Фонтани во Вардар |
Post Reply | Page <1234 12> |
Author | |||
SkyBoy
Senior Member Suspended Joined: 24-Feb-2010 Online Status: Offline Posts: 738 |
Quote Reply #21 Posted: 10-Jul-2010 at 14:23 | ||
И сега?
Добро ти текна, еве супер размислување.. иако неможе да се оправда загаденоста на водата, гад ми е кога гледам како се мијат со наводно "светата" вода.. може некој и ја пие ама тоа е релевантен податок во целава работа..
зашто ваква статија не излезе пред Водици во весник? на тоа алудирам... субјективна е статијава, плукачки настроена по проектот - фонтани и нормално Кло "неагресивно" ја продолжува на форумов.. Edited by SkyBoy - 10-Jul-2010 at 14:29 |
|||
Buliwyf
Senior Member Joined: 27-Mar-2010 Online Status: Offline Posts: 473 |
Quote Reply #22 Posted: 10-Jul-2010 at 14:35 | ||
Ма дајте ви се молам !!!
Тоа тие како да стоиш во просторија со УВ лаба 30 мин и да стоиш 24 часа, која е разликата? во никој случај не треба да се земе денот водици за репер.Конечно треба да седнат и да се позанимаваат постручно ВОЛОВИТЕ што ги спомена Dave Gahan и да посветат малце повеќе внимание на посериозни работи.
А фонтаните лично воопшто не ми сметаат,иако далеку побитно и по приоритетно е да се направи еден убав,среден и еколошки чист кеј, кој што ОДАМНА го заслужува Скопје.
|
|||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #23 Posted: 10-Jul-2010 at 15:40 | ||
Незнам Cloverstack. Можеби си во право. Немам големо знаење во оваа област, води и загаденост. Мое мислење е дека Вардар не е толку загадена река. Не ги бранам фонтаните, но и не велам дека нема да испаднат добро, може да бидат и добра работа. За нив немам некое конкретно мислење. Но мислам дека сами по себе и по местото каде ќе бидат се специфични и неконвенционални. За прочистителен систем, мислам дека може да се среди, односно да се изведе со помалку пари. Само ќе биде потребна креативност и иновативност во тој поглед. Кратко речено, памет. За да се добие потполна функционалност, за помалку пари. Околу фонтаните. Не се до толку празни во памет. Веројатно претходно се направило студија за проектот. |
|||
SkyBoy
Senior Member Suspended Joined: 24-Feb-2010 Online Status: Offline Posts: 738 |
Quote Reply #24 Posted: 10-Jul-2010 at 16:10 | ||
!??! а некој ќе се преселува во Вардар !? за какви 24 часа збориш !?!? збориме за 5 минути додека го поминеш камени мост, нели да не не прсне водата случајно беше проблемот..
освен ако некој фонтаниве не ги замислува како "водено небо" (по примерот на ѕвездено небо со новогодишни сијалички) и константен дожд што е нон-сенс.
за остатокот, плс задржи ниво...
|
|||
SkyBoy
Senior Member Suspended Joined: 24-Feb-2010 Online Status: Offline Posts: 738 |
Quote Reply #25 Posted: 10-Jul-2010 at 16:17 | ||
јас целосно го поддржувам проектот и сум на иста линија со тебе, што ме чуди со оглед на годините што ги имаш, или ја сум луд или ти си паметен
Мислам дека фонтаните за нас и нашево градско окружување, ќе бидат одлична атракција и едвај чекам да ги направат, сите навидум пречки на патот, не верувам дека
|
|||
Buliwyf
Senior Member Joined: 27-Mar-2010 Online Status: Offline Posts: 473 |
Quote Reply #26 Posted: 10-Jul-2010 at 16:45 | ||
SkyBoy што е со луѓето што живеат во центар и што секојдневно го преминуваат тој мост,тие фонатни ќе прскаат вода 24/7 значи секојдневен допир со "бактерии" или ако не секој дневен доволно често. А за кое ниво ме замолуваш воопшто не ми е јасно. Повторно ќе кажам не сум против фонтаните,но не по цена на нашето здравје(макар било и најситничарска ствар за некој).Во случајов јас сум личност која не е имуна на прашини и бактерии а за жал и на повеќе за сега неразјаснети причинители,имам страшна алергиска реакција,затоа и повеќе притискам на темава. Edited by Buliwyf - 10-Jul-2010 at 17:16 |
|||
IN_MOTION
Senior Member Joined: 11-Jul-2009 Location: Skopje Online Status: Offline Posts: 203 |
Quote Reply #27 Posted: 10-Jul-2010 at 17:54 | ||
Ако е за тоа, не се возете ни во градски автобус, можете да се задушите потоа не одете покрај улица има премногу издувни гасови за кој сите знаеме дека се штетни по нашето здравје и да не набројувам знаете што сакам да кажам... Водата ќе биде комбинирана со вода од подземни бунари. Јас ја поддржувам изградбата на фонтаните пред се поради фактот што Скопје моментално располага со фонтани кој едвај на прсти ке се избријат, а да не збориме за осветлени. |
|||
Djole88
Senior Member Joined: 28-May-2008 Location: Skopje Online Status: Offline Posts: 611 |
Quote Reply #28 Posted: 11-Jul-2010 at 12:38 | ||
Читам и се смеам како може да развивате глупа дискусија за која нема ни факти ни мислење од некој „стручњак“. Тоа што некој малоумен новинар кој немал што да прави некој дождлив и досаден ден не значи дека готово новиот Чернобил ќе се гради во Скопје. Ако толку сте загрижени побарајте некој од санитарна инспекција или од некоја инспекција задолжена за проверка на квалитетот на водата и дајте докази.
Поентата ми е дека вака бескорисно само си дискутираме а одговорните молчат. Може стварно е ова проблем, но треба ние да ги поттикнеме одговорните да дадат образложение. А до тогаш кулирајте и гледајте како ни го “разубавуваат„ градот |
|||
Andrej_LJ
Senior Member Joined: 20-Oct-2008 Location: Ljubljana Online Status: Offline Posts: 2954 |
Quote Reply #29 Posted: 11-Jul-2010 at 13:42 | ||
Се чудам како во некои од вас т.н. граѓанско општество спие во длабок сон. Како тоа ние треба да ПОБАРАМЕ извештај од дадена институција, нели затоа се платени надлежните волови? Ние би можеле само да захтеваме надлежните да си ја вршат законски зацртаната обврска! И како разбра дека станува збор за стручњак (и тоа во наводници), кога имаш извештај од Институтот за микробиологија и од лабараторијата на ЈП Водовод и канализација??? Која е померодавна институција во државата на ова поле, од гореспоменатите? Кога некој втемелено предупредува на некаков недостаток во даден проект, мора ли да се измислат безброј направо идиотски аргументи, со единствена цел, да се оправда изведувањето на еден малоумен проект.
Велите се разубавува Скопје. ОК согласен сум дека вакво нешто е интересно, но познат ли ви е зборот ЛИСТА НА ПРИОРИТЕТИ? Само преку кичурај и водоскоци ли се разубавува даден град, или тоа значи подобрување на квалитетот на живеењето? Зарем нема градот да се разубавеше ако се изградеа големи инфраструктурни проекти, со кои ќе се решеше сообраќајот и јавниот транспорт или пак хигиената? Се проекти кои ќе заштедуваа/носеа пари, а не напротив, непродуктивни проекти, излезени од нечив болн мозок? Ајде ви се молам, ми се повраќа веќе да коментираме за нешто волку очигледно пробутано на сила и без никаква потреба! |
|||
"Тaм, където глупостта е образец, разумът е безумие." Гьоте
|
|||
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #30 Posted: 13-Jul-2010 at 04:26 | ||
Повторно да потенцирам дека не мислам дека капките би биле пресериозна здравствена закана (мада без разлика, секако е одвратно човек да биде испрскан со таква вода). Најмногу сум загрижен околу фактот дека овие 30-метарски млазови под огромен притисок ќе продуцираат и огромни аеросолни облаци од капки кои се премали за да се видат. Овие облаци ќе се шират во голем радиус наоколу и нивното вдишување претпоставувам нема да биде ограничено само на кеј и на камени мост (а ни тоа не е воопшто малку)
Посочениот пример за Водици се слагам дека во одредена мерка е индикација, но никако не смееме да ги заборавиме следниве работи: - За Водици Вардар е неколкукратно поисполнет со вода отколку во сушни периоди. Во сушни периоди загаденоста достигнува највисок степен, а не слушнав дека водоскоциве нема да работат во одредени периоди. - За Водици никој никого не тера со сила да влегува во водата, а со водоскоциве со сила ја тераат цела популација да биде изложена на оваа вода во некаква форма. И да не заборавиме дека одреден дел од таа популација има и сериозни здравствени проблеми или послаб имунитет. Што треба да прават тие, да го избегнуваат цел реон заради овие „фонтани“? Во секој случај многу е интересна „конзистентноста“ на надлежните, кои изричито забрануваат капење во Вардар поради здравствени причини, но за Водици не е проблем да се направи исклучок. @ Fossil Вардар е исклучително загаден, од тоа нема бегање и тука нема да ни помогне никаква субјективност. На нет тешко се наоѓаат податоци, но од тоа што може да се најде, во зависност од локацијата и од периодот во годината, загаденоста е трета, четврта и петта категорија (која е највисок степен на загаденост). Исто така никаква креативност, иновантивност ниту оптимизам нема да ни помогнат да ја заобиколиме огромната сума која треба да се инвестира во колектори и пречистителни станици, за да може Вардар да се прочисти. Ниту пак може да се заобиколи фактот дека за сето тоа ќе треба време, дури и да беа обезбедени финансиите. Тоа е тоа - треба сериозно да се зафатиме со суштински проекти и да ги реализираме, а за вакви водоскоци евентуално да размислуваме после. А дека постои некаква студија за водоскоците што ги опфаќа потенцијалните проблеми од ваков тип, воопшто не сум уверен. Впрочем ако има нека ја покажат. @ IN_MOTION Не се сложувам со паралелите со градските автобуси или со издувните гасови. Со водоскоциве (а благодарение на „темелноста“ на надлежните) точните ефекти засега ни се мистерија. Уште поважно, јавниот превоз и сообраќајот воопшто се неопходност и двигател на економијата и современиот живот. Но колкава е неопходноста од водоскоците? Исто така, тоа што Скопје имало малку фонтани не гледам како би ги оправдало овие водоскоци. Можеме да збориме дали на градот му требаат повеќе фонтани и колку е тоа суштинско прашање, но дека баш морало да се направат 30-метарски водоскоци од Вардар за да се оправела ситуацијата, тоа не прави логика. Што се однесува до потеклото на водата, да навистина се спомнуваа некакви бунари, мада тој концепт не ми се разјасни... Се работи за огромна количина на вода и не знам колку издашни би требало да бидат тие бунари за да ги хранат водоскоците. Но дури и целата вода да биде од бунари (и дополнително да претпоставиме дека таа бунарска вода од под Вардар е чиста), останува фактот дека цевките ќе бидат под ниво на водата и дека самиот млаз ќе повлекува и ќе распрскува голема количина гнасна вода од Вардар. @ Skyboy Немам намера да влегувам во лична пресметка и обична кавга. Толку. Edited by Cloverstack - 13-Jul-2010 at 04:31 |
|||
UrbanFreak
Senior Member Joined: 28-Oct-2007 Location: Skopje Online Status: Offline Posts: 1732 |
Quote Reply #31 Posted: 13-Jul-2010 at 09:31 | ||
Внимателно ја пратам дискусијава и ова е моето гледиште:
1. Потребата од овакви фонтани, поготово што ќе исфрлаат вода на 30тина метра е банална. Неможам да се изначудам со која леснотија се расфрламе со милионскиве проекти, како да сме Катар или Емирати па имаме пари на претек. Овој проект со ништо, ама апсолутно ништо нема нити да ни го подобри животот во главниот град, нити како што некој тука сонува да ни донесе незнам си каква популарност меѓу туристите.
2. Факт е дека Вардар е ултра загадена река и можеме само да нагаѓаме од која категорија, но мислам дека е претерано хипохондрично да кажеме дека со вдишувањето честички од таа вода ќе има незнам си какво негативно влијание. Далеку од тоа дека живееме во стерилни услови и далеку од тоа дека во воздухот нема далеку поопасни бактериолошки и хемиски супстаниции. Мислам дека овој аргумент против само им дава сила на туркачите на проективе по секоја цена, без јавна дебата и стручно мислење да ни ги насадат, а ваквите аргументи против, сигурен сум брзо можат да ги побијат.
3. На што само ќе изгледа таа фонтана, кога во август вардар се претвара во поточе обраснат од сите страни со плевел и островца? НЕли беше попатено првин да се изградат каскадите да се регулира коритото постојано па дури после да се прават вакви експериметни?
4. Пак неможам да поверувам со која леснотија ги фрламе милиончињава. Кога само ќе ми текне дека новата зграда на клиниката за Гинекологија и Акушество, каде што на свет доаѓаат сигурно барем 30% од Македонските граѓани десет години неможе да се отвори поради намење пари. Според некои неофицијални проценки се работи за не повеќе од 2-3 милиони евра кои недостигаа. Зарем фонтаниве, споменициве, дизниленд зградите и триумфалниуте порти се поприоритетни од условите во кој на свет доаѓаат огромен процент Македонски граѓани? Како млад човек кој месечно и тоа како го полни буџетот на РМ по разни основи, згрозен сум од тоа како и по кој приоритет се трошат нашите пари.
|
|||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #32 Posted: 13-Jul-2010 at 12:21 | ||
Незнам каква е канализацијата во Скопје. Но ваљда се сведува на неколку главни одводни цевки, и мислам дека не се повеќе од 10-15, може и помалку. Може да се види каде што може да се спојат во една поголема, или нешто слично. А зошто да не може да се постават мали пречистителни станици на сите одводи. И тоа е добро решение. Ако збориме за изградба на цел колекторски систем и канализациона мрежа тогаш ќе биде поскапо. |
|||
SkyBoy
Senior Member Suspended Joined: 24-Feb-2010 Online Status: Offline Posts: 738 |
Quote Reply #33 Posted: 13-Jul-2010 at 12:43 | ||
И КОРИТОТО НА ВАРДАР СТАНА ГРАДИЛИШТЕ
Фонтаните и мостот Око почнаа да се градат За изградба на фонтаните пристигнати се работници од италијанската фирма "Ла Моне Мореда", а на Кејот се наоѓа и механизација од Сплит, која хрватската фирма "Конструктор инженеринг" ја донесе за градење на мостот Фонтаните во Вардар и мостот Око почнаа заедно да се градат. Деновиве со камиони и со друга механизација на големо се работи на ископување во реката Вардар за поставување на темелите на мостот и за изведба на фонтаните. За изградба на фонтаните пристигнати се работници од италијанската фирма "Ла Моне Мореда", кои веќе граделе вакви фонтани во повеќе градови. На Кејот се наоѓа и механизација од Сплит, која хрватската фирма "Конструктор инженеринг" ја донесе за градење на мостот. "Во моментов се врши ископ за машинските хали за инсталација на пумпите кои ќе ја исфрлаат водата од фонтаните. Доколку работите се одвиваат според предвидената динамика, за седум месеци фонтаните треба да бидат готови. За мостот Око, пак, градежните работи се посложени, и во моментов се прави зафат на реката Вардар за да се овозможи работа на машините за поставување на темелите. Мостот ќе биде готов за 18 месеци", велат од Општина Центар. Според проектот, в година во Вардар ќе никнат две фонтани, од кои ќе прскаат млазеви вода високи до 30 метри. Едната ќе биде пред Театарот, а другата пред новата зграда на Уставниот суд. Мостот Око ќе се наоѓаат веднаш до Камениот мост и, покрај фонтана во средината, него ќе го красат и 29 споменици. Фонтаните и мостот Око ќе ја чинат Општина Центар 2,5 милиони евра, односно еден милион евра се потребни за фонтаните, а 1,5 милиони евра само за изградба на мостот, без спомениците. ~
Само да не излезе на крај дека водата нема да биде проблем, т.е. нема да биде истата од вардар, со што се побива основната причина на хејтерите на фонтаните. Тогаш не се сомневам дека одма имате план Б - а тоа расипничко трошење на парите, зашто за фонтани, а не за ........... Никако не ви се погодува, најубаво ливада. Немој случајно нешто убаво и атрактивно.
Мене лично ми смета што генерализирате и се отфрлате, наместо да се сложите дека сепак има поединости од ск 14 што се ок. Со таквиот став само докажувате дека во суштина нешто друго ви смета. Несфатливо ми е урбанисти (лаици, професионалци, сеедно,) да бидат толку против, кон проект кој квантитавно е доста голем и да нема ама баш ниту една работа што би ја поддржале.
А за планот Б - веќе е доволно кажувано дека секогаш ќе има такви кои би дале пари за нешто друго, а не за одредена работа. Така да, не сум сигурен колку тоа пали и во овој случај.
@Clover
Ако имам поинакво мислење не значи дека сум наоштрен за кавга и дека јадам мали деца. Само ќе кажам дека од петни жили се трудиш и она малку што е океј, да го отфрлиш и притоа да го омаловажиш максимално. А имам чувство дека сите твои факти/сомневања еден по еден ќе бидат побиени и ќе паднат. На крај, кога ќе се направи и пушти во функција и кога ќе изгледа екстра и кога на јавноста ќе и се свиѓа, знам како ќе се осеќаш. Во фонтаниве нема ништо барокно (чисто информативно, кога ќе бљуете оган во репликите да не ми мешате баби и жаби, за неписменоста на народот и како нему се би му се свиѓало итн итн).
Ајде еден од спомениците да го поддржевте, или само фонтаниве, ама ништо.. и само контра.... па и тоа е дел од урбанизам, незнам за каков урбанизам тогаш вие трошите енергија тука, ако во вашето поимање за урбанизам нема споменици, нема скулптури, нема фонтани итн..
|
|||
SkyBoy
Senior Member Suspended Joined: 24-Feb-2010 Online Status: Offline Posts: 738 |
Quote Reply #34 Posted: 13-Jul-2010 at 12:56 | ||
Тука би додал..
да.. лошо е што однапред нема црно на бело соопштенија што и како се гради, со опис на производствен процес и слично.. за да нема недостаток на информации, со што се отвора простор да се шпелукира и непотребно да се создава тензија. Како и многупати досега, новинарите обожаваат такви моменти, да не се лажеме, зашто можат слободно да си придодадат нешто, креирајќи посензационалистичка вест која продава и предизвикува внимание, раздор, дебата итн. Би било фино ова да биде општо познато и да не се палиме на НЕДОВОЛНО ПРОВЕРЕНИ, НЕПОТВРДЕНИ, НЕЦЕЛОСНИ ПОДАТОЦИ ВО СТАТИИ НА ВЕСНИЦИ. Освен ако на некого не му оди во прилог, па продолжува во истата насока на стимулирање раздор, тензија итн.
|
|||
alexgizh
Moderator Group Joined: 07-Jan-2009 Location: Skopje Online Status: Offline Posts: 1976 |
Quote Reply #35 Posted: 13-Jul-2010 at 13:15 | ||
Одлично кажано. Во врска со СК2014, мислам дека досега сите ги кажавме своите ставови, а знам и дека на Кловер му се допаѓаат барем неколку делови, но не и целината. Навистина има добри делови од проектот, меѓутоа многу голем дел се бесмислени. Токму тој дел, поткрепен од недостигот на транспарентни информации, како што и самиот кажа, се најголем мотив за противење на овој мегаломански зафат. Една молба (знам дека нема да ме послушате, ама ќе си кажам): Сите веќе знаеме што содржи проектот СК2014. Сите ги кажавме своите мислења. Но, жалосно е што веќе пола година водиме јалова дебата, која за жал, макар и делумно, е политички мотивирана. Јас како аполитички човек, а сепак длабоко заинтересиран за случувањата во врска со реализацијата на проектов, би сакал да видам аргументирана дебата за архитектонската, естетската и урбанистичката димензија. Не велам дека досега немаше таква дебата, меѓутоа е длабоко засенета од политичката и финансиската димензија. |
|||
The only thing necessary for the triumph of evil is for good men to do nothing.
|
|||
ebivetre
Senior Member Joined: 07-Feb-2010 Online Status: Offline Posts: 183 |
Quote Reply #36 Posted: 13-Jul-2010 at 14:13 | ||
Imase studija, uste koga se rezrabotuvase proektot, deka vodata od Vardar sto kje odi vo fontanata kje se procistuva. Pisuvase i vo vesnik uste koga prv pat se spomena idejata.
Ova sea e mlatenje prazna slama,. Vodata vo vodoskocite kje bide cista. Ova vo vesnikov e tipicna neinformiranost na avtorot. |
|||
Dave Gahan
Senior Member Joined: 27-Oct-2008 Location: 42°0′N,21°26′E Online Status: Offline Posts: 986 |
Quote Reply #37 Posted: 13-Jul-2010 at 14:19 | ||
Плажите не се барокни, фонтаните не се исто, ама пак се ултра-дебилна идеја за мене во моментов и така и ќе остане... Во еден недограден град ти да се занимаваш со вакви работи е поприлично детски. Уцртување и градење на мостови што не водат никаде, прскање на вода што ни еден микробиолог не треба да ми каже каква гнасотија и споменици со сомнителен уметнички квалитет се работи што на Скопје не беа последни на листата на приоритети, туку ако ме прашаш мене никогаш не требаа да се спомнат. Да не се повторувам со urban, поентата е таа, а не е план Б, темата за расипништвото. Ова ти е како да трошиш пари за пластична хирургија, а дома да одиш во полски клозет... |
|||
MAKE CAPITALISM HISTORY
|
|||
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #38 Posted: 13-Jul-2010 at 18:02 | ||
@ Fossil
Едноставно нема инстант решенија за прочистување на Вардар, ниту пак Вардар влегува во Скопје чист. Никаков оптимизам или добра воља нема да ни овозможи да го решиме проблемот без инвестирање на многу пари, многу експертиза и многу време. Процесот за прочистување на загадена вода е комплициран и опсежен... никој не би измислувал колектори и огромни пречистителни станици доколку сето тоа можело да се направи со поставување на некакви портабл пречистителни станици на секој одвод. http://en.wikipedia.org/wiki/Sewage_treatment http://en.wikipedia.org/wiki/Industrial_wastewater_treatment http://en.wikipedia.org/wiki/Agricultural_wastewater_treatment @ ebivetre Каде е таа студија Навистина сум љубопитен како е можно така едноставно да се прочистува толкаво количество на вода (иако како што кажав, дури и најчиста вода да излегува од цевките, самиот факт дека тие ќе бидат под вода укажува на тоа дека млазот со себе узпат ќе расфрла и речна вода директно од Вардар). А потполно се слагам дека весниците често пишуваат чисти глупости, но нема логика во една реченица да се повикаш на некоја вест дека водата ќе била чиста затоа што така пишувало во некој весник, а веќе во следната реченица во контекст на другата вест (за загаденоста на водата) да кажеш дека не треба да се верува на се што се пишува. И на крај повторно сме на почетокот - едноставно нека ја покажат студијата па да знаеме на што сме. Да знаеме дали одговорно си ја работат работата или ова е дива лига. @ Skyboy Повторно те молам искулирај малку. Не се занимавај цело време со другите форумаши и со лични прозивки, туку со она што е предмет на дискусија. Дозволи некој да има различно мислење од тебе и да го изнесе овде, како што и ти имаш право да го изнесеш твоето, кое на многумина сигурно им изгледа подеднакво погрешно како што тебе ти изгледа нивното. Во оваа атмосфера има причини за критика на претек и никој не е должен да одреди макар мал процент пофалби за нешто чисто ради реда, или чисто за да не добие триста дофрлања од твоја страна. Твојата перцепција за други форумаши е твоја лична работа и престани да ја вметнуваш во секој нов пост. Edited by Cloverstack - 13-Jul-2010 at 18:06 |
|||
Baze
Senior Member Joined: 08-Jan-2010 Location: Skopje Online Status: Offline Posts: 409 |
Quote Reply #39 Posted: 15-Jul-2010 at 22:48 | ||
Па добро кога веке ги прават фонтаниве зарем не треба да се направат и каскадните брани на вардар, затоа што ке се гледаат цевките кога ке фатат сушите и ке се гледа дното на коритото. Тоа ке биде една грда слика цевки и песок. Старв ми е некој да не ги пресече цевките за старо железо. Edited by Baze - 15-Jul-2010 at 22:49 |
|||
SkyBoy
Senior Member Suspended Joined: 24-Feb-2010 Online Status: Offline Posts: 738 |
Quote Reply #40 Posted: 15-Jul-2010 at 22:58 | ||
Ај вака со ред..
Петок 10/24/2008
~
Време, број 1759, 31.08.2009
ГРАДОТ ЌЕ ГО РЕШАВА ПРОБЛЕМОТ СО ЗАГАДУВАЊЕ НА РЕКАТА
Со каскади Вардар ќе се прави подлабок
Со изградба на каскади, кои треба да го задржат поголемо нивото на водата во летните месеци, градските власти планираат да му дадат нов естетски изглед на Вардар. Проектот каскадни прегради, вклучен во програмата на градоначалникот Коце Трајановски, е замислен за да го реши проблемот со фекалните води, кои ја загадуваат реката. Според објаснувањата од надлежните, каскадите се, всушност, последниот дел од проектот, а претходно треба да се изгради канализација во руралниот дел на општина Ѓорче Петров и да се направат две прочистителни станици, едната во оваа општина, а другата во Сарај. Во Министерството за транспорт и врски, од каде што се префрлаат парите за проектот, велат дека со последниот ребаланс на буџетот се одобрени 60 милиони денари, односно околу еден милион евра за изградба на канализација во општина Ѓорче Петров. - Станува збор за руралниот дел од општината каде што воопшто нема никаква канализација. Тоа се населените места Кисела Јабука, Стопански Двор, Волково, Пржина, поточно од железничката станица во Волково до вливот на Лепенец во Вардар. Мрежата треба да е во должина од вкупно 60 километри и е проценато дека ќе чини 12 милиони евра, а заедно со неа треба да се изгради и прочистителни станица и“објасни Сокол Митровски, градоначалник на општина Ѓорче Петров. Во општината велат дека за пречистителната станица, која е проект на Министерството за животна средина, веќе е избран изведувач, словенечка фирма, а изградбата чини околу шест милиони евра. - Идејата е прво да се исчисти водата на Вардар, а дури потоа да се постават преградите, во централното градско подрачје. Со изградбата на фекалната канализација ќе се овозможи подобар третман на водите на Вардар и тие да бидат од втора или од трета категорија, а воедно и ќе се заштитат бунарите Нерези - Лепенец од кои Скопје се снабдува со питка вода и“додава Митровски. Во град Скопје велат дека се уште немаат информации за димензиите на преградите и како ќе се поставуваат, затоа што проектот се уште само се разгледувал. - Прво треба да се изгради колектор и да се доврши канализациската мрежа. Кога ќе се тргнат отпадните води ќе може да се направат каскадите. Со нив ќе се зголеми нивото на Вардар, водата повеќе ќе се задржува во коритото, затоа што нејзиниот тек ќе се забави. Но, не сме во фаза на, условно речено, проект за изведба, туку се уште го разгледуваме и“вели Неделчо Крстевски, портпаролот во град Скопје. Сегашната состојба со водата во Вардар покажува дека на некои мерни места таа е од втора или од трета категорија, но сепак, во летните месеци квалитетот се намалува и достигнува четврта или петта категорија. Edited by SkyBoy - 15-Jul-2010 at 23:01 |
|||
Post Reply | Page <1234 12> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |