Битолски сообраќај (општо)

Message Topic Search Topic Options Post Reply Create New Topic Printable Version

Originally posted by АПЛА.МК

Вело патеки за 6 месеци до 2 години ветија некои од кандидатите, други побараа забрана за моторни возила и паркинзи во центарот

Сите кандидати за градоначалници изразија волја за еден мандат Битола да ја направат вело град, на денешната дебата што беше организирана по иницијатива на „Битола на точак“. Христо Кондовски од СДСМ дојде со готов проект за велосипедски патеки во должина од 20 километри кои рече дека ќе ги направи за 2 години, Тони Коњановски посочи дека ќе соработува со експерти од Техничкиот факултет, Горан Милевски од Движењето одлучно за промени рече дека уште следната година ќе постават вело патеки на улиците „Први Мај“, „Васко Карангелевски“ и „Партизанска“. Горан Тасковски од „Македонска ера трета“ рече дека проектот им е готов и можат веднаш да започнат со имплементација, за Јорго Огненовски од „Демократи“ за оваа тема нема потреба од многу филозофирање и за шест местеци може да се направи, а Зоран Лазаровски Паљо рече дека како незваисен кандидат нема сега ресурси да користи експерти, но доколку стане градоначалник ќе направи тим и ќе ја рализира замислата оти и онака е велосипедист.

Кондовски –велосипедски патеки од 20 км за 2 години

-Идам со готова програма, каде може и каде треба во иднина да се постави велосипедска мрежа. Онаму каде има услови почнуваме да работиме уште од првиот ден за да се постави, а за тоа има готова студија само не е имплементирана. Имаме и 3Д прикази. Онаму каде што нема можност, ќе се работи на условите. Работењето на 20 км велосдипедска мрежа ќе трае 2 години и ништо повеќе. Со тоа ќе се зафатиме веднаш. Имаме Локална стратегија за безбедност во сообраќајот која ја вклучува вело мрежата, се нарекува Визија 0 тоа значи 0 сообраќајни несреќи“, рече Кондовски.

Додаде дека во тимот има професионалец од областа, професорката Јасмина Буневска -Талевска од Техничкиот факултет. Таа ги покажа приказите и рече дека првите две години планирано е да биде реалзиирана примарната велосипедска мрежа од Довлеџик, Васко Карангелевски, Партизанска, Железничка, Иван Милутиновиќ и Булеварот, планирани се и рекреативни велосипедски патеки. Кондовски додаде дека сообраќајниот хаос во градот ќе се среди со подземна сообраќајница и гаража со зголемување на паркин местата од 60 на над 200.

Коњановски- Ќе соработуваме со Техничкиот факултет за најдобри решенија

Кандидатот на ВМРО-ДПМНЕ Тони Коњановски рече дека уште во првите месеци ќе направат меморандум за соработка со Техничкиот факултет, каде има експерти за оваа тема.

„Во делот на касарната каде улиците се 12 метри широки, со мала интервенција да се овозможат патеки. Кругот околу Битола големите сообраќајници, со добар проект кој ќе го дадат професионалци ќе се сработи. Еден мандат е доволен со стручана анализа и експерти кои си ја знаат работата Битола да стане вело град. Многу од работите што се кажаа се во колизија, од една страна се бориме за зелен град, а од друга страна центарот го силуваме со подземен паркинг, сообраќајница брза, го оптоваруваме градот. Ние веќе прифативме студија која ја изгласавме сите во Советот, сега таа пешачка зона повтрорно треба да се уништи“, рече Коњановски.

Милевски-10 пунктови од каде граѓаните ќе можат да користат општински велосипеди

Кандидатот од Движењето одлучно за промени, Горан Милевски рече дека деновиве ќе ја презентираат велосипедската патека на Булеварот „Први мај“, „Васко Карангелевки“ и „Партизанска“.

„Можеме да ветиме дека следната година ќе ги видиме овие патеки. Ќе биде комбинација на користење на уличниот простор и пешачката патека. Не сакаме средства кои се ограничени да ги инвестираме во подземна гаража, туку да ги натераме луѓето да не влегуваат во централното јадро со возила. Веќе следната година планираме во градот да има 10 пунктови од каде ќе можат да се изнајмуваат велосипеди и тротинети.Со вадење на месечна или годишна карта да можат граѓаните да користат општински велосипеди или тротинети“, рече Милевски.

Лазаровски – Никако паркинг во центарот на Битола

Независниот кандидат Зоран Лазаровски најмногу се спротивстви на градење подземна гаража во центарот на градот. Рече време е јадрото на Битола да се ослободи од возилата „тешкаши“.

„Треба да се намалат автомобилите, за 200 метри секој ја пали колата за да оди на кафе, до самопослуга. Паркингот во центарот не смее да постои. Во централното градско подрачје не смеат да се возат автомобили. Плоштадот во Софија нема паркинг, туку е коцка, гулаби, клупи. Пешачка зона да биде, катни гаражи да се направат на друго место, со сообраќајни инженери да се испитаат условите на кои улици може да има вело патеки, а на кои не“, рече Лазаровски.

Тасковски-Ние немаме основна инфрастуктура како патишта и тротоари

„Ние немаме основна инфраструктура како патишта и тротоари, кога одиме можеме да се сопнеме и да скршиме некоја коска зашто не се адекватно направени или не се одржани. Додека зборуваме за вело општина не можеме да се пофалиме дека ги имаме најосновните работи кои ни требаат за нас и лицата со попреченост“, рече кандидатот на „Македонска ера трета“.

„ Она што треба да се направи под итно е да се затвори централното градско подрачје за сите видови на моторни возила, да биде зелена вело пешачка зона, но како предуслов за тоа треба да се реши проблемот со паркингот. За да се реши тоа, треба да се направат трие фамозни катни гражи што ги спомнуваме години наназад и за тоа имаме решение“, рече Тасковски.

Огненовски-Вело патеки ќе направам за 6 месеци

Јорго Огненовски од „Демократи“ рече „ние во Битола немаме никаква инфраструктура, нешто на Шеталиште е обележано со некаква боја и толку е. Нашите улици се лом, да ти е страв да возиш и кола и точак. Кој каде ќе стигне паркира низ Битола. Треба на повеќе места во Битола да изградиме помали гаражи. Во центарот на градот да биде пешачка зона и за точаци. Вело патеки можеме да направиме за шест месеци“, рече Огненовски.

Виктор Илиев од Иницијативата „Битола на точак“ изрази задоволство што сите каднидати покажуваат волја да се изгради велосипедска инфраструктура и надеж дека оној што ќе стане градоначлник ќе направи од Битола вело град, па следните избори нема да зборуваме дали да има вело патеки, туку како да ги подобриме.

ИЗВОР: Портал Апла

Или јас сум премногу наивен, или самиот факт што воопшто ова е тема на разговор во предизборието е успех невиден. Успеале да се соберат да разговараат специјално на оваа тема (затоа и ја ставив и сликата) колку толку ветува нешто.

Од една страна сосем се слагам дека подземен паркинг е гаранција дека уште 50 години луѓето ќе одат во центарот со кола (за дистанци помали од 1 километар), ама па од друга страна паркинг таму мора да има, од проста причина што нема друга локација каде да се изгради во радиус од 1 километар. 

Битолски сообраќај (општо)

ЗАПОЧНА АСФАЛТИРАЊЕТО НА УЛИЦА КРУШЕВСКА РЕПУБЛИКА