Спроти „Лук оил“ во Аеродром ќе никне нова бензинска

Во зелениот појас наспроти бензиската пумпа „Лукоил“, во близина на монтажниот паркинг во населбата Ново Лисиче, ќе се гради нова бензинска пумпа. Парцелата со површина од 3.042 метри квадратни, денеска на електронско јавно наддавање ја купи фирмата „Пуцко Петрол“, за цена од 1,6 милиони евра. Оваа фирма има ланец од неколку бензински пумпи и е во сопственост на Исмаил Јаоски, градоначалник на општина Пласница.
Сумата од 1,6 милиони евра, инвеститорот треба да уплати во рок од 15 дена, а во рок од девет месеци да обезбеди одобрение за градба. Во спротивно договорот еднострано ќе се раскине и 20 отсто од вкупната сума од отуѓувањето нема да се вратат на купувачот. 
Инвеститорот, во рок не подолг од шест години, треба да ја заврши изградбата на објектот, а доколку не се испочитува утврдениот рок, договорот ќе се раскине, а фирмата ќе плаќа казна во висина од 2 отсто од вкупно постигнатата цена на јавното наддавање, за секој изминат месец.
Како што истакна министерот за транспорт и врски, Миле Јанаќиески, ова е прво јавно наддавање за отуѓување на државно земјиште по електронски пат, но со тенденција да стане редовна пракса во работата на министерството.  
По 40 отсто од парите со кои е купена парцелата одат за Градот и за општина Аеродром, додека 20 отсто добива Министерството за транспорт и врски.

Добро. Но колку тоа ќе помине во Аеродром, или воопшто Скопје.

Што услуги има?

Зашто Лукоил освен нели, горива и потрошни материјали за автомобили, нуди и огромен избор на хранливи продукти (храна), пијалоци, и други продукти. Има и кафуле и детско игралиште.

Се што може да ти затреба, поготово кога си успат, или кога ништо друго неработи... можеш на Лукоил да си земеш. Малку е поскапо... ама... бензиска е... тоа е...

И сега кога веќе во нивна близина... т.е. спроти нив ќе има нова друга бензиска... сигурно нема да седат со скрстени раце, и сигурно ќе воведат и нови други атрактивни услуги...

Тендер за локации за бензиски пумпи во Прилеп, Свети Никола и Градско

Станува збор за три локации кои се наоѓаат во општините Прилеп, Свети Николе и Градско, а целта на јавните објави е овозможување нови инвестиции, односно изградба на нови бензински пумпни станици и услужни центри долж магистралните и регионалните патни правци, соопшти Министерството за транспорт и врски.

Локацијата во општина Прилеп се наоѓа на магистралниот пат М5 кој го опфаќа и патниот правец Велес – Прилеп – Битола. Станува збор за градежна парцела со вкупна површина од 27.070 метри квадратни со почетна цена на јавното наддавање од 300 денари по метар квадратен.

Локацијата во општина Свети Николе се наоѓа на регионалниот пат Р201, односно патниот правец Куманово - Свети Николе- Кадрифаково. Градежната парцела е со вкупна површина од 41.094 метри квадратни со почетна цена на јавното наддавање од 150 денари по метар квадратен.

Локацијата во општина Градско се наоѓа на магистралниот пат М1, односно на Коридорот 10. Станува збор за градежна парцела со вкупна површина од 27,982 метри квадратни со почетна цена на јавното наддавање од 130 денари по метар квадратен.

Пријавите за учество на јавните наддавања за секој алокација одделно може да се достават најдоцна до 12 март 2012 година. Право на учество во јавните наддавања имаат физички лица и правни  лица.

http://www.sitel.com.mk/dnevnik/biznis/tender-za-lokacii-za-benziski-pumpi-vo-prilep-sveti-nikola-i-gradsko