Милениумски Крст

Градоначалникот на Град Скопје, Трифун Костовски по повод проблемите со одржувањето на Милениумскиот Крст, неодамна иницираше подготвеност со Одлука на Советот да го преземе одржувањето и управувањето со локалитетот на Водно. За таа цел беше одржана и средба со претседателот на Фондацијата Милениумски Крст, Благоја Дојчиновски и со претставник од МПЦ. На средбата Фондацијата не покажа подготвеност да го отстапи управувањето со Милениумскиот Крст, а со тоа целосно ја презема одговорноста за понатамошното одржување на локалитетот.

Град Скопје направи напор конечно да се регулира состојбата со одржувањето на просторот, но бидејќи не беше прифатена понудата од страна на фондацијата, не ја презема одговорноста за понатамошното одржување на Милениумскиот крст.

Фондацијата е известена од страна на ЕВН, а дописот е испратен и до Министерот за финансии и до градоначалникот, дека по извршената уплата на акумулираниот долг, дека истиот повторно се зголемува и со оглед дека повторно никој не презема одговорност за подмирување на долгот, компанијата ќе биде принудена доколку не се анулира до 30 април оваа година да изврши прекин на испораката на електрична енергија.