се воведе и нов ноќен воз за Сараево од Белград, покрај дневниот воз, но сеуште не е допрецизирано кога ќе започнат да сообраќаат новите Талго гарнитури. Од Белград ќе има и укинување на експресниот воз за Минхен, кој ќе сообраќа само до австриската граница како и ноќниот воз за Виена, кој ќе сообраќа само до Будимпешта.  

Не знам дали ќе може од Скопје, ама во секој случај да знаеш дека шалтерот во Солун за меѓународни возови отвара само 30-тина минути пред поаѓањето на возот, што е и повеќе од доволно време да купиш билет (воопшто нема гужва на тој шалтер).

Плус совет од мене, ако веќе решиш ра купиш од Солун, купи билет до Гевгелија, па симни се Гевгелија и купи до Скопје. Ќе ти се исплати, а време имаш прилично доволно во Гевгелија.