Патарини

Валкани пари стануваат чисти = перење на пари. Едноставно.

Јас сум апсолутно согласен дека патарините кај нас се нешто толку ступидно, што дури ме фаќа жал, но тоа секако не е поради некакво „перење на пари“ (или што и да сакал да каже писателот), туку е едноставно непособност и немање визија.

Originally posted by Denko Originally posted by гитардемон Валкани пари стануваат чисти = перење на пари. Едноставно. Јас сум апсолутно согласен дека патарините кај нас се нешто толку ступидно, што дури ме фаќа жал, но тоа секако не е поради некакво „перење на пари“ (или што и да сакал да каже писателот), туку е едноставно непособност и немање визија. Zatoa prasav kako se perat pari na patarina. Ednostavno nikako ne mozam da sfatam kako necisti pari se legaliziraat (perat) preku patarina!

едино ако се испрани пари за изградбата на самата патарина

Originally posted by stef4o Мене најмногу ме нервира глупиот концепт на наплата кој го успорува возењето со 7-8 застанувања за делница помала од 200км. Незнам колку се користи MTag и колку е исплатливо,веројатно за превозници и фирми е корисно.

па и целосната сум меѓудругото... пресмешна е сумата што треба да ја потрошиш во ветер за да стигнеш до најблиските градови

Китанов од „Државни патишта“ си заминува со продадени 13.707 електронски картички и тагови во 2019

Државни патишта“ за половина година во 2019 успеало да продаде 13.707 електронски картички и тагови откако од минатогодишниот јули беше воведен електронскиот систем на наплата на патарините низ Коридорот 10.

Ова е наведено во тукуштообјавениот годишен извештај на претпријатието, кој претходно беше прифатен од Владата, речиси истовремено со потврдата дека директорот Зоран Китанов заминува во Одборот на менаџери на Македонски телеком.

Како споредба, само првиот месец беа продадени 5.870 електронски картички и тагови (Мтаг и Мкард), со кои може на едноставен и брз начин да се плати надоместокот на наплатните рампи Од „Државни патишта“ велат дека воведувањето на овој систем за прв пат во Македонија придонел за зголемување на наплатата, односно на приходите од патарина.

- Проектот беше успешно имплементиран и функционира беспрекорно. Во 2019 Претпријатието продаде 8.953 Мкард и 4.754 Мтаг, или вкупно 13.707 електронски уреди, велат од таму.

Електронскиот систем за наплата на патарините Романовце, Отовице, Сопот и Градско на Коридор 10, како и на наплатната станица Петровец стартуваше со отворањето на Контролниот центар за мониторирање и безбедност на патиштата кај наплатниот пункт „Петровец“.

Патарината се плаќа со бесконтактни смарт-картички и со микробранови транспондери, а покрај тие опции. Првата електронска картичка тогаш ја додели премиерот Зоран Заев, кој истакна дека на Коридорот 10 е воспоставен систем со врвна технологија што значително значително ќе ја намали можноста за манипулација.

За возачите кои поседуваат електронски уреди е ослободена посебна лента на сите патарини долж Коридорот 10. Возачите имаат и можност при секое надополнување на електронскиот уред да остварат попуст за патарина во висина од 2 до 7 отсто.

Електронските картички можат да се набават по цена од 100 денари, додека таговите чинат 1.200 денари, а се купуваат на наплатните рампи долж Коридорот 10 или во Контролниот центар на ЈП за државни патишта во Петровец.


Инаку јавното претпријатие за второто тромесечие од годината собрало 5,2 милиони евра помалку пари од патарини во однос на истиот период лани поради корона-кризата, покажува тукуштообјавениот квартален извештај за месеците април, мај и јуни.

Во споредба со истиот период од 2019, приходот врз оваа основа е помал за 40,29 отсто, што кореспондира со ковид-кризата и рестрикциите на движењето.

https://faktor.mk/kitanov-od-drzavni-patishta-si-zaminuva-so-prodadeni-13707-elektronski-kartichki-i-tagovi-vo-2019

Да, знаеме, доаѓа еден чесен и способен кадар од ДУИнг, кој после долгогодишното успешно работење на Пошта, сега ќе ги унапреди и Државните патишта.

Originally posted by ehrlich Да, знаеме, доаѓа еден чесен и способен кадар од ДУИнг, кој после долгогодишното успешно работење на Пошта, сега ќе ги унапреди и Државните патишта.

долгото успешно работење на пошта

Во Македонија има два термина кои се употребуваат тотално паушално без да се знае правото значење, тоа се "перење пари" и "банана држава". Кој го интересира нека прочита по интернет правото значење и кога се употребува.

Проработе патарината „Демир Капија“ на автопатот Скопје-Гевгелија, автомобилите ќе плаќаат 80 денари

Најновата наплатна станица „Демир Капија“ на автопатот Скопје-Гевгелија од 28 октомври е пуштена во употреба, потврдија за „Мета.мк“ од Јавното претпријатие за државни патишта. Патарината на оваа наплатна станица чини 80 денари за автомобилите, мотоциклистите ќе плаќаат 50 денари, додека другите категории на возила ќе плаќаат од 130 до 340 денари.

Патарината во Демир Капија е последната наплатна станица што е изградена на патниот Коридор 10, на која ќе се наплаќа надоместокот за користење на автопатот од Градско до Демир Капија и обратно. Кон крајот на август минатата година беше отворена новата наплатна станица „Гевгелија“, на која возачите го плаќаат надоместокот за користење на новоотворениот автопат меѓу Демир Капија и Гевгелија.

Со најновата наплатна рампа кај Демир Капија, граѓаните за патување од Скопје до Гевгелија во еден правец ќе треба да одвојат по 360 денари за да возат по автопат со својот автомобил. Оние коишто не сакаат да платат патарина за да го користат автопатот, на располагање им е стариот пат од Велес за Демир Капија на којшто не се плаќа никаков надоместок.

Инаку, заедно со изградбата на новите автопатишта, планирано е да се пуштаат и нови наплатни станици. Па така, на автопатот Миладиновци-Штип треба да се изградат две патарини – „Кадрифаково“ и „Преод“, додека на автопатската делница меѓу Кичево и Охрид ќе има една патарина кај Арбиново. За разлика од автопатиштата, на четирите идни експресни патишта коишто во моментов се градат низ земјава, во иднина не е планирано да се поставуваат наплатни станици и нема да се плаќа патарина.

https://meta.mk/prorabote-patarinata-demir-kapija-na-avtopatot-skopje-gevgelija-kolite-ke-plakaat-80-denari/

Ковид кризата ги намали приходите од патарина

Од јануари до крајот на октомври годинава на сите наплатни станици во државава била наплатена патарина на 25.275.212 возила при што е остварен промет од 1.707.754.473 денари.

Целата ситуација поврзана со пандемијата на Ковид 19 остави трага и во работењето на наплатните станици. Резултатите разбирливо не се на проектираната сума, меѓутоа, сепак не се занемарливи, велат за МИА од Јавното претпријатие за државни патишта.

Конкретно, најслаб промет од наплата на патарина по сите основи е регистриран во април кога во сила беа најригорозните мерки за ограничување на движењето, полициските часови и карантините. Наплатени се вкупно 96.115.367 денари. Најголем промет е остварен во август кога се наплатени 203.361.750 денари

Поради ситуацијата, во голема мера е намален сообраќајот на Коридорот 10 бидејќи отсуствуваат странските возила, немаше туристи и сето тоа се одразува на остварените резултати. Наплатните станици од Коридор 8 функционираат со поголем капацитет и кај нив моментално се остварува поголема наплата, велат од ЈПДП.

Извештајот на ЈПДП за првата половина од годинава покажува дека во тој период е остварен приход по основ на патарина во износ од 892.140.435 денари, односно 29,74 проценти од планираните. Споредено со истиот период од минатата година приходот по тој основ е помал за 20,46 проценти, односно 229.530.675 денари. Приходите од акцизата на нафтените деривати, пак, изнесуваат 1.389.920.116 денари, или 44,84 проценти од планираните, а споредено со првиот квартал лани се поголеми за 1,18 проценти. Од надомест за патна такса што се плаќа при регистрација на моторни возила е остварена повисока наплата за 0,14 проценти.

Продадени 20.602 уреда за електронска наплата

Во рамки на електронската наплата продадени се вкупно 6895 уреди, од кои 4366 електронски МСмарт картички и 2529 електронски уреди Мтаг, со што, годинава е остварен промет само од продажба на уреди во висина од 3.741.400 денари. Направени се 103.326 поединечни надополнувања на уредите и прометот по тој основ изнесува 235.366.191 денари. Извршена е и уплата на 5650 Билети за ненаплатена патарина (VT билети) со што е остварен промет од 1.006.100 денари.

Од започнувањето на електронската наплата на патарина, па до 15-ти месецов се продадени вкупно 20.602 електронски уреди.

-Ова укажува дека електронската наплата на патарина функционира успешно. Нашите корисници брзо се прилагодија на новиот систем за наплата затоа што самиот систем си има бенефити, брз проток, брз транзит, плаќање на фактури и онлајн, следење на состојби и транзити преку веб портал со што се избегнува дополнителна документација и слично. Фидбекот е позитивен, а тоа го покажуваат и остварените резултати, информираат од ЈПДП за МИА.

Три компании во трка за проектот за електронскиот систем за Коридорот 8

Во тек е евалуација на втората фаза од тендерот на ЈПДП за проектот за изградба и инсталација на електронски систем за наплата на патарини долж Коридорот 8 и автопатот Миладиновци – Штип. Во првата фаза понуди доставија пет компании од кои три се квалификуваа за втората фаза.

Проектот опфаќа, модернизација на постоечките наплатни станици на Коридорот 8 со електронски систем за наплата на патарина и изградба на нови наплатни станици на автопатот Миладиновци-Штип.

Вкупната вредност на проектот е 13,7 милиони евра, од кои 13 милиони евра се обезбедени од Европската банка за обнова и развој, а 700 илјади евра од Јавното претпријатие за државни патишта од својот буџет. Временската рамка за реализација на проектот е 12 месеци од потпишување на договор, нагласуваат од ЈПДП.

Билет за ненаплатена патарина

Доколку при поминување патарина сте го заборавиле паричникот ќе ви биде издаден билет со бар код (ненаплатен билет), за кој што дополнително се прави уплата. Билетот за ненаплатена патарина со налог за плаќање се издава на наплатните станици на кои е воведен електронскиот систем за наплата на патарина.

Во евиденцијата на Јавното претпријатие стои дека од почетокот на годината до крајот октомври била извршена уплата на 5650 билети за ненаплатена патарина (VT билети).

-Доколку корисникот на патот – сопственик на возилото не ја плати патарината или на кој било начин одбива да го стори тоа, му се издава билет за ненаплатена патарина со налог за плаќање во рок од 24 часа од моментот на издавањето, појаснуваат од ЈПДП.

Билетот за ненаплатена патарина со налог за плаќање се издава на наплатните станици на кои е воведен електронскиот систем за наплата на патарина. Корисниците на патот на кои им е издаден билет за ненаплатена патарина со налог за плаќање можат да го платат на секоја сообраќајна лента на наплатните станици каде се врши продажба и надополнување на електронските уреди и на официјалната веб страница на Јавното претпријатие за државни патишта, стои во член 10 од Одлуката за висината и начинот на наплата на патарини.

https://mk.tv21.tv/kovid-krizata-gi-namali-prihodite-od-patarina/

Избрана е градежната компанија, од февруари почнува изградбата на две патарини на автопатот за Штип



https://sitel.com.mk/izbrana-e-gradezhnata-kompanija-od-fevruari-pochnuva-izgradbata-na-dve-patarini-na-avtopatot-za