По налог на Град Скопје изминатава недела екипи на ЈП „Улици и патишта“ извршија реконструкција на паркингот на улицата Васко Карангелевски, што се наоѓа во близина на касарната Гоце Делчев во населба Аеродром.

Во тек на реконструкцијата  на паркингот, екипите извршија рачен  и машински ископ на земјата каде што поставија цевки за одвод на атмосферската вода и четири сливници. Откако  ги завршија  овие подготовки на теренот, ги прередуваа рабниците, нанесоа нова асфалтна маса во два слоја од типовите БНС-22 и АБ -11, извршија тампонирање во дебелина од 38см и поставија бекатон плочи на површина од 11м2.

На паркингот со површина од 2. 415 м2, со обележана хоризонтална сигнализација,  ќе може да се паркираат вкупно 230  возила.

Градот Скопје за реализација за овој проект од Буџетот издвои околу 5 милиони денари.

Во лов на непрописно паркираните возила во Центар од почетокот на ноември ќе тргнат и двата општински пајаци, кои се сопственост на ЈП Паркинзи на Општина Центарр. Двата општински пајаци од словенечко потекло деновиве проаѓаат низ процес на регистрација, а ќе ги подигаат непрописно паркираните возила од општинските улици во Центар, односно оние по кои не минува градски автобус. Паричните казни ќе бидат слични на тие на ЈП Градски паркингг. За кренато возило од трева сопственикот на возилото ќе плати 3.500 денари, колку што чини и казната за паркиран автомобил на тротоар. Поевтино ќе помине сосптвеникот кој ќе плати на самото место, односно казната тогаш ќе чини 1.200 денари. Според утврдениот ценовник на ЈП, одобрен од Советот на Општината, највисока ќе биде казната за недозволено паркирање на место за инвалиди и ќе изнесува 6.000 денари.
- Новина кај нас е што ќе санкционираме и за недозволено паркирање на место за инвалиди. Во принцип, ќе работиме по иста шема како и градската пајак-служба, со комунални општински инспектори, односно радари и во соработка со полицијата, најавува Маргарита Бакев, раководителка на пајак-службата на ЈП Паркинзи на Општина Центарр, при тоа додавајќи дека депото наменето за кренатите возила ќе се наоѓа на дел од паркингот спроти хотелот Холидејн инн, што наскоро ќе биде приспособен за оваа намена.

Засега пајак-службата ќе ја сочинуваат две возила. Тие се обезбедени по пат на јавно-приватно партнерство преку фирмата Венексс. Бројот на возила на пајак-службата би се зголемил доколку во наредните 60 дена се утврди дека Општина Центар има потреба од уште едно возило.

http://vecer.com.mk/?ItemID=E5DF0FB9E261934E86D20474F049830C