Света Злата Мегленска во Загреб

Во главниот град на Хрватска, Загреб, наскоро ќе почне изградба на македонска православна црква. Тоа вчера го најави хрватскиот амбасадор во земјава, Иво Кујунџиќ, на заедничка прес-конференција со министерот за образование и наука Никола Тодоров, на која беше презентирана програма за соработка меѓу двете земји во областа на науката, технологијата и образованието за периодот 2009-2012 година. Амбасадорот информира дека земјиштето за изградбата на македонска православна црква веќе е купено, а се обезбедени и сите дозволи. - Тоа е уште еден придонес на соработката меѓу двете земји - рече Кујунџиќ. Министерството за образование и наука ќе кофинансира седум заеднички научноистражувачки проекти на Република Македонија и Република Хрватска со 4,2 милиони денари во рамки на програмата. Ќе се соработува во областа на медицината, сеизмологијата, земјоделството, ветерината, математиката, информатиката и на културата. Изборот на проектите е во согласност на расположивите средства на македонското МОН и хрватското Министерство за наука, образование и спорт и е направен врз основа на ранг-листа од анонимни рецензенти од двете страни. - Со одобрените заеднички научноистражувачки проекти ќе се постигне развој на научните достигнувања и размена на искуства во соодветните области, а ќе се создадат и можности за продлабочување на соработката меѓу високообразовните установи и научни институти на двете земји - рече Тодоров. Амбасадорот Кујунџиќ истакна дека Хрватска целосно ги поддржува проектите од билатералната соработка во сферата на науката, образованието и културата. Во наредниот проектен циклус, соработката меѓу Македонија и Хрватска ќе биде проширена во областа на природните и хуманистичките науки, со проекти раководени, главно, од млади истражувачи.

Следниот ден 24.10.2010 година (недела), во црквата на Роков перивој се отслужи божествена Литургија (Златоустова) од каде присутните верници се упатија на местото каде е предвидено да се изгради македонски православен храм. Таму, пак, се освети вода и се благослови местото за градба и се постави крст. Плацот од 711 м2, во март оваа година, управниот одбор на МПЦО „Света Злата Мегленска“, го купи за 200 000,оо евра.

На чинот на осветување на местот за градба, покрај стотината Македонци кои што живеат во Загреб, присуствуваа и Н.Е. г. Данчо Марковски, амбасадор на Р. Македонија во Р. Хрватска, монсињор Звонимир Секељ, викар на Загребската Надбислупија, Пречасни др. Звонимир Куречич, пребердар во Загребската надбискупија, дон Пејо, парохиски свештеник во црквата „Света Марија Помошничка“, г.Фрањо Дубрович, Комисија за верски заедници на Р. Хрватска и г. Стипе Зеба, Шеф на кабинетот на градоначалникот на Загреб г. Милан Бандич.

НОВ ХРАМ ВО ЕВРОПСKАТА ЕПАРХИЈА

До крајот на годината во Загреб, Хрватска, ќе почне да се гради првата македонска црква на Балканот, која ќе биде центар за собирање на нашите сонародници во оваа земја. Таа нема да биде само духовен храм, туку ќе има и други придружни објекти што ќе се користат за активностите на нашите иселеници. За градбата на целиот комплекс потребни се околу еден милион евра, пари што ќе се обезбедуваат преку донации на македонските иселеници, на МПЦ, како и со помошта од хрватските државни и општински власти. Европската епархија на МПЦ досега инвестира околу 300.000 евра за купување на земјиштето во поширокото централно градско подрачје, обезбедување проект и за добивање градежна дозвола.

- Само за купување на плацот со површина од 711 квадратни метри во 2008 година инвестиравме околу 200.000 евра. Сега сме свртени кон напорите да обезбедиме средства за да почнеме со градбата наесен. Се надеваме дека дотогаш ќе можеме да поставиме камен-темелник и потоа да продолжиме со градбата - ни изјави протопрезвитер Kирко Велински, намесник на Европската епархија.

Градежната дозвола е извадена во минатата година, а со градбата треба да се почне најдоцна до април 2015 година. Автор на проектот на новата црква е архитектот Зоран Бошевски, Македонец роден во Хрватска, а во конкуренција беа уште два други труда. Се работи за модерно архитектонско решение, во согласност со трендовите што се појавуваат во европските земји во последно време. Овој проект неодамна беше претставен на посебна изложба, а за него прилог сними и Хрватската телевизија.

- Точно е дека објектот е со поинаков стил од нашата македонска градителска црковна традиција, но сепак ни се допаѓа. Него го избра комисијата во која беа началникот за проектирање на град Загреб, двајца претставници од Заводот за проектирање и двајца наши претставници. Во црквата ќе бидат запазени сите канонски правила - ни рече отец Kирко Велински.

Во Загреб, инаку, има околу 1.300 Македонци кои сега за своите верски потреби ја користат малата капела посветена на свети Рок, а која привремено ~ е отстапена од страна на Kатоличката црква. Таа е приспособена за потребите на православните богослужби. И во другите три парохии, во Сплит, Пула и во Риека, МПЦ ги користи објекти што ~ ги отстапила Kатоличката црква. Уште од 2003 година МПЦ во Хрватска има статус на легално признаена верска заедница, која е целосно рамноправна со другите. Нашата заедница во оваа земја брои околу 4.800 члена. Најблиска друга македонска црква која е во сопственост на МПЦ се наоѓа во Виена, Австрија.

Апартман за родителите чии деца се на лекување

Спецификата на овој центар ќе биде и во тоа што ќе има посебен апартман во кој бесплатно ќе може да престојуваат родителите од Македонија чии деца се на лекување во некоја од загрепските болници.

- Наместо да плаќаат скапи хотели, тие ќе можат да го користат бесплатно нашиот објект, с` додека имаат потреба. Се разбира, апартманот нема да биде наменет само за нив. Kога ќе биде слободен, ќе може да го користат и студентите што ќе доаѓаат тука за да се запишат на некој факултет и слично - наведува отец Kирко.

Бранко Ѓорѓевски