Музејски комплекс „Македонска Борба“

Половина милион евра за уметнички слики во музејот на ВМРО

Мери Јордановска	Коментари (0)

16.09.2010 18:57

Нови половина милион евра за уметнички слики ќе даде Министерството за култура. Парите ќе одат кај руски уметници за да го цртаат Илинденското востание и други настани од македонската историја.

Нивните слики ќе се најдат во музејскиот комплекс, заедно со восочните фигури на Тодор Александров, Мара Бунева, Ванчо Михајлов, Гоце Делчев, Крсте Мисирков.

Сликите и хонорарот за уметниците ќе го чинат буџетот петстотини илјади евра.

Склучени се 32 договори со 10 руски сликари - секој од нив ќе добие од 900.000 до 10 милиони денари за да нацртаат слики во музејскиот комплекс чија изградба е во тек.

Со нив, Министерството за култура преговарало во четири очи без да објави оглас. Ваквата постапка ја правдаат со тоа што станувало збор за авторски дела, врзани за заштита на ексклузивните права, па невозможно било да се применат објективни критериуми. Уметниците биле канети да учествуваат на конкурс.

„Станува збор за уметнички слики, односно масовни сцени со големи димензии, околу 6 метри. Портретите ги работеа македонски уметници, а масовните сцени странски уметници. Нив ги избра посебна жири комисија“, изјави за А1 министерката за култура Елизабета Канчевска Милевска.

Во Музејскиот комплекс на ВМРО и на жртвите од комунизмот ќе бидат поставени восочни фигури, портрети и масовни сцени.

Сто и петте восочни фигури чинат над 1,5 милиони евра. За портретите биле платени 600.000, а за масовните сцени на руските уметници, уште половина милион евра.

За овој музејски комплекс, кој ќе биде пуштен во употреба наредната година, се уште нема достапна информација - колку чини неговата изградба.

Ванчо Михајлов. 

А за тоа дека се Руски уметници... хмм незнам можеби нема доволно Македонски за сите дела.

Инаку зарем не можат да стават една мрежа со зелено на неа околу зоната каде што се гради? Нешто вакво?

Originally posted by leonid23 hahaha , nema potreba ovde uste od vakvi mrezi Pa neli ima kabini so obezbeduvanje ?

Па не е тоа за обезбедување... за да не се прошета некој и да не му падне некоја летва на глава па да тужи.
Инаку исто така би изгледало поубаво него треви да се гледаат.

Се надевам дека за исто зборуваме.

A  kako mirisa..., Swimer?

Edited by lupo - 18-Sep-2010 at 17:31

Originally posted by lupo A  kako mirisa..., Swimer?

 

алоо бре за што зборите вие !??????????

       

 

мојата и ваша трева/смрдеа не е иста, читајте убаво !!!

 

Јас мислам дека ти не си поминал кај музејов во градба и збориш на невидено. Скалите од кеј беа заградени со тараби и целата околина, невозможно беше да поминеш било каде, без оглед дали си нормален или ненормален.

Originally posted by Swimmer Јас мислам дека ти не си поминал кај музејов во градба и збориш на невидено. Скалите од кеј беа заградени со тараби и целата околина, невозможно беше да поминеш било каде, без оглед дали си нормален или ненормален. Не можам да тврдам со сигурност, ама вака гледајќи, дури подобро заштитен и ограден беше просторот- како што и беше, отколку со оградава што ја предлагаш. Освен што е фенси, не гледам друга предност.   Од естетски аспект, кога би било само една градба, а целата околина би била скоцкана, би се согласил на поестетско оградување на просторот. Во случајов целиов реон е огромно градилиште и не гледам неопходност од посебна естетика во оградување. Односно, немам проблем со начинот на кој било оградено, додека безбедносниот аспект е запазен.   Дали споменав дека има и кучиња внатре во оградениот простор?

Па немам поминато едно 6месеци. Тоа е повеќе од очигледно и можеби на неколку члена овде од форумот тоа им е јасно. Но нели затоа се сликите. Јас ја земав последната слика како логично место (нели по некоја логика) за почетна точка за да илустрирам нешто... така набрзина. Да покажам визуелно оти може некој нема да ме разбере така со зборови и испрекинат речник. Значи нема некоја толкава потреба јас да одам на секое градилиште секој ден да знам што ми се допаѓа и што не. Видов трева, не ми се допадна (видов некои калишта и други глупости пред 6месеци) и тоа не ми се допадна. Сите тие работи можат да се спречат со тоа што ќе се стави една зелена ограда. Според твоето теренско искажување можеби навистина не е практично да постои ваква ограда наоколу, но може да се постави од напред, само за да се сокријат непријатностите што се последица на градењето.

Сепак мислењето е лично... мене ми пречи, тебе не. Тука нема проблем и не наоѓам никаков простор за да се расправаме. Сепак те молам без „форумско-бугарски“ финти каде очигледно го прескокнуваш делот од мојот пост каде што кажувам „Можеби нема веќе потреба од вакво нешто на оваа локација, но би било добро вакво нешто да се практикува низ државата“, само да си ја постигнеш целтта дека ОВДЕ немало таква потреба.

Како што сакаш да ти изгледа овде убаво на форумот кога постираш со зелената трева (што навистина убаво изгледа), така јас сакам некои работи да изгледат убаво. Независно дали се гради нешто,  едноставно ми пречи неред, како што ми пречи паркирање на косо.

Али како што кажав. Секој си има право да си бира што е прифатливо а што не. Истиот избор им го препушќам на другите форумџии.

Поздрав и се надевам дека се разбравме.

Мебел од фантазијата за Музејот на ВМРО Владата нарача мебел од фантазијата, тежок 820.000 евра, за ентериерно уредување на Музејот на ВМРО и на Музејот на жртвите од комунизмот од истата фирма што ја опремуваше и луксузната вила за претседателот на државата, Ѓорге Иванов. Фирмата „Дизајн фантази“ ќе изработи фоаје, стотина витрини за музејските експонати, продавница за сувенири, ќе ги опреми административниот дел на објектот, салите, кафетеријата и компјутерското катче на музејот, кој досега исцрпи над 8 милиони евра од буџетот. Колку ќе чини целиот објект, кој најверојатно ќе биде отворен в година, засега никој не соопштил. На фирмата што го доби тендерот од Министерството за култура и' е забрането да открива детали за ентериерот на Музејот. - Имаме сугестија од нарачателот да не откриваме никакви детали за набавката. Има друга фирма-проектант со која треба да се констатираат деталите за целата набавка, засега немаме никакви инструкции од нарачателот, се' уште е рано - вели Јорданчо Велков, прв човек на „Дизајн фантази“. Од Министерството за култура појаснуваат кои се обврските на набавувачот. - Во делот на ентериерот на музејскиот комплекс спаѓаат и мебелот и опремата или поконкретно, опремување на фоајето, на продавницата за сувенири, потоа опрема за малата повеќенаменска сала и за големата повеќенаменска сала, опрема во административниот простор, библиотеката, компјутерскиот центар, кафетеријата, како и витрините за музејските експонати и друга опрема што се однесува на изложување - велат во Министерството. Оттаму информираат дека работите на музејскиот комплекс се одвиваат согласно пропишаниот план и динамика, и се очекува да завршат во првата половина на идната година, кога се планира и негово отворање за јавноста. Од Министерството не откриваат која била другата фирма што конкурирала на јавниот оглас, ниту зошто била одбиена. Нема детали ниту дали другиот понудувач понудил пониска цена за мебелот и за опремата од 820.000 евра на избраната фирма „Дизајн фантази“. Во музејскиот комплекс на ВМРО и на жртвите од комунизмот ќе бидат поставени восочни фигури, портрети и масовни сцени. Веќе се работат восочните фигури на Тодор Александров, Мара Бунева, Ванчо Михајлов, Гоце Делчев, Крсте Мисирков. Ќе има масовни сцени од македонската историја, како и портрети на видни личности од нашето социјално и политичко милје. Според официјалните податоци, досега само за изградба на музејскиот комплекс му се платени 4,5 милиони евра на штипски „Бетон“. По оваа сума следуваа два анкеса со истата фирма на половина милион евра и на 124.000 евра. Потоа 105 восочни што се работат во Украина чинат околу 1,5 милион евра, масовните сцени од руски и домашни автори 1.040.000 евра, слики и рамки 150.000 евра, техничкиот проект 190.000 евра. Александра Филиповска

http://dnevnik.com.mk/?ItemID=83CF51FDB0DDF341B2F641C0119D2079