Булевар Цветан Димов

Требало уште музиче да пуштиш 

Originally posted by alexgizh Ако се дивоградби, полесно е. Треба само повеќе политичка воља и разбирање Туку мене ме плаши да не се "легални" дозволите за градба. Знам дека во ГУП стои дека тука треба да има булевар од полн профил, со што би се оневозможило давање дозвола овде, меѓутоа знаејќи во какво општество живееме, не ме чуди ако го "превиделе" ова. Тогаш следува обесштетување, со што на големо ќе нарасне цената на изведба...

Не гледам како би биле легални дури ни во каубојска држава каква што е Македонија во моментов. Ако некој негде потпишал некаква дозвола, тоа не значи дека е легално, тоа само значи дека таа личност треба да одговара. Не може да биде легална никаква дозвола што е во спротивност со урбанистичките планови, а овде дури и ГУП-от веќе се кажува. Знам, го имаме искуството со кинескиот ѕид кај стадионот, за кој се води судски спор по слична основа (дали дозволите се вистински легални), но таму се одеше на постепено заплеткување на работата, кување на ДУП-ови, пренамени и зголемување на габаритот на маркицата која веќе постоеше... и којзнае што уште не. А кај Цветан Димов тешко дека би можело да се заплетка нешто вакво, со оглед на тоа дека се работи за траса на клучна сообраќајница, а потребна би била промена и на ГУП-от. Се надевам дека во државава не владее толкава анархија за да дивоградби од ваков ранг може да се протуркаат на било каков начин. Ако било што новоникнато во трасата на булеваров по некое чудо испадне „легално“, тогаш поарно да дигнеме раце од било какво урбанистичко планирање и било каква политика за борба против дивата градба. Навистина, ако не можеме да ги заштитиме трасите на клучни сообраќајници во главниот град, тогаш што би останало за се друго?




@ mitatos
За првата спојка (Џон Кенеди - населба Железара), да предвидено е, само не така директно, туку продолжетокот на Џон Кенеди треба да се поврзе со зацртаната кружна сообраќајница околу парк-шумата Гази Баба, а со тоа индиректно да се поврзе и со Железара.

Ѕирни во ГУП-от:
http://www.build.com.mk/docs/GUP-Transport.jpg

Обиколница околу Гази Баба ми се гледа како поверојатна опција. Единствен недостаток е што ќе има две раскрсници на 10 метри (Цветан Димов со Џон Кенеди, и Обиколницата со Џон Кенеди).

А на митатос идејата е многу убава, и логична, ако се гледа одозгора, меѓутоа се работи за доста ридест терен и или ќе мора да се направи тунел (=пари) или ќе има непријатна узгорница/уздолница по ридот.

Денес околу 16h кај Чаирчанка имаше полициски патроли кои најверојатно се изналепиле казни зошто во делот кај што се ствара најголема гужва немаше паркирани коли и се поминуваше без застанување. Можеби треба секој ден во период од 3-5h да патролира полиција додека се одлучи конечно да се прошири булеваров

Edited by Bulldozer - 18-Aug-2010 at 17:14

Ќе се решава сообраќајниот колапс на „Цветан Димов“ За да се прошири сообраќајницата, ќе мора да се исечат и дрвја од дрворедите Општина Чаир во соработка со Град Скопје ќе го решава сообраќајниот колапс на улицата „Цветан Димов“ на потегот кај џамијата „Јаја-паша“. Градоначалникот на Чаир, Изет Меџити, вели дека за решавање на овој проблем веќе има готов сообраќаен проект во Градот. Токму тој дел од „Цветан Димов“ со години е тесно грло низ кое поминуваат околу 70 илјади жители на општините Чаир и Бутел. Дали ќе се решава протокот на возила по улицата „Цветан Димов и на кој начин, беше поставено и како советничко прашање на последната седница во Градот. Градоначалникот на Скопје, Коце Трајановски, рече дека за конкретниот потег постои проект што предвидува булеварско решение на сообраќајницата, но оти тој се' уште се разгледува. Според него, засега сообраќајниот метеж може да се ублажи само со зачестено присуство на полицијата. Трајановски смета дека метежот дополнително го зголемуваат и дуќаните лоцирани на сообраќајницата, за што, според него, виновна е Општина Чаир, бидејќи издала дозволи за поставување урбана опрема на тротоарите, кои се јавна површина. „За проширување на улицата ќе мора да исечеме повеќегодишни дрвја од дрворедот и нема да биде важно дали тие се стогодишни или не, бидејќи ќе решиме проблем со кој нема да се соочуваат идните генерации. Ако треба, ќе насадиме нови садници, како што го направи тоа градоначалникот Трајановски на улицата ’Илинденска‘“, вели градоначалникот на Чаир, Изет Меџити. Тој смета дека за да се прошири „Цветан Димов“, ќе мора да се урнат и три куќи, кои се дивоградби, но и покрај тоа, Општината ќе ги обештети нивните сопственици. Просторот, според Меџити, мора да се расчисти за да може да се добие проширување на сообраќајницата со по уште една лента во двете насоки. http://utrinski.com.mk/?ItemID=FF8637420A5F9E428FDF4211C009315C

Најголемата кочница што сум ја приметил јас во цветан димов е тоа што аутобусиве застануваат на постојката во чаирчанка, дефинитивно таа аутобуска постојка треба далеку подоле да се премести , тоа е бр.1, а др работа е автомобили што се паркираат од страна и едноставно една лента е зафатена со паркирани автомобили,доколку ја поминеш чаирчанка ке приметиш дека веке метежот го нема и натаму иде све како што треба се до џон кенеди, 3-та работа се пешаците, кои поминуваат каде ке стигнат како и да е таква е населбата што серава и газибаба се многу блиско поврзани ( едниот дел од чаирчанка и др дел од газибаба ) ,дефинитивно многу згрешија што уште на почетокот кога ја реконструираа ова улица требаше да се превземе некое идеолошко решение за намалување на метежот,јас не верувам дека ако не се решат овие 3 проблеми дека Цветан Димов ке се регулира, едноставно што ми иде на памет е уште една дополнителна лента само од една страна, каде што ке може да се паркираат ,а да останат 2х2 во кои ке биде строго забранет паркинг, или улицата да стане едносмерна ( што не доага во предвид заради детелинката ) , или некое подземно решение кое не бара повеке од 600 метри и може да биде изводливо.

ГРАДОТ НИ В ГОДИНА НЕМА ДА ЈА ПРОШИРИ ГЛАВНАТА УЛИЦА ВО ЧАИР

Нема спас од хаосот на Цветан Димов

Решавање за метежот на Цветен Димов од Градот најавуваат дури за 2012 година оти било потребно време за изработка на проект, за поставување канализација и решавање на имотно- правните проблеми

На улицата Цветан Димов во населбата Чаир владее вистински хаос. Метежот и колоните возила на кои има треба дури по 20 минути за да го минат делот од клучката Детелинка до влезот на Општина Бутел е секојдневие за граѓаните која ја минуваат оваа делница. Најголемиот проблем го прават испаркираните возила од двете страни на улицата. На кој како ќе му текне се паркира, не водејќи сметка за застојот на сообраќајот што ќе го предизвика.
"Мислев дека кога ќе ја направат клучката Детелинка ќе се растовари сообраќајот во овој дел, ама ништо. Секој ден губиме нерви во метежот, само затоа што некои граѓани се паркираат на самата улица и го блокираат сообраќајот. Откако ја направија Словенечка, за да стигнам до дома возам по неа. Иако имам дупло поголема километража, барем не се нервирам со стоење во место и колони возила пред мене", вели жител на населбата Бутел.
Градоначалникот на Општина Чаир Изет Меџити вели дека решение за спас од хаосот на Цветан Димов е единствено проширување на улицата со уште по една коловозна лента во двата правца.
"Овој дел години наназад е најтесно грло во Скопје. Барав од градоначалникот Коце Трајановски да се стави во приоритетната програма за проширување на улици и колку што знам, веќе во Градот се прави проект за тоа. Иако проширувањето ќе ни донесе низа проблеми, како што е сечење на дрвјата и уривање на неколку домови, мораме овој проект да го истераме оти тоа е единствено решение за хаосот во овој дел", вели градоначалникот Меџити.
Од Град Скопје потврдуваат дека прават проект за проширување на Цветан Димов, но посочуваат дека неговата реализација би стартувала дури во 2012 година.
"Досега во Градот немало никаков проект за проширување на Цветан Димов. Во моментов тој се изготвува, па потребно е време за изведбен проект, за поставување канализација, решавање на имотно- правните проблеми. Затоа ни в година не би можеле да старуваме со проширувањето на улицата", велат од кабинетот на градоначалникот Трајановски.
(А.А.)
http://vest.com.mk

Мислам дека улицава во скоро време нема потреба од проширување прво поради фактот што планираат да додадат средишно зеленило кое освен за пешаците нема да има предности улицата ќе остане 2+2.
Право решение е да се казнуваат и да се отстрануваат возилата на сегашните споредни ленти и тоа како што профункционира на Рузвелтова и на други улици во Скопје со ваков профил ќе се отвори поголем проток на возила. Ова да биде континуирана акција и мислам дека ќе има големи ефекти.
Со оглед на поприоритетните Теодосиј Гологанов (Не Јужен Булевар), Првомајска и евентуално пробивање на тунелот под плоштад па и проширувањето на булеварот во правец на обиколницата се поприоритетни проекти за градот. Тука недостасува овеќе сообраќајна култура и почутвање на закони.

TIPS & TRICKS: Види бул. Водњанска !!! 

Се готви решение за проширување на улицата „Цветан Димов“

Допрва ќе се знае дали ќе треба да се исечат повеќедецениските дрвја од дрворедите

Снежана Калабакова


Градот подготвува идејно решение за проширување на улицата „Цветан Димов“ во Чаир. Финалната изработка на проектот ќе покаже дали ќе мора да се исечат дел од повеќедецениските дрвја од дрворедите или можеби проширувањето на коловозните ленти ќе се реши поинаку.

Иако оваа улица беше реконструирана пред десетина години, сега таа повторно е тесно грло низ кое секојдневно треба да поминуваат над 60 илјади жители од општините Чаир и Бутел. Протокот на возила го оневозможуваат и паркираните автомобили од двете страни на улицата, а дополнителен сообраќаен метеж предизвикуваат и недисциплинираните возачи, кои непрописно се вклучуваат од тесните улички од левата и од десната страна на булеварот „Цветан Димов“. На оваа сообраќајница метежот трае 24 часа, па сите што секојдневно минуваат по неа, знаат дека мора да возат внимателно и поради пешаците, кои постојано претрчуваат. Сообраќајниот застој само делумно се реши со отстранувањето на семафорите на влезот и изградбата на кружниот тек пред Бит-пазар.

Градоначалникот на Чаир, Изет Меџити, смета дека со проширувањето на сообраќајницата ќе се реши повеќедеценискиот проблем на чаирчани. Еднаш засекогаш ќе се пробие тесното грло, па и по цена да се исечат старите дрвја од дрворедот.

„Сообраќајниот проект за проширување на булеварот ’Цветан Димов‘ ќе покаже колку од дрворедите ќе бидат опфатени или ќе може да се прошири и без да се сечат дрвја. Финансиски средства се предвидени во генералната ставка за реконструкции и проширувања на улици“, велат од Одделението за односи со јавноста во Градот.

Оттаму не соопштуваат до кога ќе биде готово идејното решение и до кога се планира да се работи финалниот проект. Но, според изборната програма на градоначалникот Коце Трајановски, реконструкцијата на улицата „Цветан Димов“ треба да биде завршена до 2013 година.

http://www.utrinski.com.mk/?ItemID=CB714E5F38EB8846AB1C1B29E3050365