Хотел Романтик во Дојран







Edited by Џоле - 28-Dec-2013 at 15:10

Хотел Силекс, Охрид

секоја чест за апратот кој ова го сликал,има 3-4 км од местото на сликање до објектот

абе што запнале толку со тоа веро човече... маркицата е на скроз друга локација, на другата страна од булеварот... аман веќе од новинарска неписменост

Здраво на сите.. јас сум нов член, сакав да ве поздравувам со рендерот на Хотел Изгрев, Струга













Сликите се превземени од фасебоок страницата на хотел изгрев https://www.facebook.com/pages/Hotel-Izgrev-Spa-Aquapark/251575254999879?fref=ts
Тука има повеке слики а и видео со рендер сликите.

Fala Dzole Sega vidov deka bila objavena

Хотел Црешово топче, Пробиштип

ДЕСЕТ ЛОКАЦИИ ЗА НОВИ ХОТЕЛИ ВО ОХРИД

За изградба на нови луксузни хотелски комплекси во Охрид се понудени десет атрактивни локации. Се бараат инвеститори за населбите Свети Стефан, Далјан, Андон Дуков и Грашница. Сепак, најатрактивна е локацијата во самиот центар на градот, се бара инвеститор што ќе вложи во изградба на современ хотелски капацитет на местото на некогашниот хотел „Палас“, кој со години не работи и е руиниран.

Од Општина Охрид се надеваат дека решавањето на статусот на овој објект може повторно да го врати сјајот на еден од најубавите хотели на охридското крајбрежје.

Сепак, туристичките експерти велат дека за објектите што се под заштита, каков што е и хотелот „Палас“, многу тешко може да се најде инвеститор затоа што тој би морал да вложи многу пари, а притоа да биде ограничен во реализацијата на замислите за реновирање.

Освен ова, хотелот „Палас“ со години е заглавен и во нерешени имотноправни односи. Овој објект е изграден пред речиси 60 години, а пред четири години беше ставен под заштита на Управата за културно наследство.

http://www.utrinski.mk/?ItemID=11994803A0A61D498E39041D98AAE95E

Три луксузни хотели ќе пречекуваат гости во Скопје
Среда, 26 Февруари 2014 12:53

Македонската метропола годинава ќе ја збогати хотелската понуда. Се градат неколку атрактивни капацитети, кои Скопје ќе го претворат во град кој рамноправно ќе се носи со конкуренцијата од регионот во привлекувањето странски гости, било да се работи за класичен или за конгресен туризам, анализира Лидер.



Според најавите од инвеститорот Ајдован Адемовски кој ја има франшизата за Хилтон, хотелот во населбата Аеродром треба да биде отворен кон крајот на 2014-та, две години пред првично зададениот рок. Се работи за инвестиција од 30 милиони евра, која ќе отвори 100 работни места.

Хотелот ќе се протега на површина од 25.000 квадратни метри, ќе располага со 152 соби и 20 апартмани, конференциски сали, спа и бизнис центар, ресторани, кафе барови…

“Што се однесува до прашањето колку ќе чини франшизата, тоа е деловна тајна, за која деталите не смееме да ги изнесуваме во јавноста. Тоа е франшиза потпишана на 22 години и ние по една година ќе го имаме Хилтон во Скопје. Тоа со гордост можам да го кажам„ – објави Адемовски пред Нова година.



Светски познатиот хотелски синџир Хилтон има 3.900 објекти во 90 земји, а секој ден во нив престојуваат повеќе од 400.000 гости.

Во непосредна близина на Хилтон, во скопски Аеродром се гради уште еден хотел, во рамките на спортскиот центар Јане Сандански. Овој капацитет се очекува пред сè, да ги згрижува спортистите кои ќе доаѓаат во земјава.


Освен на Хилтон, активно се работи и на Мериот на Плоштадот Македонија. Инвестицијата на Дивелоп груп е вредна 37 милиони евра, а во хотелот се очекува да бидат вработени 700 луѓе. Мериот ќе понуди вистински луксуз. Се гради во арт – деко стил, а ќе располага со со 180 соби, 16 луксузни и еден претседателски апартман, спа – центар, а според најавите, на последниот кат ќе има градина со базен. Ова е прв хотел од светски познатиот синџир во некоја од земјите на поранешна Југославија. Ако ја погледнете интернет – страницата на Мериот за нивните хотели во Европа, ќе видите дека најмногу ги има во Шпанија (75), па следуваат Велика Британија (63), Германија (29), Франција (24), Италија (23), Русија (16), а од поблиското опкружување во моментов, имаат и еден хотел во Романија.

Веднаш до Мериот на плоштадот Македонија, предвидено е да се издигне и хотелот на Димитрис Кондоминас. И покрај тоа што 75 – годишниот грчки милијардер во последно време е многу актуелен во јавноста, поради сомнеж за негова вмешаност во голем корупциски скандал во Грција, засега тоа не ги попречува градежните активности во центарот на македонската метропола.

Во непосредна близина, зад популарната Арапска куќа, забрзано се гради и хотел од францускиот синџирот Ибис. Комплексот веќе е целосно издигнат, а со оглед на фактот што се наоѓа во непосредна близина на Мериот, конкуренцијата ќе биде жестока. Новите хотелски брендови ќе ја зголемат понудата, но ќе ги подигнат и стандардите.



Охрид ќе го враќа својот сјај!

Најголемиот туристички бисер на земјава прави обид да си го поврати приматот на најпосетувана дестинација. На охридската ривиера е предвидено да се изградат десетина хотели, но и да се врати некогашниот бренд на Охрид, руинираниот хотел Палас. Нови капацитети е предвидено да се изградат во Свети Стефан, Далјан, Андон Дуков, Грашница.

Токму хотелската понуда во минатото беше посочувана како најпроблематична за Охрид.
“Секогаш треба да се земе предвид понудата со која располагаме за да привлечеме елитни туристи. За ваков тип на гости треба да се понуди елитно сместување, хотели со пет ѕвезди и слично, а вакви хотели во Охрид засега има еден или два„ – вели професорот од Факултетот за туризам во Скопје, Мијалче Ѓоргиевски.

За разлика од Охрид, многу поконкретна е конкурентската Струга. Инвестицијата на компанијата Фибула во хотелот Изгрев се очекува да внесе свежина на целото струшко крајбрежје. Фибула гради елитен туристички комплекс, составен од хотел со пет ѕвезди, аквапарк, бањски и конгресен центар, сауни, базени. Хотелот е предвидено да располага со повеќе од 200 соби и во него да вработат над 200 луѓе.

Градежната експанзија за изградба на хотели во земјава дојде како резултат на владините мерки за поддршка на туризмот, пред сè на одлуката државните градежни парцели наменети за изградба на хотели да се продаваат со почетна цена од едно евро за квадратен метар.

Македонија – топ дестинација за 2014-та!

Реномираниот туристички интернет – портал Лоунли планет (Lonely Planet), ја смести Македонија на листата на Топ 10 туристички дестинации за годинава. Како места кои задолжително треба да се посетат во земјава се сместени: Скопје, Охрид, Маврово, античкиот град Стоби, Берово, Кратово, Тиквешијата…

Во топ 10, освен Македонија, влегоа и Бразил, Антарктикот, Шкотска, Шведска, Малави, Сејшелите, Мексико, Белгија и Малезија.

http://kurir.mk/republika/skopje/149201-Tri-luksuzni-hoteli-ke-precekuvaat-gosti-vo-Skopje

Светски познатиот ланец “Small Luxury hotels” доаѓа во Охрид
Брендот “Small Luxury hotels” доаѓа во Охрид. Станува збор за светски ланец од 520 хотели кој го има во преку 70 земји на сите континенти во светот.
   Изградбата на современиот хотел во Охрид на една од најатрактивните локации на брегот на езерото, веднаш до Инекс Горица, започнува за еден месец. На 7000 метри квадратни хотелот ќе има 50 соби, 120 легла а ќе чини 12 милиони евра. Инвеститор е ”Develoop Groop”.
- Тоа ќе биде значајно и за идните настани кои што ќе се организираат во Охрид во делот на конгресниот туризам , семинари, културно уметнички настани, спортски манифестации од висок ранг за кои што е неопходно да поседувате еден хотел од висока категорија ,изјави Никола Бакрачески градоначалник на Охрид.
Општината има определено десетина атрактивни локации на брегот на Охридското езеро за изградба на хотели за кои веќе има интерес од повеќе инвеститори.
- Веќе има најави и од домашни и од странски инвеститори за градење на хотели на охридското крајбрежје. Ќе кажам дека за нас е многу важно да градиме не било какви хотели туку хотели од висока категорија затоа што странците тоа го бараат и го очекуваат од нас, додава Бакрачески.
Конечно Охрид ќе добие хотел со современ дизајн,архитектура   и беспрекорна услуга, кој ќе ги задоволи вкусовите на најпребирливите гости. Современите хотелски капацитети ќе овозможат равој на елитен туризам но и голем број вработувања.

http://ohridnet.com/vesti/ohrid/2765-svetski-poznatiot-lanec-small-luxury-hotels-doagja-vo-ohrid                            

Edited by ѓорче - 14-Mar-2014 at 21:46